Ndongixi 6:9 - O Mikanda Ikola

⁹ Kota o kutala ngó mesu, kuindi o kuenda ni muẋima ua di zangeleka ni luímbi, kuma kienʼiki ue ukumbu ngó ni kukaiela kitembu.

Ndongixi 6:9 ပူးပေါင်းရင်းမြစ်များ

Jobe 31:7

Se mu uendelu uami nga bhambuka mu njila, se o muẋima uami ua mu kaiela (kua lungu o) mesu mami, mba ku maku mami kua naminina dibaka dioso-dioso.

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 1:2

Kingoho mu kingoho! Mulongixi, uixi: Kingoho mu kingoho! Ioso muene ukumbu ngoho!

Ndongixi 11:9

Eie, munzangala, di kenhe! Sanguluka mu unzangala ué, o muẋima ué u tulumbe mu izuua ia unzangala ué! O njila ja solo o muẋima ué, enda-ju muene, ni jojo ja ku uabhela ku mesu mé; maji ijiia-kiu-phe, kuila mu ima ioso ienhiʼii, muene hinu Nzambi muanda kua kà ku fundisila.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ndongixi 5:18

Kima-phe kia mbote ki nga mono o kuiuka, kienhiki: O muthu kúdia ni kúnua ni kukemba ni mbote joso ji tunda mu kikalakalu kiê kioso kia talela hadi kulu dia mundu, mbote joso muene ku ji-dia mu imoxi imoxi, izuua ioso ia muenhu uê, ia mu bhana Nzambi iê; kuma iene o mbandu iê ia mu tokala ia mu xinda Nzambi, diene o dikânda diê ku muenhu iú.

Ndongixi 6:2

o muthu a mu bhana o itadi ni jimbongo ni ujitu kuala Ngana Nzambi, kana-ku kima kia mu kambe ku ioso iendi o muenhu uê, maji o Nzambi anga u fula o ku mu bhana o kutena kua kudia-ku, inda kuizʼê muthu uengi muene ngó u mu diê-ju jene joso; auá, kienhiki ue ukumbu ngó u katesa kinéne ku muẋima.

Jelemiia 2:20

Mʼukulu munhá kioso eme ki nga kexile mu kubukujula ophi ié ni kubatujula o mikolo ié, eie uambele, uixi: Ki mungu dingi ngi tondala; sumbala kiene maji leluʼidi ku tuthuthulundu tuoso ni bhu ixina ioso ia mixi ia uisu, ua mu-ia ni ku kotajana mu kubhanga undumbu.