Nehemiia 1:7 - O Mikanda Ikola

⁷ Tua ku bhangela ima ia bolo muene kinéne, ni ijila ié ki tua i kuata; ni itumu ié, ni jiphangu ja mabatuilu mé, ji ua tumine kua ngunza ié Mozé, ki tu ji aiuka.

Nehemiia 1:7 ပူးပေါင်းရင်းမြစ်များ

I Jisobha 2:3

Kumbidila o utuminu ua Jihova Nzambi ié, u ende jinge mu njila jê, u aluke o ijila iê, ni itumu, matetuluilu mê, ni maumbangi mê, kala kia i soneka mu ngonge ia Mozé, phala u kale ni kubhanduluka mu ima ioso i u bhanga, ku ididi ioso ku u di tela.

II Malunda 25:4

Maji anʼâ ka a jibha; ua bhange kala kioso kia soneka mu kitumu, mu divulu dia Mozé, kala kia ki tendelela Jihova, kuila: Kana kujibha jitata mukonda dia ana; mba mu jibha ana mukonda dia jitata, maji muthu ni muthu u fuila kikuma kiêmuène.

II Malunda 27:2

Anga u bhanga kia iuka bhu pholo ia Jihova, kala ioso ia bhanga jinga tatʼâ Uziia, kana-phe o kubokona mu Thembulu ia Jihova. Maji hanji o mundu ua kexile mu kutondala.

Ejidala 7:6

Ejidale muenhú anga u banda, ua tundu ku Babilónia. Muene anga u kala musoneki ua di longo kiavulu mu kitumu kia Mozé kia bhele Jihova, Nzambi ia Izalaiele. Muene-phe ue, mukonda dia lukuaku lua mbote, lua Jihova Nzambi iê, lua mu kexile ku thandu diê, sobha ua mu bhana ioso muene ia mu bhingile.

Jisálamu 106:6

Ituxi tua i ta jinga kala o jitata jetu, tua bhange muene kuxibhaka ni kubhukumuka; tua bhange muene kiaiibha.

Jisálamu 89:31

O kulonga kuami se a ku tobhesa, itumu iami nʼa i tondala;

Jisálamu 89:32

Ngʼa beta muene ni lumbamba, mukonda dia ituxi iâ, mu kubhukumuka kuâ, ngʼa bhesa jixikote.

Izaía 1:4

Kifuxi kiki lamba diâ, mukonda kiezala ni ituxi, mundu ua kubhuma, muiji ua isuéia, mbutu iaiibha i sambukisa kubola; Jihova a mu te dikunda. Delemba dia Izalaiele a mu tembula, ia a vutuka kuema!

Daniiele 9:11

Xi, Izalaiele ioso-lolo kitumu kié a ki lueza, abhuka mu njila, mbé o dízui dié a fule ku di tumaka. Mukonda dia kienhiki, ni mázui, ni mulôko uoso uòsoneke mu kitumu kia Mozé, ngunza ia Nzambi, ioso muene ia di lunduluila ku thandu dietu; mukonda Jihova tua mu te kituxi.

Daniiele 9:13

Uíndua uoso uòsoneke mu ngonge ia Mozé ua tu tula muene! Maji-phe hanji tua tokoka kumbolomoka bhu pholo ia Jihova Nzambi ietu, phala ni tu biluka hé tu bhana dikunda ku ikuma ietu, anga tu kuata kudielela ku kidi kiê.

Hozeia 9:9

A di bolesa kinéne kala mu izuua ia Jibeia; Jihova-phe ua-nda kulembalala o mangonha mâ, anga u a bhana o kaxtiku kala kia fuama o ituxi iâ.

Ijila 27:34

Jene o jingongʼiji ja bhana Jihova kua Mozé, phala anʼa Izalaiele, ku mulundu ua Sinai.

Sofoniia 3:7

Eme-phe, ngixi: Ukala kiá ni uoma uami, uẋikina kiá o ku ku bazela, phala u tunge u some, o kididi kié ki xalele ka ki sengulule kala ki ngambele kubhanga mukonda dia ikuma ié, maji anʼé a di meneka muene mu ku beta kuxidisa dingi o ikalakalu iâ ioso.

Malakiia 4:4

Lembalala jinge-nu o ngonge ia Mozé selevende iami, i nga mu tendelela bhu Holebe phala akua Izalaiele oso, kuma iene o itumu ni mabatuilu.

Matendelelu 4:1

Kiki-phe Izalaiele, tata, ívua o jingonge ni maubatuilu u ngala ku mi longesa lelu. Phala mu ma kumbidile, nda mu kole muenhu, mu kutuke, muʼvue oxi ia-nda ku mi bhana kuala Jihova, Nzambi ia jitate jenu.

Matendelelu 4:5

Mua mono-ze kuila nga mi longesa o jingonge ni mabatuilu, kala kioso kia ngi lekelela Jihova Nzambi iami; kiene-phe kiá ki mu enda jinga ni kubhanga mu ixi i mua-nda kubhingana.

Matendelelu 5:1

Mozé anga uixana Izalaiele ioso uʼambela, uixi: Îvua eie u Izalaiele, o jingonge ni mabatuilu u ngala ku mi tendelela lelu mu mátui menu, muile ni ku di longa-u ni ku ma lunda, mbé o ku ma bhanga.

Matendelelu 6:1

Ienhiʼii-phe iene o ijiia, ni jingonge, ni mabatuilu, a ngi tumu Jihova Nzambi ienu, ku mi longa-u. Imʼiii phala muende ni ku i kumbidila kioso ki mua kà tula mʼoxi i mua-nda kúvua.

Dijingunuinu 19:2

O kufundisa kuê kua kidi, kuaiuka! Mukonda o muène, kidia-nzunga kia dikota ua mu êlesa, ió ua bolesele oxi ioso ni undumbu uê. Nzambi ua mu futu o phonzo, mukonda muène ua jibha jinga o jiselevende jê.