Ndongixi 8:7 - O Mikanda Ikola

⁷ Mukonda kejiia kioso ki a-nda ku mu bhita; o kioso ue ki kia-nda ku mu bhita, nanhi muene ua kà muʼijidisa na-kiu?

Ndongixi 8:7 ပူးပေါင်းရင်းမြစ်များ

Estere 5:12

Hamane anga u ta-ku dingi, uixi: Ni na mvuale Estere lelu kia bhange fesa, kana dingi muthu a mu ixana kuiza-ku kumoxi ni muenexi, kikale eme muene ngó; mungu ue a ngi kuvitala kuiza dingi kumoxi ni muenexi.

Jisabhu 24:22

Mukonda o kibuika kiâ, kila ngó lundumuku! O kusekala kuâ, nanhi u tena ku ku ijiia?

Jisabhu 27:1

Ku te nzabala ia kizuua kia mungu, mbata ioso ia-nda kuiza na-iu o kizuua kia mungu eie kua ijiia.

Jisabhu 29:1

O muthu uila: Lelu a mu bazela, mungu, a mu bazela, sè kueha o njila iê, maji u kolesa o muẋma uê, hinu u tukumuka a mu jimi o mbutu, sè ngó bhua bhulakela.

Ndongixi 10:14

Né-mbe o kiôua u vudisa ndumba dia maka, muthu-phe kʼejiia kioso kia-nda ku mu bhita; nanhi ua kà mu tangela phala ku muʼijidisa o ima ioso ia-nda ku mu bhingana kuila muene ua bhiti kiá?

Ndongixi 3:22

Eme nga ki mono muene, kuila kanaku kima kia beta o kuiuka, kala o muthu kusanguluka mu ikalakalu iê ioso, mukonda diene o dikânda diê, kulu dia mundu kunu, kuma hádia, nanhi dingi u mu vutula nʼa mone o ima ioso ia-nda ku mu bhingana kuema diê, kuila muene ua jimuka kiá?

Ndongixi 6:12

Mbata nanhi uejiia o kima kiambote ku muenhu iú, phala o muthu, mu izuua iê ioso ia ukumbu uê, ia bhingi kuila u i zubha mukuâ ni kilembeketa? Mbata o muthu kiela ua bhiti kiá, nanhi dingi ua kà mu tangela ima ianda kua kèza-ku Kulu-dia-Mundu?

Ndongixi 7:14

Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Ndongixi 9:1

Ima ioso ienhiʼii nga i lungujula kiavulu ni muẋima uami, phala i ngi tongolokele muene kiambote: Kuila o athu a iuka ni jinjimu, o ikalakalu iâ iala bhu maku a Nzambi; ni kuila ue o muthu kejiia ioso iala ku mu kinga, mba ukamba mba unguma, manhí. Ima iene ioso ia hádia a mu suekela-iu ku mesu mê.

Ndongixi 9:12

Ni kuila ue o muthu kʼejiia o thembu iê; mukua ni jimbiji kia ji tamba ni uanda ua usuéia, kala o jinjila ki ji fua bhu mubhetu, kiene ue ki fua o anʼathu mu jithembu ja bhônzo, kioso muʼanzanzʼumu ki ji a tukumuisa ku thandu diâ.

Matesu 24:44

Kienhiki, enu uenu kalenu polondo. Mbata kithangana ki mua ki fikile, kiene kia kà tukuluka o Monʼa Muthu.

Matesu 24:50

mukua selende iê ienhoio ua kà tukuluka kizuua muène ka ki fikile, ni kithangana muène ka kʼijidile.