Ndongixi 7:4 - O Mikanda Ikola

⁴ Kienhiki o muẋima ua njimu uala mʼonzo ia thambi, o kiôua-phe muẋima uê u kala mʼonzo muala kusanguluka.

Ndongixi 7:4 ပူးပေါင်းရင်းမြစ်များ

II Samuuele 13:28

Abisalone anga u tendelela makuenze mê, uixi: Alukenu kiambote, kioso ki mu mona muẋima ua Aminone ua mu sanguluka kiá ni vinhu, se muevu nga mi ambela kuila: Aminone mu tienu! Enu-phe mu mu jibha muene; ki mu kale ni uoma, kabasa eme muene nga ki tumu; kolenu maku, mu bhange undanda!

I Jisobha 20:16

Anga a tunda mu kaẋi ka kizuua, kienhoko Bene-hadade uala mu kúnua ni kukodiua mu jifundu, ni muene ni makuinhʼatatu a ʼsobha ni jiiadi, jejile ku mu kuatekesa.

Ndongixi 2:1

Hé ngʼambela o muẋima uami, ngixi: Izá ngi ku teze hanji ni kusanguluka; kala kiki, kemba, sanguluka! Maji mu ku kʼila ue suí, nga ki mono kuma ukumbu ngó.

Ndongixi 7:3

O dilamba kota jingolela ndenge, mukonda o pholo kioso ki i luuala, o muẋima u kala dingi kiengi.

Ndongixi 7:5

O kuívua ue kioso o njimu ki ia mu bazela, kota; kuindi o mimbu ia maióua.

Izaía 21:4

O miẋima iala ku ngi titila kiavulu, kua ngiza kubhuuama ni kuteketa; ngendile kuma kuvunda, o ki kua mateka ngó o ku fefetela, uoma ua ngʼiza.

Jelemiia 51:39

Ki a-nda kuila a salumuka eme ngʼa bhana kúnua kuâ, hé ngʼa kodiuisa phala nʼende ni kutuka-tuka; maji hádia a kà zeka kilu kia muiokoioko, ki mungu dingi a tona, Jihova ua ki tange.

Jelemiia 51:57

Nga kà kodiuisa o ilamba iê, ni jinjimu jê, ni jikabhitangu jê, ni makota mê ma jinganga, ni mazonda mê; hé a ká zeka kilu ki nangenena, ki mungu dingi a tona; Sobha ua bhingi dijina diê Jihova dia Ilombo Ieta muene ua ki tange.

Daniiele 5:30

Usuku uenhó-phe, Belxazale, muenexi ua Kaldeia, anga a mu jibha.

Hozeia 7:5

O bhu kizuua kia fesa ia sobha ietu, jingana ja di katesa ni vinhu, ià nuina enhoso kumoxi mu kilunga kia jisemenhi.

Nahumu 1:10

Mukonda né hanji ene a di lunga-lunga kala minha, anga ezala ni vinhu kala jihólua, a kà jimuka ene oso muene kala iangu iakukuta.

I Samuuele 25:36

Abingaile anga uiza dingi kua Nabale, u mu sanga ua-lu bhanga fesa ia dikota mʼonzo iê, kala kizokola kia sobha. Nabale muene muẋima uê moxi ua mu tana, kuma ua kodiua kiavulu; mukonda dia kiki muene ka mu tangela kima, né kiofele né kionéne, katé ki kuákie.

I Samuuele 30:16

Anga u a kulumuisa. Kia zubha ku mu bheka, u sanga a di zanze mu mukâu uoso uenhó, ala mu kúdia ni mu kúnua, ni mu kina, mukonda dia imbamba iavulu ia bhûndu mʼoxi ia akua Fidíxia, ni mʼoxi ia Juda.