Ndongixi 8:12 - O Mikanda Ikola

¹² O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Ndongixi 8:12 ပူးပေါင်းရင်းမြစ်များ

I Jisobha 21:25

Kana-ku-phe muthu ua sokela ni Akabe, mu ku di sumbisa mu kubhanga kiaiibha ku mesu ma Ngana kala muene, mukonda dia mukajʼê Jezabele, ua kexile ku mu funhisa jinga kubhanga kiaiibha.

I Malunda 16:30

Oxi ioso itekete, itekete bhu pholo iê, mbata o ngongo muene ua ifikidila phala ki i tekete.

Jobe 35:15

Maji kuma Nzambi mu njinda iê kindala ka mu bhana luua kaxtiku mba u suua kiavulu ikuma ia muthu,

Jisálamu 112:1

Haleluia! Ua lungu o muthu ió uene ni uoma ua Jihova, ua bhindamena kuijiia kiambote o ijila iê,

Jisálamu 115:13

U benzela oso akua uôma ua Jihova, ni jindenge ni makota.

Jisálamu 128:2

Ku muanu ua ikalakalu ia maku mê u dia-ku, u zediua, u lunga, u bhanduluka, kuma ima iê ioso ienda kiambote.

Jisálamu 37:11

Oso-phe alenduka, ene a lundula o ixi; A kala ku ngalasa ni kutululuka kuavulu.

Jisálamu 96:9

Bhezenu Jihova mu kukemba kuazele kua uiukilu uê; mu kuatedienu uoma enu oso mua tungu mu ngongo.

Makatukilu 1:20

Kienhiki, Nzambi anga u bhanga mbote ku avuaduxi, o mundu hanji iú sokoloka, a di bhanga kifuẋi kia nguzu.

Jisabhu 13:21

Akua-ituxi, o hadi iâ iakalé, kuma i a kaiejela muene; athu aiuka-phe, a kà tambula futu ia jimbote ni kubhanduluka.

Jisabhu 28:14

Ua zediua o muthu uoso uenda ni uoma ua Ngana mu thembu joso; maji uoso-phe u ẋiẋidisa o muẋima uê, ió ua xikamena kulaukila mu kikote.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ndongixi 3:14

Mbate nga kʼijiia kuila, ima ioso i bhanga Nzambi, i xalelà-ku kiá; ka tena dingi kubandekeza-ku kima, ka tena dingi ue ku katula-ku kima. O Nzambi ima ioso u i bhanga kienhiki phala a mu kuate jinge uoma.

Ndongixi 5:16

Kienhiki ue kima kia ibha kiavulu muene, ki katesa ku muẋima, kuila o muthu kioso kiezʼê, hádia ue kiene muene kia kà vutukʼê; o ku kalakalela-phe ngó o kitembu, kua kalakala, kia mu bhandululaʼhi?

Ndongixi 5:7

Mukonda, mukuâ ni mu nzungule ia jinzoji ki muala ngó kingoho, kiene ue mu ndumba dia kuzuela-zuela ngoho, muala uôua; kala kiki, eie enda ni kuxila Nzambi.

Ndongixi 7:15

Ima iosuʼiii nga i mono mu kithangana kia izuua ia muenhu uami: kuila sai-ku muthu ua iuka, o kuiuka kuê ku mu dia anga u fuila mu kuiuka kué, ni muthu ua ibha u laia muene izuua ia vulu mu ku ibha kuê, sumbala muene uaiibha kidi.

Ndongixi 7:18

Kota o kubhaka kiki, o kiene ue ku katule-ku o muẋima ué, kuila: Uoso u kala ni uoma ua Nzambi kala kia fuama, muene muthu u bhuluka ku ima ioso iii.

Jelemiia 44:10

Nguâ ku di tolesa katé mu kizuua kia lelu, mba a kala ni uoma, mba enda mu ngonge iami, mba mu itumu iami i nga te bhu pholo ienu ni bhu pholo ia jitata jenu.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Luka 1:50

O henda iê ia kalé ku miji ni miji ku thandu dia iá oso a mu xila.

Loma 2:5

Maji eie-phe mu kukola kuê kua muẋima ni kuxibhaka, mu kubhanga kiki, eie ua kuata ku di lundila dingi njinda katé bhu kizuua kia njinda, kia kà tukuluka o kufundisa kualuka kua Nzambi.

Loma 9:22

Nzambi ue kiene kimoxi kia bhange. Muène kia solo kuidikiza o njinda iê, ni kuijidisa nguzu iê. Ni muanu uavulu, ua xididikila eniʼó a tokalele kiá o ku a bhana kaxtiku, iá eji ku a jima o mbutu.

Matendelelu 12:25

Ku a dié-ze; bhanga muene kioso kiaiuka ku mesu ma Jihova, nda ubonge ujitu, ukale ni kuzediua nʼeie ni anʼé oso a-nda ku ku bhingana kioso eie ki u bhanga kiaiuka bhu pholo ia Jihova.

Matendelelu 12:28

O ki ngala kuzuelʼiki ivenu-kiu muene kiambote, mu ki lunde ku muxima, phala mu bonge ujitu, mu kale ni kuzediua nʼenu ni anʼenu oso ʼa-nda ku mi bhingana katé ku hádia ni hádia, kioso ki mu kuata kubhanga ima iaiuka ku mesu ma Jihova Nzambi ienu.

Matendelelu 4:40

Aluka-phe o jingonge jê, ni itumu iê, i ngala ku ku tendelela lelu, phala utunge usome, ni ku mululu ni ku muláula, o izuua ié nda i vule mʼoxi ia ku bhana Jiohova Nzambi ié, katé ku hádia ni hádia.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.