Ndongixi 7:18 - O Mikanda Ikola

¹⁸ Kota o kubhaka kiki, o kiene ue ku katule-ku o muẋima ué, kuila: Uoso u kala ni uoma ua Nzambi kala kia fuama, muene muthu u bhuluka ku ima ioso iii.

Ndongixi 7:18 ပူးပေါင်းရင်းမြစ်များ

Jisabhu 12:21

Kana divuua di tula ku muthu ua iuka; maji akua phulu-phe u sanga ezala ni kikote.

Jisabhu 8:20

Ngi batesa muthu mu njila ia kuiuka, ngi mu endesa muʼaxaxi ka jihoka ja kutetuluka.

Ndongixi 11:6

Kuna mbutu ié mu kimene, o ku kiemba ue, ʼkuaku lué kí lu nhohe, mukonda eie kuijiia se mbutu iebhi ku ua-nda kuzediuila; hé iii, mba ioio, mba mbutu joso hádia ji iukila bhua moxi.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ndongixi 3:14

Mbate nga kʼijiia kuila, ima ioso i bhanga Nzambi, i xalelà-ku kiá; ka tena dingi kubandekeza-ku kima, ka tena dingi ue ku katula-ku kima. O Nzambi ima ioso u i bhanga kienhiki phala a mu kuate jinge uoma.

Ndongixi 5:7

Mukonda, mukuâ ni mu nzungule ia jinzoji ki muala ngó kingoho, kiene ue mu ndumba dia kuzuela-zuela ngoho, muala uôua; kala kiki, eie enda ni kuxila Nzambi.

Ndongixi 8:12

O mukua ituxi némbe o kuiibha u ku bhanga mu luhama, anga o izuua iê i vula muene, hanji kima kimoxi ki ngejiia mu kidi, kuila ió oso a xila Nzambi ene a zediua, oso muene kiá a kala ni uoma bhu pholo iê.

Ndongixi 8:13

Maji o mukua phulu u lémbua ku kala kiambote, o muene ue o izuua iê ki ia-nda ku vula; uila ngó kala kizúzumbia, mukonda ua lémbua o ku kala ni uoma ua Nzambi.

Jelemiia 32:40

Hé nga kà ta-nâ kikutu ki nangenena, ki kia kà a sondoloka dingi, mbé o ku a bhanga mbote, anga nga kà ta uoma uami ku muẋima uâ, phala eme ki mungu dingi a ngʼixa.

Malakiia 4:2

Maji, phala enu-phe, oso muene mu kuxila Dijina Diami, kua kà mi kiela Dikumbi dia Kuiuka, diene dia kà mi bhekela ubhulukilu, uijiia na-u moxʼa mabhabha mê; enu-phe mua kà tunda, mua kà tuka-tuka mukuâ ni tuana tua ngombe kioso ki tu tunda mu kibhanga kiâ.

Luka 1:50

O henda iê ia kalé ku miji ni miji ku thandu dia iá oso a mu xila.

Luka 11:42

Lamba dienu-phe, mu jifalizeu! Mukonda enu Nzambi mu mu futa o dijimu dia kizaka, ni dia sabhola, ni dia tu-idima tuoso, o kufundisa-phe, mu kidi, ni henda ia Nzambi, mua i xé bhoxi. Mua fuamene kuila o iíi mu i bhanga, o ioio-phe ue ki mu i xi dingi.