Nehemiia 1:2 - O Mikanda Ikola

² kuma phangʼiami umoxi, Hanani uiza, ni muene ni akuá a tundunâ mu Juda; anga eme nga ebhula o jijudé ja subhukile, a xalele kuiza ku ubhika, ni kikexilu kia Jeluzaleme.

Nehemiia 1:2 ပူးပေါင်းရင်းမြစ်များ

Dimatekenu 14:10

O mu dikôlo dia Sedime-phe muala makungu-makungu ma uiji ua betume, o jisobha ja Sodoma ni Ngomola, mu ku a bhesa lusolo a kala mu kufua mu makungu, o iá a subhuka a lengela ku mulundu.

II Jisobha 24:14

Iú ua balakala ene oso a tunga mu Jeluzaleme; kutale o ilamba iê, uixi athuʼoso a mazonda, ni akua maufunu o jikalupindelu ni asudi-a-thumba; mu ku alula a tena kuinhi dia midi ia jihutile; ki bhu xala muthu kikale ngó o jingadiama ja ngadiadia ku mundu mʼoxiʼomo.

II Jisobha 25:12

Maji o ku jingadiama ja ngadiadia mu ixi, ua-xi-ku athu, mbé a kale idimakaji ia kudima mavu ni kubhanga mábhia a mivide.

Ejidala 9:14

Tu tona dingi kulueza o ijila ié, hé tu kuata undandu ni ifuẋi a bhanga o isunji kala iii? Kiki-ze Ngana, ki ki ku bhekela njinda ia ku tu lungulukila, anga u tu buikisa katé ki ku subhuka dingi muthu mba uoso ngó u tena kubhulaka?

Nehemiia 7:2

eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Jelemiia 44:14

Katé ki mua kà moneka muthu u bhulaka hé u subhuka ku mbandu ia masubhu a Juda, a bokona mʼoxi ia Ijitu phala kunhunganena momo, hé u vutuka mʼoxi ia Juda, kala ki kia a kexile kinéne muene ku muẋima, o kuvutuka phala kutunga dingi mʼoxi ia Juda; maji kiki-phe ka kà vutuka, kikale kiá ngoho oso a kà bhulaka.

Izekiiele 6:9

Kienhokio-phe, amoxi-mu mudienu a-nda kua kà ngi lembalala dingi oso a kà bhulaka mu miji iengi ia makanga, kuene kua ambata ku ubhikʼoko; kuma eme nga luuala mukonda dia kubola kua muẋima uâ, ua ngi xisa eme, ni mukonda dia mesu mâ ma landukila undumbu ua iteka iâ. Hádia-phe a-nda ku di kala ni fuokoso eneʼâmuène, mukonda dia kuiibha kuavulu kua bhange mu maufusa mâ moso.

Izekiiele 7:16

Kua kà subhuka ngó oso a kà subhuka momuʼâ, maji a kà di uanena ku milundu uila membe a jihonga, ene oso a kuata o kukema muthu ni muthu, mukonda dia kuiibha kuá.