Ndongixi 7:8 - O Mikanda Ikola

⁸ O ku mona disukilu dia ima kota, kuindi dimatekenu diê; kota ue o muthu uambote, kana ió ua di zangeleka o muẋima.

Ndongixi 7:8 ပူးပေါင်းရင်းမြစ်များ

Jisabhu 13:10

Ukumbu-phe u bheka ngó jimvunda; athu-phe a tetulukʼó, a bhanga ioso ni unjimu.

Jisabhu 14:29

Muthu u kokoloka o kutema, ió muene o hete ia dikota; uoso-phe ka nange kuthathamana, ió uoua uê u dianeka.

Jisabhu 15:18

Diiala di thathamana kiavulu, u vulumuna jimvunda; maji o ió mukua kuxididika-phe u bhuisa jimvunda.

Jisabhu 16:32

Muthu u xididika uala kota, kindanda ndenge; o utolola muẋima uê uala kota, uatolola mbonge ndenge.

Jisabhu 28:25

Mukua luimbi, mvunda ja mu vula; uoso-phe ua dielela kua Jihova, uia ni kuneta kiengi, kuma a kà mu dikila jinga.

Ndongixi 7:1

Kota o kufumana kiambote ni uthu, kuindi unguendu ua uabha o dizumba; o kizuua ue kia kúfua kota, o kia kuvuala muthu ndenge.

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Luka 21:19

Mu kukolokota kuenu, muene mu mua-ndu muena o mienhu ienu.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Efezo 4:2

Ithangana ioso muila ni kubatâma kuoso, ni kubelesela, ni kuxididika, ni ku di lendukila. Mu londekesa jinga o henda ienu mu ku di kuatekesa kala muthu ni mukuâ.

Jihebeleu 10:36

Mua bhingi mu kala ni kinhenge, kuma ki mua kà zubha o kubhanga vondadi ia Nzambi, mua kà tambula polomesa iê.

Tiiaku 5:11

Talesenu kuma etu tua a mono kuzediua, mukonda dia kukolokota kuâ. O kukolokota kua Jobe mua ku ivua, muejiia ue o disukilu diê kioso Nzambi kia mu zediuisa. Mbata o Ngana ua vula o kukuatela henda ni kulendukila.

Tiiaku 5:8

Enu uenu kuatenu kinhenge. Kolenu miẋima, mukonda o kuiza kua Ngana kua zukama.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.