Nehemiia 1:3 - O Mikanda Ikola

³ Anga ene a ngi tangela, exi; A xala koko, ku sengu, a kambele kuiza ku ubhika, ala mu hadi iavulu ni dilebhu; o kimbaka kia Jeluzaleme a ki bulu, o mabhitu mê a mʼoha mu túbhia.

Nehemiia 1:3 ပူးပေါင်းရင်းမြစ်များ

I Jisobha 9:7

bhenhobho Izalaiele nga kà mu buidisa mu ixi i nga a bhana; anga o inzo iii i nga kôlesela dijina diami, nga kà i takula dikanga, o bhu pholo iami i tunda-bhu; anga Izalaiele ua kà xala mukuâ ni Sabhu, ua kà di bhanga môndo muʼaxaxi ka madiembu oso.

II Jisobha 25:10

O masoladi oso muene a kilômbo kia akua Kaldeia, a kexile kumoxi ni kabhitangu ka kilangidilu, a lundumuna o imbaka ioso ia kondolokele Jeluzaleme.

II Malunda 36:19

O inzu ia Jihova anga a i oha, o imbaka ia Jeluzaleme hé a i bula-bula; o jinzu jê joso ja matala a ji oha mu túbhia, ni itutu iê ioso ia makembu a i jikinisa ue.

Ejidala 2:1

Iá ene anʼa akuaʼxi, a bande mu ku tunda ku ubhika, kua iá a ambatele ku ixi iengi kuala Nabokodonozolo, sobha ia Babilónia, kiʼai-nâ kuenhoko, ku Babilónia, ia a vutukila mu Jeluzaleme ni mua Juda, muthu mu sanzala iê, muthu mu sanzala iê.

Ejidala 5:8

Ki ku jimbulukile éʼsobha, kuila etu tua ile ku sengu ia Juda, ku inzu ia Nzambi iâ Ionéne, ene a mu i tunga ni matadi a makota; o miẋi ia maleka iá a i ta kiá ku thandu, o kikalakalu kia mu kuenda lusolo, ki kiia muene ku pholo bhu maku mâ.

Nehemiia 11:3

O atumini a tundile mu jisengu, kuiza mu ku kala mu Jeluzaleme, enhá: Maji mu jisanzala ja Juda-phe kala muthu ua kexile mu ixi iê ia tambuile, mu ʼsanzala jâ, kífua akua Izalaiele, ni jinganga, akua Leví, ni ateki a menha ni aẋangi a jihuinhi, ni anʼakua mbèle ia Solomá:

Nehemiia 2:13

Anga ngi tubhuka mʼusuku bhu Muelu ua Dikôlo, ku mbandu kualela o Fixi ia Mudikixi, ni ku Muelu ua Dixita, anga ngi tala imbaka ioso ia Jeluzaleme, ngi mona ia budijika, ni mabhitu mê, ma jikata, a mʼoha mu túbhia.

Nehemiia 2:17

Bhenhobho-phe anga ngʼa tangela kiua, ngixi: Enu mua mono kiambote o uíndua mu tuala, kuma Jeluzaleme ua budijika, ni mabhitu mê ma jikata kuma a mʼoha mu túbhia; ndokuenu-phe tu tunge dingi imbaka ia Jeluzaleme, ki tu xikame kiki mu dilebhu.

Nehemiia 2:3

Anga ngʼambela sobha ngixi: Sobha lola muenhu ué ni ku hádia ni hádia! Abha eme ki ngi di suuata kiebhi o pholo, se o sanzala iala o kidindu kia jimbila ja jitata jami ia senguluka, ni mabhitu mê a mʼoha mu túbhia?

Nehemiia 7:6

Iá ene anʼakua sengu, endele mu kikuka, ia a tombokele mʼubhika, a a kukile kuala Nabukodonozolo, sobha ia Babilónia; anga a vutukila mu Jeluzaleme ni mu Juda, hé aia kala muthu ni muthu mu sanzala iê.

Estere 1:1

Maka a bhita mu izuua ia Asuuelu, Asuuelu ió ua kexe mu tumina jinga tunde ku India katé mu Etiópia, o-xi iê ioso anga i kala ni hama ia sengu ni makuinhi aiadi ni sambuadi.

