Nehemiia 13:11 - O Mikanda Ikola

¹¹ Bhenhobho nga zoko ni adikime, ngixi: O inzo ia Nzambi, mua iehelelaʼhi? Eme-phe, eme nga a bhongolola dingi, eme ngʼa vutuila dingi bhu kididi kiâ.

Nehemiia 13:11 ပူးပေါင်းရင်းမြစ်များ

Nehemiia 10:39

Mukonda anʼa Izalaiele ni anʼa Leví a tokala a bheka o maujitu ma kubhuka ma jimbundu ni ma vinhu ni ma maji, mu maxilu ió; mbata muene muala o itutu ia kididi kikôla, muene muala ue o jinganga ja kuata o ukunji, ni alangidi a mielu, ni jingimba; kífua mu kubhanga kienhiki, o inzo ia Nzambi ietu ki tu a-nda ku i ehelela.

Nehemiia 13:17

Anga ngi zoka ni makotʼa jinganga mu Juda, nga a tangela, ngixi; Muala kubhangelaʼhi o ilulu iii, hé mu kuata kutumbulula o kizuua kia sabhalu?

Nehemiia 13:25

Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Jobe 31:34

Kuabhu-phe, eme ngi kale ni kimbulambula bhuezala o mundu ua dikota, o uoma ua ku ngi sebulula kuala o madiembu u ngi kuate, nda eme ngi di xibhe, ngi kambe ku tunda bhu muelu.

Jisabhu 28:4

Oso a xisa bhu mbandu, kioso kia xindi o kitumu, kifua a ximana o isuéia; oso-phe a lunda o kitumu ni ku ki bhanga, isuéia ala kuzoka na-iu.

I Samuuele 2:17

O kituxi kia minzangala iii anga ki vula dingi kinéne bhu pholo ia Jihova, kuma mala enhá a tobhesa jinga o sata ia Jihova.