Ndongixi 7:12 - O Mikanda Ikola

¹² Mukonda o kuijiia ku vungina o muthu kala kilembeketa, mukuâ ni kitadi ue, ki vungina kala kilembeketa; maji o kuijiia kua tundu dingi, kuma ku bhana muenhu kua uoso uala na-ku.

Ndongixi 7:12 ပူးပေါင်းရင်းမြစ်များ

Jobe 1:10

Manhi eie ku mu izalesa ni jimbote, ni muene ni dibhata diê dioso ni ioso iala na-iu? O kikalakalu kia maku mê eie ua ki zediuisa, o ibhaku iê ia sokoloka mu ngongo.

Jisálamu 57:1

Ngi kuatele henda, Ngana Nzambi, ngi kuatele henda; mukonda o muenhu uami ua suamena ko kué; kiene muene, eme ngi di kondela mu kilembeketa kia mabhabha mé; katé ki zubha kubhita o mavuua osoʼá.

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Jisabhu 14:20

Ngadiama a mu zemba, katé ni ku jindandu jê kuene; maji o mvuama-phe, makamba a vula.

Jisabhu 2:11

O kilunji kiambote-phe kia-nda ku ku bhaka, o kutongoloka kua-nda ku ku kondejeka muene;

Jisabhu 2:7

O unjimu ua kidi muene ua u lundila oso emana mixima nzanza; Nzambi iene o ngubu i xitila oso enda mu kuiuka.

Jisabhu 3:18

Oso a u kuata, a bongo muxi ua muenhu; azediua athu oso a u jijila.

Jisabhu 8:35

Mbata uoso ua ngi sange eme, ua sange muenhu; ni Jihova muene ue u mu lendukila, kuma u mu bhanga favolo.

Jisabhu 9:11

Mbata ko kuamiʼeme kuene ku ua kà muena o kuvula kua izuua ié, hé a kà ku bandekezela-ku mivu ia muenhu.

Ndongixi 10:19

Athu o kuolela ene mu dʼixanenaku; o vinhu i sanguluisa o muenhu; maji mu ima ioso o kitadi kiene ki zuela.

Ndongixi 2:13

Bhenhobho nga mono kuila o kuijiia kua beta muene kota mu ku ta o uôua ndenge, mukuâ ni muanha ki u kala kota mu ku uabha o usuku ndenge.

Ndongixi 7:19

O unjimu u beta kubhana o kusuína ku njimu, kuinhi dia nguvulu jʼejidila kúlua ita ji kala mu mbonge imoxi, ndenge.

Ndongixi 9:16

Bhenhobho nga kiambe muene, ngixi: O unjimu kota o nguzu ndenge; sumbala o unjimu ua ngadiama ka u suuile, o maka mê ka mʼevua jinga.

Ndongixi 9:18

Kuma o unjimu kota, o mata a ita ndenge; maji o mukua ituxi umoxi ngó u zanga ndumba dia jimbote.

Izaía 30:2

Hé a kulumuka mu Ijitu, kene ku ngʼibhula dingi kioso ki tunda mu kanu diami; a bhangela ku di-fikidila ni undanda ua Falaó, phala kudielela o kilembeketa kia Ijitu.

Izaía 32:2

Dikuenze muenhó ua kà kala disuamenu kiza o kitembu, dilengelu kiza o kalêmba, mukua ni jingiji ja menha mu mikáu ia kukuta, uila ue kala kilembeketa kia ditadi dionéne mu ixi ia kikáku, mua kambe o menha.

Izaía 33:6

Mu ithangana ié, Ziione, ki kuà kala kima ki ku bhanga kiaiibha; ni kubhuluka, ni unjimu ni kuijiia, kua kà vula muene; anga o kuxila Jihova kua kà kala jene o jimbongo jé.

Nzuá 12:50

Ngejiia kuma kijila kiê muène, ki bhana muenhu ki uábhua. O ima-phe ioso i nga tange eme, nga i tange muene kala kia ngi tumu Tata o kuzuela.

Nzuá 17:3

O muenhu ki uàbhua uenhú: Kuila oso a ku ijiie eie u Nzambi ia kidi imoxi-èlele, ni kuijiia ue Jézú Kristu, ió ua mu tumu eie.

Matendelelu 32:47

Mbata o maka iá ki maka ma ngoho, uene o muenhu uenu; ene a-nda ku mi bhana izuua iavulu iadixala mu ixi i mua-nda kúvua, kioso ki mua-nda zaúka Njolodá.

Filipe 3:8

Kidi kiene, ima iosololo ngi i kita kingoho mu ujitu ua kuijiia Kristu Jezú, Ngana iami. O mukonda dia muène, ima i nga kuatele, nga i texi dikanga, ioso ia di boto. Ememuene-phe nga i kiti dixilu, phala ngi nganhale Kristu, nda ngi kondamene kua Muène.

Afundixi 9:15

Kuala musonge: Se kidi kiene mu ngʼunda eme mu kala sobha ienu, izenu mu di kondele mu kilembeketa kiami; o ki mu ila kana, ku musônge ku tunde túbhia tu buidise ni misedulu ia muxitu ua Libanu.