Nehemiia 10:39 - O Mikanda Ikola

³⁹ Mukonda anʼa Izalaiele ni anʼa Leví a tokala a bheka o maujitu ma kubhuka ma jimbundu ni ma vinhu ni ma maji, mu maxilu ió; mbata muene muala o itutu ia kididi kikôla, muene muala ue o jinganga ja kuata o ukunji, ni alangidi a mielu, ni jingimba; kífua mu kubhanga kienhiki, o inzo ia Nzambi ietu ki tu a-nda ku i ehelela.

Nehemiia 10:39 ပူးပေါင်းရင်းမြစ်များ

II Jisobha 7:10

Anga eza-phe, hé a handekela akua kulanga o mabhitu ma mbonge, a a kundila-na-kiu, exi: Tuʼele mu kilômbo kia akua Sídia, tala, ni muthu ngó ki tu mu sange-mu, mba tuiva-mu mbimbi ia muthu; inda tua mono ngó jikabalu jʼókuike ni jibulu jʼókuike ue; o jibalaka kiene ki jʼalé, kiene.

II Malunda 31:11

Bheneʼobho Ezekiia kuema dia inzu ia Jihova, u tuma ku iudikisa-ku mabhakelu, anga a ma iudika.

II Malunda 31:12

Kia zubha ku ma iudika, a ta ni ufiiele uoso mueneʼomo, o maujitu, ni madijimu, ni ima ioso iòʼlumbile; ku pholo dia ima ienʼiii anga a ta-ku Konaniia, o levita, muadiakimi, ni Ximei, phangʼiê, muene kaiadi ua kaiela-ku.

Nehemiia 12:47

Kia bhekela kuma Izalaiele ioso, kumatekena kiá mu izuua ia Zolobabele, ni mu izuua ia Nehemiia, a kala mu kubhana o kúdia kua jingimba ni kua alangidi bhu mielu kizuua ni kizuua o muthu bhu kithangana kiê; anga a kala mu lumbila o mákudia ma akua Leví, o akua Leví a lumbila o kudia kua anʼa Alá.

Jisálamu 122:9

Mukonda dia inzo ia Jihova, Nzambi ietu, nginda Ngana a ku bhange mbote ja ndumba.

Dialuilu 18:26

Eie ue ua ka zuelela o jilevita, u a tangela, kuma: Kioso enu ki mu tambula o mbandu ja kakuinhi ku ana a Izalaiele, ji nga mi bhela enu kokuâ mu undundu uenu kienhókio mu bhakula-ku o ujitu uenu kua Jihova; jene o jimbandu ja kakuinhi ku mbandu ja kakuinhi ji mua tambula.

Dialuilu 18:30

Kala kiki-phe eie u a ambela, kuma: Kioso enu ki mu bhana o ujitu anga mu sola-bhu muene ioso ia beta hé mu i bhakula kala jimbundu ja tundu bhu dizanzu dia kuvundila mba ku ditangi dia kukamena, kienhiki-phe o jilevita a kà a tela-kiu ku mbandu iâ.

Matendelelu 12:17

O madijimu kana ku ma dila kubhata dienu: ni díjimu dia idima ienu, ni dia maluvu menu, ni dia maji menu, ni jiphande-kumbi ja jingombe jenu ni ja jimbudi jenu; katé ni ima i mua plometela ku hasa ioso i mua te, ni mibhaku ioso ia vondadi, ni maujitu ma ku di fikixila bhu lukuaku luenu;

Jihebeleu 10:25

Kana kufula ku di bhongolola jinga, uila amoxi ki ene kufula, maji tu di longesa mudietu. Uila kiki, tu di suinisienu mudietu, kota-kota dingi kioso ki mu mona o Kizuua kia Ngana kí zukama.