Ndongixi 8:4 - O Mikanda Ikola

⁴ Mbata o kizuelu kia sobha kiala ni nguzu; nanhi ua-nda ku muʼila: Ihi, i u bhangʼoio?

Ndongixi 8:4 ပူးပေါင်းရင်းမြစ်များ

II Samuuele 24:4

Sumbala ua zuela kiki, maji kizuelu kia muenexi kiasuína, katé Jouabe ni jikabhitangu ja kifuxi etaia ku ki bhanga. Jouabe ni jikabhitangu ja kifuxi anga a tunda bhu pholo ia muenexi, mu kuia kukuata konda ia mundú ua Izalaiele.

I Jisobha 1:30

Kala ki nga ku lokela mu dijina dia Jihova, Nzambi ia Izalaiele, ngixi: Ni kidi muene Solomá monʼé, muene hinu u ngi bhingana ku ungana, muene u xikama bhu kiandu kiami; ngi ki bhanga-phe kiá muene mu kizuua kia lelu.

I Jisobha 2:25

Sobha Solomá anga u katula Benaia, monʼa Jehoiada, hé muene uia, u mu ta ni mukuale uê, u mu jibha.

I Jisobha 2:46

Muenexi anga u tuma Benaia, monʼa Jiehoiada, u tunda-nê ku kanga, hé u mu ta, u mu jibha. Utuminu uaʼxi anga u kuata kiambote bhu lukuaku lua Solomá.

Ejidala 6:13

Bhenhobho Tatenai, nguvulu ia Sámbua dia kunu dia Ufalate, ni Setebozenai ni akua kilunga kiê, ima ioso a i bhange muene lusolo, kala kiambe ngonge ia sobha Ndala.

Jobe 9:12

Muene kia kuata o mbole, nanhi u mu fudisa? Nanhi muene, u muʼila: Ua mu bhangaʼhi?

Makatukilu 1:18

Muenexiʼa Ijitu anga uixana avuadixi, uixi: Phalahi mua-lu bhanga kienhiki, anʼa mala muala ku a bhaka ni muenhu?

Jisabhu 19:12

Sobha, o ki muiza kutema, mukua ni muzonga ua hoji ia munzangala; o ki muiza kubhanga mbote, mukua ni dimume di tula ku kisasa.

Jisabhu 20:2

O njinda ia sobha, mukua ni hoji ki i dila; uoso u mu salumuna o njinda iê, ua di bhange-kiu, kuma ua di te o muenhu uê bhu kíbhidi.

Jisabhu 30:31

O kolombolo dia sanji, kiendela ku inama iiadi; o kisutu kia hombo ue; ni muenexi kia ẋinuka.

Daniiele 3:15

Kiki-phe, hé kia mi tetulukila kiá, enu muala kiá polondo, kioso ki mu ívua mbimbi ia buzina, ni ia mbèndu, ni ia kakoxi, ni ia mbànza, ni ia kisanji, ni ia ngaieta ia jiphukila, ni maxikile oso a kuxika, anga mu diunda hé mu bheza o kiteka ki nga iudika, kiauabha! O ki muila, nguenu ku ki bheza, mu kithangana kienhokio muene, a-nda ku mi takuila mu kijiku kia túbhia tua muzukuta; Nzambi kuxi-phe ua-nda kutena o ku mi kudila bhu lukuaku luami?

Daniiele 4:35

Kua muene athu oso atungu mu ngongo kingoho, kioso kia mu kala mu vondadi iê kiene kia bhanga ni ku ilômbo ioso ia diulu ni ku jithungiembu joso bhoxiʼabha; kana-ku muthu utena kufudisa lukuaku luê, ni kuila: Ua-nda bhanga kiebhi?

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?