Nehemiia 10:29 - O Mikanda Ikola

²⁹ o a beta o uthu mudiʼâ, a di bande ue ku jiphange jâ ni kujiza kuoso, anga a diẋikina mu kubela ku mázui ni ku mulôko, kuila endela mu kitumu kia Nzambi, kia bhele mu ukunji ua Mozé, ngunza ia Nzambi; ni kuila a kuata anga a tumaka o ijila ioso ia Jihova Nzambi ietu, ni mabatuilu mê ni jingonge jê.

Nehemiia 10:29 ပူးပေါင်းရင်းမြစ်များ

II Jisobha 10:31

Maji o Jehu-phe, ku kala ni muanu ua kuenda ni muxima uê uoso mu ngonge ia Jihova, Nzambi ia Izalaiele, ua ki tokoka, o ku di batuka ue ni ituxi ia Jelobouamu ua bhangesele Izalaiele o ku ta ituxi, ua ki lémbua.

II Jisobha 23:3

Sobha hé uimana bhu mbanduʼa philadi anga u ta kikutu ni Ngana phala kuenda jinga ni Jihova, ni kubhaka o ijila iê, ni maumbangi mê, ni jingonge jê ni muxima uâ uoso ua muvimba; ni ku kuatesa o maka a kikutu kienhiki ni muenhu uoso kala kià a soneka mu divulu dienhodio; o mundu uoso bhuene bhua kexile ku kikutu kienhiki.

I Malunda 9:2

O akua Izalaiele ni jinganga ni akua Levi, ni aẋangi a jihuinhi ni ateki a menha, ene a dianga o kutunga mu ixi iâ ni mabhata mâ.

II Malunda 34:31

Sobha, bhu kididi kiê, anga u balumuka, uimana hé u ta kikutu bhu pholo ia Jihova, phala kukaiela jinga Jihova, ni kualuka o ijila iê, ni kubhaka o maumbangi mê, ni jingonge jê ni muẋima uê uoso ni muenhu uê uoso, ni kutumaka o maka moso ma kikutu mʼòsoneke mu divulu dieneʼodio.

II Malunda 6:16

O kikiphe, Jihova, Nzambi ia Izalaiele, bhakela mubhikʼé Davidi, tatʼetu ioso i ua mu tangela, uixi: Ki mungu dingi kokué ku kamba dikuenze bhu pholo iami, u xikama bhu kiandu kia Izalaiele; inda kima kimoxi ngó ki nga ku bhingi, kuila anʼé aluke njila ié-eie, mu kuenda mu kitumu kiami, kala eie ki uenda jinga bhu pholo iami.

Nehemiia 13:25

Anga ngi zoka-nâ, hé ngʼa bhubhidila, ni ku a ta mázui, amoxi mudiʼâ ngʼa beta muene, ni ku a vuza o jindemba, anga ngʼa lokesa mu dijina dia Nzambi ngixi: Kana kubhana dingi anʼenu ahatu ku anʼâ a mala, ni enu ue ki mu sakane dingi o anʼâ ahatu, né ku abhenga phala anʼenu mba phala enu muene.

Nehemiia 7:46

O akalakadi mu tembulu: Anʼa Ziia, anʼa Hasufa, anʼa Tabaiote,

Nehemiia 8:2

Anga Ejidala, dia nganga, u bheka o Divulu dia kitumu bhu pholo ia kionge, kia mala ni kia ahatu, ni kia oso a tetulukila kuívua, mu kizuua kia dianga kia mbeji ia kasambuadi.

Nehemiia 8:3

Muene anga u tangamu, ku pholo ia muhenda, ualela bhua lulama ni Muelu ua Menha, tunde mu kimene kia tundu o dikumbi, katé mu kaẋi ka kizuua ku mediia, bhu pholo ia mala ni ahatu, ni athu a tetuluka; anga o mátui ma kifuxi kioso ma jikukila kuívua o divulu dia kitumu.

Nehemiia 9:2

Anga muiji ua anʼa Izalaiele u di sandula mu matumbu oso a kexe muʼaxaxi kâ, hé a dʼimanena, anga mu kudifisala a kuata kuditanga o ituxi iâ, ni ikuma ia jitata jâ.

