Ndongixi 9:10 - O Mikanda Ikola

¹⁰ Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Ndongixi 9:10 ပူးပေါင်းရင်းမြစ်များ

Dimatekenu 37:35

Ni anʼê oso a mala ni a ahatu a balumuka mu ku mu konda malamba; muene-phe nguaiê ku mu konda malamba, uixi: Ngiia muene ni masoxi kuʼalunga kuaii monʼami. Tatʼâ anga u kala muene ni ku mu dila kienhiki.

I Malunda 22:19

Dibhakudienu-phe, kindala, ni muẋima uenu uoso ni muenhu uenu uoso mu kusota Jihova Nzambi ienu. Di iudikienu ue, nda mu balumuke, ni mu tunge o kididi kikôla kinéne kia Jihova Nzambi, phala o álaka ia kikutu kia Jihova, ni itutu iokolese ia Ngana Nzambi, eze na-iu mu inzo iii ia tembulu, ia-nda ku tungila o dijina dia Ngana.

I Malunda 28:20

Davidi anga uambela monʼê Solomá, uixi: Suina, u kale u kindanda, u kalakale. Ku kale ni hèle, mba u kala ni uoma. Mukonda o Jihova Nzambi, Nzambi iami, uanda kukala ni eie. Muène kanda ku ku xisa ubheka, mba u ku ehelela, katé ki u zubha o kikalakalu kioso kia inzo ia Jihova.

Nehemiia 2:12

Anga ngi balumuka mʼusuku, eme ni athu ofele nga kexi-nâ, kana muthu nga mu tetuila kia ngi bhake Nzambi iami ku muẋima ku ki bhanga mu Jeluzaleme; ki nga kexile ue ni kiama kioso-kioso, kiama kikale o kiama ngó, ku nga sambelele, kuabhu!

Nehemiia 4:2

Anga u zuela bhu pholo ia phange jê ni ia kilômbo kia masoladi a Samádia, uixi: Kima kiahi kia mu bhanga o asonde a akua Juda iâ? A-nda ku a ehela-ku muene? A-ndu tena muene kusatela? O kikalakalu a-ndu ki zubha mu kizuua kimoxi ngoho? O matadi mʼoha mu túbhia, a-nda balumuka dingi nʼeza ni muenhu ku maxita ma uthôkua?

Nehemiia 4:6

Kienhiki tu kuata kutunga o kimbaka, anga ki takana kiene kioso katé kaxaxi kê; mukonda muẋima ua kifuxi ua bhetamena o kukalakala.

Jobe 10:21

Kiosuʼiki kiluua ngiia bhu kididi bhua bhingi kuila ki nga kà tena dingi kuvutuka; ku ixi ia kitombe ni kizenji kia kalunga.

Jobe 10:22

Ixi ia vundu kinéne kala kikala o kuvunda kuene; ixi ia kuvunda kuònene ni usuku uedi bui, ixi ia kizenji kia kalunga ni kavuanza; mua bhingi o mukengeji uene ua sokuʼé ngó ni kitombe kia mujijima.

Jobe 21:13

Mu kuzediua muene mua zubhila o izuua iâ, maji mu kithangana kiofele a tuluka mu mbila.

Jisálamu 6:5

Kuma mu kúfua ki muala dingi ku ku xinganeka; kuʼalunga, nanhi dingi u tena ku ku sakidila?

Jisabhu 3:28

Mukuenu kana ku mu ila: Ndé, hanji, mungu uize, ngi ku bhane kiua; se o kiene uala na-kiu kiá kindala.

Ndongixi 11:3

Kioso o matuta kiezala ni menha, a lundulula o mvula mu ngongo; kienhókio o muxi kuoso ku ua takukila, kixi ku Sulu mba ku Suku, bhu kididi bhuoso o muxi bhu ua di-bhalela bhene bhu ua kà xala.

Ndongixi 11:6

Kuna mbutu ié mu kimene, o ku kiemba ue, ʼkuaku lué kí lu nhohe, mukonda eie kuijiia se mbutu iebhi ku ua-nda kuzediuila; hé iii, mba ioio, mba mbutu joso hádia ji iukila bhua moxi.

Izaía 38:10

Eme ngambele, kia ngi-bhu o izuua, ngixi: Nga lungu bhu mielu ia mbila; o mivu ia ngi xedi-ku nga i lémbua kiá.

Jelemiia 29:13

Mua-nda ku ngi sota, anga mu ngi sanga, kioso ki mu ngi sota ni muẋima uenu uoso ua muvimba.

Dialuilu 13:30

Kalebe anga u bateka mundu bhu pholo ia Mozé, uixi: Tu bandienu muene kindala, ixi tu i tambule; tua ki soko muene ku i tolola.

Matesu 20:7

Exi: Mukonda kana-ku muthu ua tu kase. Kuala muène: Ndenu uenu ku mulenga uami.

Matesu 6:33

Diangenu-phe kusota o Utuminu ua Nzambi ni uiukilu uê, nda ima ioso iii a mi kuiila-iu.

Nzuá 4:34

Jezú ua ambela, uixi: Kúdia kuami, o kubhanga vondadi ia ió ua ngi tumu, ni kuzubha o kikalakalu kiê kia ngi bhana o kubhanga.

Nzuá 5:4

Mukonda ku jithembu, anju ia kexi mù tuluka mu dizanga, mu kuvunza o menha. Uoso-phe u tuama ku di ta mu menha, ma vunzuka kiki, uiluka ku uhaxi uê uoso-uoso.]

Nzuá 9:4

Kioso ki kuala hanji muanha, kia ngi bhingi kubhanga o ikalakalu ia ió ua ngi tumu. Mukonda usuku iú uiza, mua bhingi kana muthu utena kukalakala-mu.

Loma 12:11

Ki mu kale mu asonde, inda kalakalenu kiasoko. Muenda ni kubhikila Ngana ni muẋima ua fulujuka.

I Kolindo 15:10

Maji dioso o ditala-phe di ngeza, nga di bhixila mu kiadi kia Nzambi, o kiadi kiê kia ngʼ idikiza ki kiaii ngó. Inda o jipoxolo ene oso nga a tundu mu kukalakala. Ki ngambe ue ngixi o kikalakalu kiosuʼ iki eme ngó nga ki bhange, maji o kiadi kia Nzambi kiene kia ngi bande.

I Kolindo 16:10

Kienʼ iki Timote se uiza kuenhoko, bhangenu kioso ki mua tena, phala a kale mu ʼaxaxe kenu sé hele, kuma muene mukua kukalakala sedivisu ia Ngana, mukuá ni eme-muene.

I Kolindo 9:24

Enuʼ enu mua kʼ ijiia kuma bhu dikanga bhua di kuata o makuenze mu kulenga, ene oso a lenga muene, maji muthu umoxi ngó u tambula o kijimbuete kia kikoue. Kiene ue, enu uenu lengenu, phala mu tambule o kikoue.

I Kolindo 9:26

Kala kiki, kiene ue ki ngi lenga katé bhu mbambe, phala ki ngiie ni kubelajaka. Ngi di bhanga ue kala ngi mutonoki a bokisi, home jê ki ji lueza.

Efezo 5:16

Kumbidilenu o kithangana, kuma izuua íii iaiibha!

Kolose 3:23

Ioso-ioso i mu bhanga, mu kalakala ni muẋima uoso, kuma Ngana mua mu kalakela, ki athu.

I Samuuele 10:7

Ki ua kà mona-phe kuma ijimbuete iii ia ku bhiti, bhanga kiá kioso ki ua mono kia tokala; kuma Nzambi u kala bhu mbandu ié.