Nehemiia 13:16 - O Mikanda Ikola

¹⁶ Akua Tilo ue a kexile mu Jeluzaleme, a kala mu bheka jimbiji, ni mauenji moso ma vulu matelu, phala ku a sumbisa anʼa Juda, ni mu Jeluzaleme, mu kizuua kia sabhalu.

Nehemiia 13:16 ပူးပေါင်းရင်းမြစ်များ

Nehemiia 13:15

Mu izuuʼomo-phe anga ngi mona athu mu Juda a mu kama vinhu kia sabhalu, ni kubheka ita ia idima ku makundʼa jibulu; a bheka ue vinhu, ni ji-uva ni ji fiku, ni imbamba ia idifua ioso, i a kexi mu kuiza na-iu mu Jeluzaleme mu kizuua kia sabhalu; anga nga a bazela ngixi kiki ki kizuua kia kusumbisa mákudia.

Nehemiia 13:17

Anga ngi zoka ni makotʼa jinganga mu Juda, nga a tangela, ngixi; Muala kubhangelaʼhi o ilulu iii, hé mu kuata kutumbulula o kizuua kia sabhalu?

Makatukilu 20:10

Maji o kizuua kia kasambuadi-phe, kia sabhalu ia ngene ia Jihova Nzambi ié; mu kizuuʼiki kana kubhanga-mu kikalakalu kioso-kioso, né eʼmuene, mba monʼê ua diiala mba ua muhatu, né selevende ié ia diiala mba ia muhatu, né ibhaku ié, né musonhi ua ku tula mu lumbu lué;

Makatukilu 23:12

Izuua isamanu i u kalakala o thonga ié ioso, kia kasambuadi-phe u ki nhoha; phala ni ngombe ié ni bulu ié i nhohe; phala ue ni monʼa kahatu kê ni nzuángiza a sunge nguzu ióbhe.

Matendelelu 5:14

Maji o kizuua kia kasambuadi kiangene kia Jihova, Nzambi ié; mu kizuua kiki kana kukalakala-mu, né eʼmuène, né monʼé ua diiala mba ua muhatu, né selevende ié ia diiala mba ia muhatu, mba ngombe ié, mba kabulu ké, mba kibhaku kioso-kioso kia ku tokala, mba musonhi ua ku tula ku lumbu lué; mbé o selevende ié ia diiala ni ia muhatu anhohe-ku ue kala ki ua nhoha eie.