Nehemiia 9:38

O mukonda dia ima ioso iii, tua te kikutu kia kidi, kʼi tua soneka; ni ilamba ietu, ni jilevita jetu, ni jinganga jetu, ia a ki jika ni idimbu iâ.

Jisálamu 105:45

phala o itumu iê a i kuate muene, o ijila iê a i tumake. Haleluia!

Jisálamu 119:106

Nga loka muene, nga-nda ku ki jijila, kuila o ijila ié ia kidi nga-nda ku i aiuka jinga muene.

Jisálamu 8:1

U Jihova, Ngana ietu, dijina dié kujinga kuahi mu ngongo ioso!

Jisálamu 8:9

U Jihova, Ngana ietu, tata! O dijina dié kujinga kuahi mu ngongo ioso!

Izaía 14:1

Mbata Jihova ua kà kuatela Jakobo henda, u tona dingi kusola Izalaiele anga u a bheka mʼoxi iâ; jinzuángiza ue ja kà di bunda kumoxi ni ene, anga a kà di banda mu diembu dia Jakobo.

Jelemiia 26:4

Tangela-u-phe, kuma: Jihova uambe kiki: Se mu kamba ku ngi bhana mátui, ni mu i ni kuenda mu ngonge iami, i nga mi tela ku pholo dienu,

Jelemiia 34:15

Leluʼidi-phe enu mua diela, ku ima iambote i mua bhange bhu mesuʼami, mu ku kola o ufolo muthu ni mukuá; enuʼenu phe mua tele ue kikutu bhu pholo iami, mu dibhata diexana mu dijina diami.

Izekiiele 36:27

Anga mʼoxi dienu nga kà tula-mu o nzumbi iami, ni ngi mi bhangese kuenda mu jingonge jami, ni kubhaka o mabatuilu mami, ni muende ni ku a bhanga.

Ijila 20:26

Ngi kexidienu mu athuʼami azele, mukonda Eme, Ngi Jihova, nga zela, kiene Eme ki nga mi tunguila mu ifuẋi ku mundu, phala mu kale mu athu ami.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Dialuilu 5:21

(bhenhobho-phe nganga u lokesa muhatu mulôko ua mázui, u ambela muhatu kiki:) Jihova a ku bhange u mukua mázui, u mukua kisunji mu kaẋi ka kifuẋi kié, a bhangese ditabela dié ku kamba nguzu, divumu dié di jimba.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Nzuá 15:14

Enu mu makamba mami se mu bhanga ima ioso i nga mi tumu.

Nzuá 7:19

Abha ki Mozé ua mi bhana o Kitumu? Kana muthu-phe mudienu ua mu tumaka o Kitumu. Enu-phe, mua-lu sotela-hi ku ngi jibha?

Jipoxolo 11:23

Muene kia zubha kutula, anga u mona kiadi kia Nzambi ku athu ió, u kala ni ngalasa iavulu. Anga u a suinisa ene oso kuma a kolokote kuenda mu kidi ni Ngana, ni kutetuluka kua muẋima.

Jipoxolo 17:34

Ku kala ni Diionizio, ua tokala ku jitata ja akua Hamba-dieta, ni muhatu dijina diê Damali, ni amukuâ dingi.

Jipoxolo 23:21

Eie-phe ku a evue. Kuma ku mundu uâ, makuinhi a uana a muthu ndenge, a mu batamena phala ku mu jibha. Ene oso a di kutu ni mulôko ua mázui kuma ka-di, ka-nu, katé kia jibha Phaulu. Kienʼiki ala kia polondo, a kinga ngó o kizuelu kié.

Loma 12:9

O henda ki i kale ia kádia. Iaiibha mu i lenga, iauabha mu i naminina.

Matendelelu 33:4

Mozé ua tu tambuisa o kitumu, kuma uene undundu ua tokala o kionge kia Jakobo.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 5:32

Endenu-phe ni kubhanga kala kioso kia mi tumu Jihova Nzambi ienu; talenu, kana kuabhukila ku kadilu mba ku kiasu.