Ndongixi 9:11 - O Mikanda Ikola

¹¹ O ki nga lunguluka, nga mono ku mundu kuila o lusolo ki lua ió ngó a bhebhuluka, mba o mazonda ene ngoho a tolola o ita, né ue o kúdia ki phala ngoho oso ejiia, mba o jinjimu ene ngoho a mona o umvuama, mba oso a xitunuka mu thulu ene ngó a bonga o ujitu, maji o ibatu ni jithembu ja tokala ene oso mu uzediuilu ua muthu ni muthu.

Ndongixi 9:11 ပူးပေါင်းရင်းမြစ်များ

II Samuuele 17:14

Abisalone ni mala oso a Izalaiele, exi: Ua mono? Phangu ia Husai mukua Adiki kota, phangu ia Ahitofele ndenge. Kuma Jihova muene ua ki lekela phala kutudisa o phangu iambote ia Ahitofele, mbé Jihova a bheke divuua ku thandu dia Abisalone.

II Samuuele 17:23

Ahitofele-phe kia zubha kumona kuma o phangu iê ka i kaiela, u zuika o bûlu iê dikombola, uia ku bhata diê ku mbonge iê kua tungu, u ta imbamba iê ioso mu ididi ia tokala, anga u di nhenga; hé u fua anga a mu fûnda mu mbila ia tatʼâ.

II Malunda 20:15

Anga uila: Enu Juda ioso bhanenu mátui, ni enu mua tungu mu Jeluzaleme, nʼeie sobha Jozafate: Jihova uambe kiki: ki mu kale ni uoma mba mu sasumuka mukonda dia kifuẋi kiki kia dikota, mukonda o mvunda ki ienuʼenu, maji ia Nzambi.

Jobe 34:29

Muene se nʼa bhana kutululuka, nanhi ua-nda ku mu elesa? Se o pholo iê u i sueka, nanhi u tena ku mu tala? Muene ulangidila o miji ni diembu katé ni muthu umoxi ngó.

Jisálamu 76:5

Athu a kexile ni muẋima ua suína, a toloka, o ima ioso a a tambula-iu; u sanga ene oso a zeka ni ene hudí, aii kilu kia mbala-maminhu; o ilôlo ia ita, maku mâ kala dingi ni nguzu ia ku di bhângela.

Jisabhu 1:5

Phala njimu ki evua a kule mu unjimu uê, o ua tongoloka a tambule kilunji kia ku di tumina.

Ndongixi 2:12

Anga ngi lungulukila ue o kutongolola ki kala o kuijiia, ni ulaji, ni uôua; kuma o muthu uoso hádia u kaiela kua sobha, ua kà bhanga kima kiahi? Ua kà bhangʼé muene ioso kiá ia bhanga jinga akuá.

Ndongixi 3:14

Mbate nga kʼijiia kuila, ima ioso i bhanga Nzambi, i xalelà-ku kiá; ka tena dingi kubandekeza-ku kima, ka tena dingi ue ku katula-ku kima. O Nzambi ima ioso u i bhanga kienhiki phala a mu kuate jinge uoma.

Ndongixi 3:17

Anga ngʼila ku muẋima uami, ngixi: Nzambi hinu ua kà fundisa ua iuka ni ua ibha; mukonda sai thembu ia ima ioso, kixi ixinganeku mba ikalakalu.

Ndongixi 4:1

Anga ngi lunguluka dingi, hé ngi tongolola o kubhondeleka ni kutatesa kuoso kuala mu kubhanga athu kulu-dia-mundu; anga ngi mona o masoxi ma ió oso a a tatesa, ni masoxi ma iá oso a kambe uoso u a konda o malamba; o kusuína kuala ku mbandu ia atatexi maji o ene-phe a a tatesa, a lémbua ngó uoso ua konda o malamba!

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ndongixi 7:13

Tongolola kiambote o kikalakalu kia Nzambi, u mone; nanhi u tena kuiukisa kiókio kia bhange muene ni kubhengalala?

Ndongixi 9:2

Mu ngongo ima ioso iene imoxi i bhita ku athuʼoso: O ki bhita ku muthu ua iuka, kiene ue ki bhitʼé ku muthu ua ibha; o ki bhita ku muthu uambote ni kua iú ua zele o muẋima, kiene ue ki bhitʼé kua iú ua xidi o muẋima; ki kala iú u bhana o jisata, uixi iú ka bhakula sata; ku tale iú ka xikina ku ta ituxi, uixi iú u ta ituxi; ku tale iú ka xikina kuloka uixi iú mukua kuloka.

Ndongixi 9:3

Kienhiki kiene o kima kia iibha ku ima ioso iene mu ku bhanga Kulu-dia-Mundu; kuila athu oso ima i a bhita kumoxi; kuila ue o muẋima ua anʼathu uezala ufusa; o ku muẋima uâ ni ku muenhu uâ kuala ngó kutulumba ni kubhanga kiaiibha, hádia hé aia kiua muʼalunga.

Jelemiia 46:6

Ua lenguluka ka lenge, o ió uala dizonda ka subhuke; ku mbandu ia kusuku, bhu ndundu ia honga ia Ufalate bhene bhua dibhukanena ia a-di-bhale.

Jelemiia 48:14

Mua-nda ku kiʼamba kiebhi, muexi: Tu mazonda, tu malʼa nguzu mu ita?

Jelemiia 9:23

Jihova uambe kiki: njimu ka di thathe mu unjimu uê, mba dizonda u di thatha mu uzonda uê; mvuama ka di thathe mu unvuama uê.

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Efezo 1:11

Mukonda o ima ioso a i bhanga kala kia i xindi Nzambi mu ikanenu iê. O muène iú ua tu solo kukala tu mundu uê, mu kuongama kuetu ni Kristu, kala kioso kia mu kala mu vondadi iê, kia ki sola Muène tunde ku dimatekenu.

Matendelelu 8:17

Sumba muà kela mu miẋima ienu muixi: Mu nguzu ietu ni kusuina kua maku metu, muene mu ejiia o umvuama uoso uenhú.

Matendelelu 8:18

Kana-phe! Inda mu lembalala jinga, kuma Jihova Nzambi ienu muene ua mi bhana o nguzu ia kumona o kuzediua kuosʼuku; ua ki bhangela-phe phala kuxikika o kikutu kia lokele ku jitata jenu kala ki kia di monekena leluʼidi.

I Samuuele 17:50

Kienʼiki Davidi kia lende o mukua Fidíxia, ni mbalafundu ni ditadi, anga u kuama mukua Fidíxia, u mu jibha. Davidi-phe ka kuatele xibhata bhu lukuaku luê.

I Samuuele 6:9

Anga mu tala kiá; se i bandela njila ia mbámbe iê muene katé bhu Bete-seme, tu kʼijiia kuma muene ua tu bhange kiaiibha kiosoʼiki; o ki i kamba kuila njila ioio, tu kʼijiia ue kuma lukuaku lua muene ki luene lua tu kuama, maji kima kiezé ngó kibhûku.