Ndongixi 7:16 - O Mikanda Ikola

¹⁶ Eie-phe ku kale u muthu uambote kinéne, mba o unjimu u u vudisa ue kinéne; kuma u di buikixilaʼhi é muene?

Ndongixi 7:16 ပူးပေါင်းရင်းမြစ်များ

Dimatekenu 3:6

O muhatu-phe kia mono kuma muẋi ua mbote phala kudia, ua uabha ue ku mesu, u bhekela vondadi mukonda dia kuijidisa, u kanza-ku kimbundu anga u dia, u bhana ue muadi ue, muene ue anga u dia.

Jobe 11:12

Maji muthu ua ngoho ka moneka kilunji; kiene muene, muthu a mu vualʼé ngó kala kamona ka mukete ku mukáu.

Jobe 28:28

Iú uambela o muthu, uixi: Talesa-ze! O uoma ua Nzambi, uene o unjimu; o kueha kia ibha, kuene o kuijiia.

Jisabhu 23:4

Kana ku di huha kiavulu mu kusota ku kala u mvuama; kilunji kié kioso ku ki te mu kusoto ngó umvama inda katula-ku o muẋima.

Jisabhu 25:16

Eie ua bongo uiki? Dia-phe ngó uoso ua ku soko; o ki uila u ta-ku, u ku kuma, anga u u lusa ni uene.

Ndongixi 12:12

Kala kiki, eie monʼami, tongolola: O kubhanga madivulu ki kuala ni mbambe iê; o ku di longa ue kinène, ku bhuidisa ngoho o mukutu.

Matesu 23:29

Lamba dienu, enu muene mu longa o Kitumu ni enu mu jifalizeu, mu akua mangonha! Kuma mu tunga ni kuiuka kuoso o jimbila ja jipolofeta, mu kembesa ku iina ia athu aiuka,

Matesu 23:38

Talesa, kilômbo kié kià xala ngundu.

Matesu 23:5

Ikalakalu iâ ioso-phe, a i bhangela ngó phala athu ku a mona: Talenu o iẋimbu ia zanze ia Maka ma Nzambi, ia soneka phala ku ita bhu mabhômo ni ku maku! Kengelelenu kioso kia kulu o mixiku ia izuatu iâ!

Matesu 9:14

Jixibulu ja Nzuá anga jiza kua muène, exi: Phala-hi etu ni jifalizeu tuene mu jila luavulu, o jixibulu jé-phe, kene kujila?

Luka 18:12

Eme ngi jila luiadi ku semana; ngi bhana kua Nzambi o dijimu dia ima iami ioso i ngi mona.

Loma 10:2

Mukonda eme ngi mbangi iâ kuma Nzambi a mu suinina kiavulu muene. Maji o kusina kuâ kuene kua kukamba kutongoloka kua kidi.

Loma 11:25

Uila kiki, ki ngi mesena jiphange, kuila mu kamba kuijiia o kijingano kiki, mba mu kala mu jinjimu ja ku di metena: mukonda o kuxita mu thulu kua kuata Izalaiele, ki kuanda kujiza, maji katé ngó kia kà bokona muvimba ua dialuilu dia akua jixi jengi, ió oso ki Jijudé, ki eza kua Nzambi.

Loma 12:3

Mu kukumbidila o kiadi kia ngi bhana Nzambi mu ujitu uê, ngʼ ambela kala muthu mudienu, kuila: Muthu ka di fike ima ia mu tundu. Maji a banze ni ku di tululula katé ua di fika ia kubatâma. Kienʼ iki kala muthu a di banze kiasoko mu kixikanu kioso kia mu bhana Nzambi.

I Kolindo 3:18

Ki bhu kale muthu u di nganala. Se muthu ua di fika kukala njimu mudienu, ku unjimu ua mu ngongʼumu, a biluke kiôua phala a kale ni kuijiia kua kidi.

I Kolindo 3:20

O bhuamukuâ, exi: Ngana uejiia kuila o ixinganeku ia jinjimu iala kingoho.

Filipe 3:6

O mu muanu ua kualuka o Kitumu, nga kexile ngi muzukutixi a Ngeleja. O mu kuibhula o kulunga kua kulungila mu kukumbidila o Kitumu, eme ki ngi ki tondala ni kima.

Kolose 2:18

Kana kuehela muthu nʼ a mi tambule o dilau dienu, ni kuila kuma muene uala kota mu ku di tolesa kua vondadi iê, ni mu kubheza ji-anju. Muthu u kala kiki, ua landukila ngó o ima ia mono muene iú ua nanuka ngó mu ilunji iê ia xitu.

Kolose 2:23

Ima kala iii, a i fika muene kala unjimu, ni mu kubheza kuê kua vondadi iâ ene, ni mu ku di tununa, ni mu ku di tumina o mukutu. Maji ima ioso iii, ujitu uê-phe ki ua kidi, kuma i bhanga ngó vondadi ia xitu, ki i tena kufidisa jihânji ja xitu.

I Timote 4:3

Athu iâ a kà kidika o kukazala exi ki kua tokala, a kà tuma kujila xitu ni makudia ma mukuâ. Maji o makudia iá, Nzambi ua a bhanga phala ku a tambula ni ku a dia kuala ió a xikana ia ejiia o kidi. Inda o mu kudia, mu dianga jinga kusamba musambu ua kusakidila.

Dijingunuinu 18:19

Ene anga a di kunga mavu mu mítue, a di kola, a ta mbûndu, exi: Uaué! Uaué! O mbanza ia dikota, tata, mua kexile kumuena itadi akua jinaviiu, mukonda dia umvuama uê! Mu kumbi dimoxi, ua biluka ngûndu!