Jisálamu 79:4

Tua lebhuka kiavulu muʼaxaxi ka akua jixi u tua zukama-nâ; a tu sekalesa, a tu tobhesa, mu madiembu a tu kala mu jimbandu.

Jisabhu 25:28

Muthu se ua lémbua ku di tumina o jihânhi jê, u di fangana ni mbonge ia lundumuna imbaka, iii ia xalela ngoho.

Izaía 43:28

Kienhiki ue o makota ma thembulu nga a sebulula; o Jakobo nga kà mu bhubhidila, o Izalaiele nga kà mu ta mondo.

Izaía 5:5

Ngi mʼijidise-phe kindala kioso ki nga kane kubhanga o díbhia diami dia muvide: Kikanzo kiê ngi ki muanga, nda di kale kiá dikêla dia ibhaku; o kipena kiê ngi ki lundumuna, nda a ki titidile.

Jelemiia 24:9

Anga ngʼa bhakula phala nʼa kituke kima ki kuatesa uoma, kuxixima kua mautuminu moso mu ngongo, lusebu ni Sabhu, môndo ni mázui mu ididi ioso mu nga-nda ku a takuila.

Jelemiia 29:18

Nga-nda ku a zuididika ni xibhata, ni nzala, ni kipheku; nga-nda ku a bhakula nʼai ni kusengana, lelu kuku, mungu koko, mu kaxi ka jixi joso mu ngongo, nda a kale akua mázui, a di bhange kisunji, mukua ni muphióphio, kífua dilebhu mu kaxi ka miji ioso mu nga-nda ku a takuila.

Jelemiia 39:8

Akua Kaldeia anga oha inzu ia sobha mu túbhia ni jinzu ja mundu uoso, o imbaka ioso ia Jeluzaleme hé a i bula.

Jelemiia 42:18

Mbata Jihova dia Ifuẋi, Nzambi ia Izalaiele, uambe kiki: Kala kia lunduluka o njinda iami ni kutema kuami ku thandu dia iá a tungile mu Jeluzaleme, kiene kia-nda kulunduluka o kutema kuami ku thandu dienu, se mu bokona mu Ijitu; anga mua kà kituka mu akua mázui, mu kidiuanu, enhoso a mi zemba, mu kala mu akua lusebu, o kididi kiki, ki mungu dingi mu ki mona.

Jelemiia 5:10

Sambelenu ku imbaka iâ, mu a buidise: jithangu jê saunenu-ju, mbata ki ja Jihova.

Jelemiia 52:14

O Kifuẋi kioso kia masoladi ma akua Kaldeia, kia kexile kumoxi ni kabhitangu ka kilangidilu, kia bulu imbaka ioso ia kondolokele Jeluzaleme.

Kuditenda 1:7

Mu makumbi a malamba-mê Jeluzaleme iú lembalala-ke ima iê ia ujitu ni malau, iakexi na-iu mu izuua ia xiahulu; u i lembalala kiua kia muiza o hadi ni ngongo!

Kuditenda 2:9

Imabhitu iê ia lundumuka bhoxi, ii ia di lâmbela koxiʼa mavu ku ia lundumukina; o jisabhi jê muene ua ji bukujula ni jitalanga jê; ni sobha iê ni ilamba iê, iá nanga kiá muʼaxaxi ka ifuẋi iengi, mua bhingi ki muene dingi kitumu mba kubazela; o muenhomo jipolofeta jê, ki ji kala dingi ni lumono lua Jihova, lémbue.

Kuditenda 3:61

Malebhu mâ, eie u Jihova ua evu o ixingeneku iâ ioso iala ku ngi funhina eme, eie ua i mono.

Kuditenda 5:1

Lembalala, Jihova, kia tu izʼiki! Tongolola hanji, utale o mondo ua tu tula!

Ijila 26:31

O jisanzala jenu nga kà ji sengulula, o ididi ienu ia kubhezela nga kà i solala, o dizumba dinuha kiamboteʼokio di mu ngi tela Eme, ki nga kà di suua dingi.

Ijila 26:33

Enu anga ngi mi muangena muʼaxaxi ka akua jixi jengi, hé ngi mi fomuena o xibhata, ni ngi mi mono bhu muia; oxi ienu i xala kilômbo ngùndu, o madiembu menu a jikinina muene taka-tàka.