Ndongixi 9:12 - O Mikanda Ikola

¹² Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Ndongixi 9:12 ပူးပေါင်းရင်းမြစ်များ

Jisálamu 11:6

Enhó a bhumu hinu u a nokesa mvula ia makala ku thandu diâ, ni túbhia ni xofidi, kumoxi ni kitembu kia kibhungu kia dikota; ene o mahitula a a lungila mu nganza iâ;

Jisabhu 24:22

Mukonda o kibuika kiâ, kila ngó lundumuku! O kusekala kuâ, nanhi u tena ku ku ijiia?

Jisabhu 29:6

Muthu ua iibha o muẋima, o kutondala kuê ku di bhanga díbhebhe; maji o muthu ua iuka-phe, ukala jinga mu kuimba ni kutana.

Jisabhu 6:15

Kienhiki utukumuka kibuika kia mu tula, anga ki mu buikisa ni lusolo katé kia jikinina, ni kubalumuka dingi ka tena.

Ndongixi 3:19

Mukonda kioso ki bhita ku anʼathu, kiene ue ki bhitʼé ku iama; ima ioso i bhita kiòmuene kua ene oso; o ki fua iú, kiene ue ki fué ió; ene oso o muenhu uene umoxi. Ukota ua muthu-phe ku iama ki u moneka; kuma ene oso muene kingoho.

Ndongixi 8:11

Mukonda dia kuila o ibhangelu ioso ia ibha ka mu i fundisila-bhu kiá kindala, kiene kia bhangesa kuila o muẋima ua anʼathu ua lunguʼé kiá ngoho mu kubhanga kia iibha.

Ndongixi 8:8

Kana-ku muthu u tena ku tumina o muenhu uê kuila u kole, anga u tena muene ku u kondeka; mba bhu kala muthu u tumina o kizuua kiê kia kúfua; o mvunda ia kalunga ki iala ni mata a kubhânga na-u; o kisuéia ue u bhanga phulu, phulu iê ki i tena ku mu bhulula.

Ndongixi 9:13

Nga mono ue ku mundu kiuila, o kuijiia kima kia dikota.

Izaía 24:18

Kienhokio-phe, uoso ua kèla, iza ngi lenge kibulukutu, ua kà laúka mu diela, o kiela ngi tunda mu diela, utudila mu mùkala, ua naminina; mukonda bhulu jinjanena a ji jikula, bhoxi, madisesa ma tunguta.

Izaía 30:13

Kala kiki, o phulu ia kà mi zenzamena mukuâ ni kipena kia lumbu kia zendalala, kia bhana kiá mulumba, o mu ku lundumuka kia kà mi tukumuisa.

Izekiiele 32:3

O Jihova Nzambi uambe kiki, uixi: Kala kiki, o ku thandu dié nga-nda kuzala-ku uanda ni dibhongolokelu dia mundu uavulu, hé a kà ku bandesa mu uanda uami.

Hozeia 7:12

Kioso ki aia, nga-nda kuzala o uanda uami ku thandu diâ, anga ngʼa tulula mukuâ ni jinjila ja bhulu; nga-nda ku a bhana kaxtiku, kala ene kiene mu kuívua jinga mu ionge iâ.

Hozeia 9:8

O polofeta, ku mbandu ia Nzambi iami ua di bhange mulangidi ua kubilukila Ifalaíme, mukua ni mubhetu ua dinhanga dia jinjila, mu uendelu uê uoso, kifua kisuéia mʼonzo ia Nzambi iê.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

Luka 12:39

Ijiienu-kiu kuila, se o ngana ia dibhata iejidile o ola ia-nda kuiza o muíi, ueju fula kilu, keji kuehela inzo iê ku i bula.

II Kolindo 6:2

Ivuenu kioso kiambe Nzambi, uixi: Eme nga evidila bhu kithangana kia bhindamene o ku a kudila, nga a kuatekesa bhu kizuua kia kubhuluka. Ivenu, kuma: Kiki, kiene o kithangana kia kutambula o dikuatekesu kua Nzambi! Lelu kiene o kizuua kia kubhuluka!

I Tesalonika 5:3

Bhuala kuila athu: Kuma kua batama, kua tululuka, a kà tukumuka kibuika kiâ kia tula! Kia kà kala ue mukuâ ni muhatu ki mu kuata o mika ia kuvuala, kana bhuma bhua bhitila nʼa lenge.

II Timote 2:26

Mbe a tambule kilunji kia kusukunuka mu mubhetu ua Diabhu, mukua ku a kuika ni ku a bhangesa kutumaka o vondadi iê.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

II Phetele 2:12

Athu enhá-phe kala iama ki i moneka kilunji, edi kala ibhaku ia ngó ia kukuata ni ku i jibha, enda ni kuxinga o ima ia tokoka ku i ijiia. A kà di bota mu kubola kuâ, a kà tambula o hadi, kuma kifutilu kia kubhanga kiaiibha.