Nehemiia 13:22 - O Mikanda Ikola

²² Akua Leví ue nga a tangela ngixi mu di zelesa, anga muiza, mu langidile bhu mielu, nda mu kôlese o sabhalu. (Mu kiki ue eie, u Nzambi, iami, ngi te muẋima; anga u ngi loloka kala kiavulu o henda ié.)

Nehemiia 13:22 ပူးပေါင်းရင်းမြစ်များ

II Jisobha 20:3

Auá! Jihova, tata! Nga ku diondo xinganeka kuila ngʼende bhu pholo ié ni kidi, ni muẋima ua tenena nga bhange muene ima ia kuiuka bhu mesu mé-eie.

II Jisobha 23:4

Sobha iú ua tumu o nganga ia dikota Hilikiia, ni jinganga ja kilangidilu kia kaiadi, ni alangidi a mabhitu, kuila, a katule mu Tembulu ia Jihova, o itutu ioso ia iudikilile o dihamba dia Baale ni iii ia iudikilile o muxitu ni ia kifuẋi kioso kia diulu; iú ua i ohela mu thaka ia Jeluzaleme mu mikáu ia Kidolone, o uthôka uê ua uambata iu uai na-u ku Betele.

II Malunda 29:24

O jinganga hé a i jibha, o manhinga mê hé a bhanga na-mu o sata ia kilumbu kia ituxi ku thandu dia kalatódio phala o kuluulula Izalaiele ioso; mbata sobha ua tumine kuila a bhange ujitu ió ua kubhakula ni túbhia kua Jihova ni sata ia kilumbu kia ituxi, bhu kididi kia Izalaiele ioso.

II Malunda 29:27

Anga Ezekiia u a ambela kubhana o sata ia kubhakula ni túbhia kua Jihova ku thandu dia kalatódio. O kiene ngó kia mateka o kusatela, a mateka ue ni muimbu ua Jihova, ni jikoloneta ni ima dingi ia kuxikila o mimbu, ia Davidi, sobha ia Izalaiele.

II Malunda 29:30

Bheneʼobho sobha Ezekiia, kumoxi ni makota, ambela o jilevita kuila Jihova a mu ximane ni izuelu ia Davidi ni Asafo, o muzambuidi. Anga a mu ximana muene ni kusanguluka kuoso, a bhetama, a mu bheza.

Nehemiia 12:10

Anga Jesuua u vuala Joiakime, o Joiakime u vuala Eiiiasibe, Eiiiasibe u vuala Joiada,

Nehemiia 12:30

O Jinganga ue, ni akua Leví, anga a di zelesa; anga a zelesa ue o kifuxi, ni mabhitu, ni kimbaka.

Nehemiia 13:14

Mukonda dia kiki eie u Nzambi iami, ku ngi jimbe; o mbote jami joso ji nga bhange ku inzo ia Nzambi iami, ni ku kikalakalu kiê, kana ku ji jimuna.

Nehemiia 13:31

kiene ue kimoxi ki nga bhange ni akua maujitu ma jihuinhi mu ithangana ia tokala, ni maujitu ma ima ioso ia kutomona. Eie-phe, Nzambi iami, ngi te jinge o muẋima, mbé ku ngi kale ue o mbote iami.

Nehemiia 5:19

Ngi te-phe muẋima, eie u Nzambi iami, tata, u ngi bhange o mbote, ku ima ioso i nga bhange athu iá.

Jisálamu 130:7

Dielela kua Jihova, u Izalaiele, kuma kua Jihova sai-ku jihenda ni kulenduka; kua muene kuala ue kubhanduluka kua vula matelu.

Jisálamu 5:7

Maji eme-phe, mu kudielela o henda ié iavulu kinéne, ngala ni disesa dia kubokona monzo ié; ngi bhixila ni uoma mu ta pholo bhoxi bhu kanga dia Tembulu ié ikôla.

Jisálamu 51:1

Ngi kuatele henda, Ngana Nzambi, mu kulenduka kué ku uene na-ku; kaiela ki ku tuma o jihenda jé javulu, u ngi jimuine o itondalu iami ioso.

Izaía 38:3

anga uila, uixi: Uà, Jihova, tata! lembalala, nga ku diondo, kuma eme ngʼende muene bhu pholo ié mu kidi, ni muẋima uatenena; nga bhange muene ioso ia fuama ku mesu mé. Ezekiia anga u ẋikujuka kiavulu ni kudila.

Izaía 49:23

O jisobha a kà ku sasela ana; ana ilumba a jisobha a kala iledi ié; a kà ku diundila jinga ni pholo bhoxi, a kà ku lesa jinga o fufuta ia inama ié, bhene bhu ua-nda kuijidila kuma eme-muène Jihova, oso a ngi dielela eme, ka tena kukakuka.

Izaía 55:7

mukua-ituxi ehe o njila iê, o ua iibha muẋima a tule mabanzelu mê; a vutuke kua Ngana, u mu kuatela henda; nʼalukile kua Nzambi ietu, kuma muene mukua kuloloka kiavulu.

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

Matendelelu 5:12

Aiuka kizuua kia sabhalu, ki ku kale kizuua kikôla, kala kia ku lekelela Jihova Nzambi ié.