Ndongixi 9:7 - O Mikanda Ikola

⁷ Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Ndongixi 9:7 ပူးပေါင်းရင်းမြစ်များ

Dimatekenu 12:19

Phala-hi kutanga kuma muene phange iami ia muhatu? Kiene kia ngi bhangesa ku mu tambula kukala mukajiʼami; kiki-phe mukajiʼé ió, mu ambate, u tunde-bhu.

I Jisobha 8:66

Anga mu kizuua kia kanake a sulula kifuxi, ene anga a benzela sobha; aia kiua ku jifundu jâ, a sanguluka ni mixima ia tana, mukonda dia mbote ioso ia bhangele Ngana kua ngunza iê Davidi, ni ku kifuxi kiê kia Izalaiele.

Ndongixi 10:19

Athu o kuolela ene mu dʼixanenaku; o vinhu i sanguluisa o muenhu; maji mu ima ioso o kitadi kiene ki zuela.

Ndongixi 11:8

Maji se o muthu u kola muenhu, anga u laia mu ndumba dia mivu, o mu mivu ioso anga u kala ni kusanguluka, ua fuama ue kulembalala o izuua ia uíndua, kuma ia-nda ku kala ia nzungule. Mbata o ima ioso ku munduʼuku, i bhita, kuma ima ioso mu ngongo kingoho.

Ndongixi 5:18

Kima-phe kia mbote ki nga mono o kuiuka, kienhiki: O muthu kúdia ni kúnua ni kukemba ni mbote joso ji tunda mu kikalakalu kiê kioso kia talela hadi kulu dia mundu, mbote joso muene ku ji-dia mu imoxi imoxi, izuua ioso ia muenhu uê, ia mu bhana Nzambi iê; kuma iene o mbandu iê ia mu tokala ia mu xinda Nzambi, diene o dikânda diê ku muenhu iú.

Ndongixi 7:14

Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Ndongixi 8:15

Anga o kusanguluka ngi ku tula ditala dia di leka, mukonda kulu-dia-mundu kana-ku kima kia beta o kuiuka phala o muthu, kala o kúdia ni kúnua ni kutumbujuka ni ngalasa; mukonda ima ienhiʼii i mu kaiela mu ikalakalu iê ioso, mu izuua ioso ia muenhu uê, ia mu bhana Nzambi bhoxiʼaʼkumbi.

Dialuilu 6:20

nganga anga u i bhuka bhu pholo ia Jihova, kuma sata ia kubbukila, i kala-phe ujitu uangene ua nganga, kumoxi ni thulu ia sata ia kubhukila, ni kinamá kia ʼkuaku lua xitu ioso ia sata ia kuzangumuna. Se ua zubha kubhanga kiki, nazilé kiene kiua kia tena kúnua o vinhu.

Marku 7:29

Kuala muene: Mukonda dia kuvutula kue kua mbote, kiene ki ua ki zuelʼokio, ki di bhange; ndeie kia ku bhata. O dimonho dia tundu kia mu mukutu ua monʼe.

Luka 11:41

Kala kiki, ima ioso ia mi kala moxʼa kopho ni dilonga, bhanenu-iu ku jingadiama, nda ima ioso i mi kale iazele.

Nzuá 4:50

Kuala Jezú: Ndaié! Monʼê ua di sanze kiá. Muène anga u xikana kizuelu kia Jezú, anga uiê.

Jipoxolo 10:35

Maji ku akua jixi joso, uoso u mu xila muène, hé u bhanga ioso iaiuka, Muène u mu tambulula.

Matendelelu 12:12

Anga mu kuata kutana ni kusanguluka bhu bhata dia Jihova Nzambi ienu, nʼenu ni anʼenu a mala ni anʼenu a ahatu, ni jiselevende jenu ja mala ni ja ahatu; ni levita uoso uala mu malumbu menu; oko muene ka moneka kânda dia undundu muʼaxaxi kenu.

Matendelelu 12:7

Ima ienu ikôla bhene bhu mu i dila, bhu pholo ia Jihova Nzambi ienu, anga mu sanguluka mu ima ioso i mu tula o lukuaku luenu, nʼenu ni mabhata menu, mu ima ioso iejila mu dibesá dia Jihova Nzambi ienu.

Lute 3:7

Anga ki bhita kuila, Bouaji kia zubha kúdia ni kúnua, muẋima uê ua sanguluka, uia kuzeka bhu mbandu ia lumu ia sevada ia jimbundu. Lute anga uiza ni kuzonza, u vulumuna bhu inama ié, anga u zeka-bhu.