Nehemiia 11:1 - O Mikanda Ikola

¹ Anga ilamba ia kifuxi a kala mu Jeluzaleme, maji o kifuxi kioso kiamukuá-phe kia anʼa Izalaiele a ta j jisorte, ja kukatula mbandu imoxi ku dikuinhi, phala a kale mu mbânza ikôla ia Jeluzaleme, o dívua dia mbandu a kale mu jisanzala jamukuá.

Nehemiia 11:1 ပူးပေါင်းရင်းမြစ်များ

I Malunda 26:13

Bhu muelu ni muelu a-te jisorte, phala kumona o kikalakalu kioso muthu ni muthu kia mu fuama kubhanga-bhu, kixi mona-ndenge kixi muadiakimi, kala kiatokala mu mabhata a jitata jâ.

I Malunda 8:28

Enhá ene akexile atumini ku jitata mu kutunga kua miji iâ, enhá ene a tungile mu Jeluzaleme.

I Malunda 9:1

Izalaiele ioso anga a i alula ku mísala ia miji ia mauvadiue mâ; ia a asoneka mu divulu dia jisobha ja Izalaiele. O akua Juda-phe a a balakala ku Babilónia, mukonda dia kutondala kuâ.

I Malunda 9:2

O akua Izalaiele ni jinganga ni akua Levi, ni aẋangi a jihuinhi ni ateki a menha, ene a dianga o kutunga mu ixi iâ ni mabhata mâ.

I Malunda 9:3

Maji o ku ana a Juda-phe, ni ana a Bejamí, ni ana a Ifalaíme, ni Manasa, ió atungile mu Jeluzaleme.

Nehemiia 10:34

Tua te ue jisorte muʼaxaxi ka jinganga, akua Leví, ni mu kifuẋi, phala kuijiia oso a bhana o jihuinhi ja kubheka mʼonzo ia Nzambi ietu, ku jinzo ja jitata jetu, mu ithangana i a xindi, ku muvu ni muvu, ia kuohela ku kalatódio ka Jihova, Nzambi ietu, kala ki a ki soneka mu kitumu.

Nehemiia 11:18

Akua Levi oso mu sanzala ikôla ia Jeluzaleme, a tenene hama jiiadi ni makuinhi nake ni kiuana.

Nehemiia 4:22

Mu kithanganʼomo ue ngi tangela o kifuxi, ngixi: Muila jinga o muthu ni munzangala uê, mu kala jinga mu zekela mumu mu Jeluzaleme, sembele mʼusuku uoso mu tu langidila hanji, mu muanha mu kuata ku kikalakalu.

Jisálamu 122:5

Kuma mu Jeluzaleme muene mua xikika o jimbenza ja kubatuila milonga mu kidi, jimbenza ja ungana ua dibhata dia Davidi.

Jisálamu 122:6

Sambenu phala Jeluzaleme a kale ni kutululuka; oso a ku zola, Jeluzaleme, a bonga kuzediua.

Jisabhu 16:33

Kibhuku ki buila bhu jihata, maji Jihova muene u ki muena o phangu ia ku ku lungisa-kiu.

Izaía 48:2

A di-luka muene o dijina dia mbanza ikôla, anga a xamenena kua Nzambi ia Izalaiele; o dijina diê Jihova dia Ilombo Ieta.

Izaía 52:1

Phaphumuka, phaphumuka eie Ziione, u zakele uzonda ué; Jeluzaleme, u diembu diangene, zakela kuma momué nuka dingi mua ká bokona muthu kʼa mu saie mba kifusa.

Matesu 27:53

Jezú muène ue kia zubha kufukunuka, ene a tunda mu jimbila, hé a bokona mu Mbonge Iangene, anga a tukulukila athu avulu.

Matesu 4:5

Diabhu anga u mu bheka ku mbanza iangene ia Jeluzaleme, hé u mu imanesa ku ditala-èlele dia Tembulu

Jipoxolo 1:24

Anga a samba, exi: Eie Ngana, uejiia miẋima ia athu oso, idikiza ku kiiadʼ iki, uoso eie ua mu solo,

Jipoxolo 1:26

Anga a a tela jisorte phala bhu kiiadʼ iki kutungula-bhu umoxi. O Sorte hé i kuata Matiia, anga u di bunda kiá kumoxi ni kuinhi dia Poxolo ni imoxi.

Josuué 18:10

Josuué anga ua tela-iu jihasa mu Silu, bhu pholo ia Jihova; bhenhobho bhene bhua uanena oxi phala anʼa Izalaiele, mu ibatu iê.