Ndongixi 7:14 - O Mikanda Ikola

¹⁴ Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Ndongixi 7:14 ပူးပေါင်းရင်းမြစ်များ

I Jisobha 8:47

ene anga ku ixi kua ambata ku ubhika a sunga kilunji, anga a diela, hé mu ixi ia ubhika uâ a ku dionda, exi: Tua te kituxi, tu akua kikuma, tua bhange ufusa;

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 119:71

Kima kiambote, muene kia ngi talesa o hadi; phala ngi di longe o kaiula ka jingonge jê.

Jisálamu 40:3

Ua ngi te muimbu uobhe mu kanu diami, ua ngi bhana mukumbi ua kuximana Nzambi ietu; phala athu avulu a ki mone, a kale ni uoma, nʼa kale jinge mu dielela kua Jihova.

Ndongixi 10:14

Né-mbe o kiôua u vudisa ndumba dia maka, muthu-phe kʼejiia kioso kia-nda ku mu bhita; nanhi ua kà mu tangela phala ku muʼijidisa o ima ioso ia-nda ku mu bhingana kuila muene ua bhiti kiá?

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ndongixi 12:8

Ukumbu mu ukumbu, ioso muene ukumbu ngó!—Kiene kia tange Mulongixi.

Ndongixi 3:22

Eme nga ki mono muene, kuila kanaku kima kia beta o kuiuka, kala o muthu kusanguluka mu ikalakalu iê ioso, mukonda diene o dikânda diê, kulu dia mundu kunu, kuma hádia, nanhi dingi u mu vutula nʼa mone o ima ioso ia-nda ku mu bhingana kuema diê, kuila muene ua jimuka kiá?

Ndongixi 3:4

Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Ndongixi 5:17

Kia kexile ku muenhu u dia usuku izuua ioso, ni kutala hadi ia vulu ia ku di bhonda ni kukalakala, ni ndumba dia misusu iê koko, suke bhu kala ni bhabha u thathamana hanji, u kala ni njinda!

Ndongixi 8:7

Mukonda kejiia kioso ki a-nda ku mu bhita; o kioso ue ki kia-nda ku mu bhita, nanhi muene ua kà muʼijidisa na-kiu?

Ndongixi 9:7

Kala kiki-phe, ndé kà die o kúdia kué ni kusanguluka, o vinhu ié nuá-iu muene ni muẋima ua mbote, kuma ikalakalu ié Nzambi ia mu uabhela.

Izaía 26:11

Jihova, tata! Sumbala lukuaku lué lua zangalala muene, maji ene hanji a tokoka ku lu mona! Maji-phe, a kà lu mona anga adiuana, mukonda dia muanu u ua kuatela o mundu ué; o túbhia-phe hádia tua kà buikisa o jinguma jé.

Izaía 42:25

Kiene kia bhangesa Jihova ku a lunduluila o kutema kua njinda iê, ni kusuina kua ita, iu ua a te mukonda ua milengo mu jimbandu; maji hanji-phe a ẋinukʼâ; iu ua a oha-phe, maji ene-phe ki kia a kuatela kima, a lémbua ku ki ta o muẋima.

Jelemiia 23:20

Njinda ia Jihova ki ia kà somboka, katé muene ia kà bhanga ni ku kumbidila ioso ia mu tumu muẋima uê; ku izuua ia kà sukaku, ima iii ia kà mi lombolokela kiambote.

Kuditenda 3:38

Mu kanu dia Ió ua Suka-ku, manhi ki muene mu tunda o divuua ni mbote?

Mikeia 6:9

Dízui dia Jihova dì diʼixana o sanzala, o uoso njimu, u kala ni uôma ua dijina diê. Ivenu enu mu akua sanzala, ni ió uoso ua mu i tumina.

Matesu 9:13

Ndenu-phe mu di longe kioso ki kia jimbulula, kuila: Nginda o ku kuatela mukuenu henda, ki ngindi sata; kuma eme ki ngeza mu kuixana athu aiuka, maji akua ituxi.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

Matendelelu 26:11

Anga uenda ni kusanguluka mu mbote ioso-phe i ku bhana Jihova Nzambi ié, iene i u tana-na-iu, kumoxi ni dibhata dié, anga o levita ni nzuángiza uoso ua tungu momoʼé, u sanguluka ue.

Matendelelu 28:47

Mbata o Jihova Nzambi ié kua mu bhikila ni vondadi, kua mu bhikila ni kisanngusangu kia muxima, kioso ki uala mu ndumba ia jimbote ja kuvudila.

Matendelelu 8:3

Muene ua mi bateka, ua mi ehela kukala ni nzala, iu ua mi disa ni maná, enu nuka mua ijidile, né jitata jenu ue ka ijidile; phala ku mʼijidisa kuila muthu ka laiela ngó ku mbolo, maji ku ima ioso i tunda ku dikanu dia Jihova kuene kulaiela o muthu.

Matendelelu 8:5

Mu ki xinganeka ni miẋima ienu kuma, mukuâ ni tata kia beta monʼê, kiene ue Jihova Nzambi ienu kia mi beta enu.

Tiiaku 5:13

Se sai-ku muthu mudienu uala kutala hadi, a sambe. Se sai-ku ua sanguluka, embe mimbu ia kusakidila.