Nehemiia 12:30 - O Mikanda Ikola

³⁰ O Jinganga ue, ni akua Leví, anga a di zelesa; anga a zelesa ue o kifuxi, ni mabhitu, ni kimbaka.

Nehemiia 12:30 ပူးပေါင်းရင်းမြစ်များ

Dimatekenu 35:2

Jakobo bhenhobho anga u ambela dibhata diê, uixi: Tubhulenu jinzambi ja matumbu joso ji muala-na-ju, mu di bonze mu zuate izuatu iazele.

I Malunda 15:14

Jinganga-phe, ni akua Levi, anga a di zelesa, phala kubandesa o álaka ia Jihova Nzambi ia Izalaiele.

II Malunda 29:34

O jinganga-phe a kexile òfele muene kiavulu; o ku katula ibha ku jisata joso, kia a bhonzele; kí kia bhingile o kua a kuatekesa kuala o jiphange jâ, o jilevita, katé kiabhu o kikalakalu, kifua katé kioso kia di zelesa dingi o jinganga ja mukuá; mukonda o jilevita a betele o kuiuka muẋima mu ku di zelesa o jinganga, ndenge.

II Malunda 29:5

U a tangela, uixi: Enu mu jilevita, ngʼivienu. Dizelesienu kindala. Zelesenu ue o inzu ia Jihova, Nzambi ia jitata jenu, o dixidilu katulenu-diu mu kididi kikôla.

Ejidala 6:21

Kienhiki, anʼa Izalaiele a tundile mu ubhika, hé a dia phasu, kumoxi ni ió a di bundile ni ene, mu ku di katula ku imbamba ia xidi, ia akuaʼxi, phala kusota Jihova, Nzambi ia Izalaiele.

Nehemiia 12:29

A bhongolola ue akua bhata dia Jidingale, ni akua matutu ku mikáu ia Jibeia, ni akua Azemavete; mbata o jingimba a di tungidile ku jisengo jâ hé aditungidila mu jimbandu ja Jeluzaleme.

Nehemiia 13:22

Akua Leví ue nga a tangela ngixi mu di zelesa, anga muiza, mu langidile bhu mielu, nda mu kôlese o sabhalu. (Mu kiki ue eie, u Nzambi, iami, ngi te muẋima; anga u ngi loloka kala kiavulu o henda ié.)

Nehemiia 13:30

Kienhiki kiene ki nga zelesa o mundu ku akua matumbu oso, anga ngi uana o jinganga mu ibuka, ngi londekeza o ima ia fuama o jinganga kubhanga ni ia akua Leví, kala muthu ku kikalakalu kiê;

Jobe 1:5

Jobe anga uia ni kuila, kioso ana oso kia zubha kubhanga o jifesa, u a exana anga u a lumbila kua Ngana; kuma u balumuka mu kimenemene, anga uia mu kubhana jisata ja soko ni diauilu dia ene, mukonda, uixi: Sumba anʼami a te kituxi, a ẋonguena Nzambi ku muẋima uâ. Kienhiki kia kexi mu bhanga jinga Jobe thembu joso.

Makatukilu 19:10

Jihova anga uambela Mozé, uixi: Ndeie ku mundu u a zelese, a di bonze lelu ni mungu, a sukule izuatu iâ.

Makatukilu 19:15

Anga u ambela o kifuẋi, uixi: Mu kala polondo, (mu di iudika) kizuua kia katatu; kana ku di kasanesa ni muhatu.

Jihebeleu 5:1

O Nganga ia Dikota, a mu sola mu ʼaxaxe ka athu, anga a mu xinda o kukaiela o mundu ku pholo mu ima ia tokala Nzambi. Muène u bhana o ilumbu, ni jisata mukonda dia ituxi.

Jihebeleu 5:3

Mukonda dia kiki, kiene kia bhingi kubhakula o jisata ja ituxi ia mundu, ni iê-muène-muène.