Nehemiia 13:25 - O Mikanda Ikola

²⁵ Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Nehemiia 13:25 ပူးပေါင်းရင်းမြစ်များ

II Jisobha 2:24

O muene kia lunguluka kuema, ua a mono, hé u a bhubhidila ni ku a ta mázui mu dijina dia Jihova; bheneʼobho, itôto iiadi, ia akaji, i tunda mu ditutu, anga i sanujuna makuinhi a uana ni kiiadi ku tuana tuenhoto.

Ejidala 10:5

Ejidala bhenhobho hé u balumuka, anga u lokesa makota moso ma jinganga, ni jilevita ni Izalaiele ioso kuila a bhanga muene kala kiambe maka eneʼá; ene anga a loka muene.

Ejidala 7:26

Uoso-uoso u kamba kualuka kitumu kia Nzambi ié-eie, ni kitumu kia sobha, ua fuama ku mu jibha, mba ku mu tumikisa oxi ia dikanga ni ku mu balakala, mba ku mu tambula jimbongo joso jala na-ju, mba ku mu ta mʼonzo ia dikuikilu (mu kaleia). Mahezu.

Nehemiia 13:11

Bhenhobho nga zoko ni adikime, ngixi: O inzo ia Nzambi, mua iehelelaʼhi? Eme-phe, eme nga a bhongolola dingi, eme ngʼa vutuila dingi bhu kididi kiâ.

Nehemiia 13:17

Anga ngi zoka ni makotʼa jinganga mu Juda, nga a tangela, ngixi; Muala kubhangelaʼhi o ilulu iii, hé mu kuata kutumbulula o kizuua kia sabhalu?

Nehemiia 13:24

O anʼâ anga a kala mu zuela mbandu ia Asdode, mukonda ka tenene kuzuela dimi dia Juda, a zuela ngó o dimi dia kifuxi kiâ.

Nehemiia 5:13

Eme uami ngi kukumuna homba iami, ngixi: Kienhiki Nzambi kia kukumuna muthu uoso mʼonzo iê ni ku kikalakalu kiê u fula kutumaka kizuelu kiki, u mu kukumuna kienhiki anga u xala hatu! Kuala kionge kioso: AMÉM! Anga a ximana Ngana; kifuxi kioso ka zuela dingi kima, anga a bhanga kala kiambe o kizuelu kiki.

Nehemiia 5:6

Eme-phe, mu kuívua o kudikola kuâ, ni ki a kuata kuzuela kiki, ngʼivua kia ngi kuama kiavulu!

Jisálamu 119:53

Maji nga thathamana muene kiavulu, mu kumona athu abhukumuka, kioso kia bhumina o ngonge ié.

Jisálamu 15:4

Muthu uala kifusa muene u mu mona kusekala, maji u ẋila-phe oso akua uoma ua Jihova; o muthu ió ua bhingi, se ua loka kiá, kʼaluluka dingi bhu dimi, né ua di fumbu;

Makatukilu 34:16

Anga muʼijila kiá o kubhenga anʼâ a ahatu phala anʼenu a mala, o anʼâ a ahatu ki aia ni kubhanga undumbu bhu pholo ia jinzambi jâ, ni anʼenu a mala a a sendula ue mu undûmbu ua jinzambi jâ.

Jisabhu 28:4

Oso a xisa bhu mbandu, kioso kia xindi o kitumu, kifua a ximana o isuéia; oso-phe a lunda o kitumu ni ku ki bhanga, isuéia ala kuzoka na-iu.

Izaía 50:6

O dikunda diami ngi di bhakuila ió oso a ngi beta, oso a ngi vuza o muezu eme ngʼa ehela o matama; bhu kala o ku ngi tembula ni ku ngi thuthuina mathe, pholo iami ki ngi i sueka, kana.

Matendelelu 6:13

Enda ni kuxila jinga Jihova Nzambi ié, muene ngó u mu sedivila; o ki ki ku bhinga kuloka, kale ulokela ngó mu dijina dia Jihova.

Matendelelu 7:3

ku di tange-nâ undandu; anʼé a ahatu ku a bhane mu kusakana ni anʼâ a mala; eie ue kana kusola anʼâ a ahatu phala anʼé, a mala;

Josuué 23:12

Mukonda, hé mua sanduka kua Nzambi, anga mu di banda ku ifuẋi ia subhukʼei, mu ku tanga-nâ undandu, enu anga mua a sakana, ene ue a mi sakana,