Ndongixi 9:1 - O Mikanda Ikola

¹ Ima ioso ienhiʼii nga i lungujula kiavulu ni muẋima uami, phala i ngi tongolokele muene kiambote: Kuila o athu a iuka ni jinjimu, o ikalakalu iâ iala bhu maku a Nzambi; ni kuila ue o muthu kejiia ioso iala ku mu kinga, mba ukamba mba unguma, manhí. Ima iene ioso ia hádia a mu suekela-iu ku mesu mê.

Ndongixi 9:1 ပူးပေါင်းရင်းမြစ်များ

Jobe 12:10

Kuila o muenhu ua ima ioso i bhuima, uala bhu lukuaku luê, ni nzumbi joso ja mbutu ia muthu?

Jobe 27:12

Mbata enuenuʼoso ima iii mua i mono kiá, mukonda diahi mua mu tanga ngó uanji uòkukutu?

Jobe 5:8

Maji eme-phe, ngi sota Nzambi; mu kuzuela kuami ngi talela kua muene.

Jisálamu 10:14

Eie-phe ua ki mono; kuma u mukua kutala o ikalakalu ia athu ni malamba mâ moso; phala eie u ki kuate muene konda bhu maku mé; eie muene hinu u zuela ku mulonga uâ; kokué kuene ku di bhakula uoso ua lémbua kubhânga; eie muene u dilemba dia jihukunhi.

Jisálamu 119:109

Muenhu uami ithangana ioso kifua nga u zenzeka bhu maku, maji o ku ngonge ié ki ngi jimbi-ku.

Jisálamu 31:5

Nzumbi iami nga i bhakula bhu maku mé; Jihova, u Nzambi ia kidi, eie ua ngi kula.

Jisálamu 73:3

Kuma phata ia ngi kuatele ia iá abhumu, mukonda dia kumona o isuéia kubhanduluka.

Jisabhu 16:3

Ikalakalu ié ioso bhakula-iu kua Jihova, muene u ku xikikila ima ioso i u kana kubhanga.

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 10:14

Né-mbe o kiôua u vudisa ndumba dia maka, muthu-phe kʼejiia kioso kia-nda ku mu bhita; nanhi ua kà mu tangela phala ku muʼijidisa o ima ioso ia-nda ku mu bhingana kuila muene ua bhiti kiá?

Ndongixi 7:15

Ima iosuʼiii nga i mono mu kithangana kia izuua ia muenhu uami: kuila sai-ku muthu ua iuka, o kuiuka kuê ku mu dia anga u fuila mu kuiuka kué, ni muthu ua ibha u laia muene izuua ia vulu mu ku ibha kuê, sumbala muene uaiibha kidi.

Ndongixi 7:25

Anga ngi lunguluka dingi, hé ngi sola ni muẋima uami o kuijiia, ni kutongolola, ni kusota o unjimu, ni kilunji, ni kuijiia o kudianguka kua kubhanga ia iibha, ni ulaji ua kutulumba, eme nga mono kuila o kubhanga kiaiibha ulaji uene, o kubela uôua.

Ndongixi 8:14

Maji mu ngongo muala dingi ima ia mukuá ia ukumbu iene ku bhanga-mu: O kuila sai ni athu a iuka a bhita ni ima ia fuama o ibhangelu ia athu a ibha. Sai ni iá aiibha a bhita ni ima ia fuama o ibhangelu ia athu a iuka. Ngi ki amba muene kuila, o kienhiki ue ukumbu ngoho.

Ndongixi 8:16

O kioso ki nga te o muẋima uami mu kutongolola o kuijiia, ni ku tala kioso ki kala o ibhangelu iala mu ngongo, (mbata ku mundu ni mu muanha ni mu usuku o muthu kene dingi ni kilu mu mesu mê),

Ndongixi 8:7

Mukonda kejiia kioso ki a-nda ku mu bhita; o kioso ue ki kia-nda ku mu bhita, nanhi muene ua kà muʼijidisa na-kiu?

Ndongixi 9:6

Katé ue ni henda iâ, ni kizembu kiâ, ni luimbi luâ, ima ioso ienhiʼii ia kexe na-iu ia jimbila ue kiá; o ku mivu iii ene kala-ku dingi ni mbandu iâ ku ima ioso i bhanga athu Kulu-dia-Mundu.

Izaía 26:12

Jihova, tata! Eie ua kà tu bhana o kutululuka, kuma éʼmuene ua kalakala moxi dietu o ibhangelu ietu ioso.

Jelemiia 43:6

o mala, ni ahetu, ni tuana tua ndenge, ni anʼa ahetu a sobha, ni mienhu ioso kiá ia xile Nebuzaladane, kabhitangu ka kilangidilu, kua Jedaliia, monʼa Haikane, monʼa Safane, ni Jelemiia muene dia polofeta, ni Mbaluke monʼa Nediia.

Matendelelu 33:3

Muene mu kidi ua zola o ifuẋi; athuʼê angene ala bhu lukuaku luê; ene enda ni kuxikama bhu inama iê, phala kala muthu nʼende ni kutambula-ku ku maka mê.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Samuuele 2:9

Muene u langa inama ia athuʼê abhu o ituxi; o a ta ituxi-phe u a bheka muʼalunga mua vundu, anga muenhomo a di xibha muene hudi! kuma nguzu ki iene i lendesa muthu nʼa tundu akuâ.