Ndongixi 6:3 - O Mikanda Ikola

³ Kuma se bhu kala muthu u vuala hama ia mona, anga u laia muene ndumba ia mivu, o izuua ia muenhu uê hé i vula muene, maji o mbote ku muenhu uê ua lémbua ku i dia, o ku thandu dia kiki kafunduʼê muthu; ngi mi tangela kidi kuila o kisèlu kiala kota, o muenhó ndenge.

Ndongixi 6:3 ပူးပေါင်းရင်းမြစ်များ

Dimatekenu 33:5

Izaú anga u zambula, mesu, u mona ahatu ni ana; uibhula, uixi: Enʼiá akua-hi uala kuendela-nâ kumoxi? Jakobo u vutula, uixi: ene ana, Nzambi mu henda iê, a bhana kua selevende ié.

Dimatekenu 47:9

Jakobo u ambela Falaó, uixi: Izuua ia mivu ia inhunginu iami, hama ia muvu ni makuinhi atatu; ia tolo, o iene ue ia hadi o izuua ia mivu ia muenhu uami, bhua sukile o mivu ia jitata jetu mu inhunginu iâ eme ki ngà bhiẋila-bhu.

II Jisobha 10:1

Akabe anga u kala ni makuinhi sambuadi a mona mu Samádia: anga Jehu u soneka mikanda, u i tumikisa mu Samádia ku atumini bu dizelele, ni ku ikulakaji, ni ku iá a kexi ma sasa o ana a Akabe, uixi:

II Jisobha 9:35

Anga aia phala ku mu funda, maji ka mu sange, kuma a sange kiá ngoho o kibhala kia mútue, ni inama ni makanda a maku.

I Malunda 28:5

O ku anʼ ami oso, (kuma Jihova ua ngi bhana ana avulu), Muène ua solo-bho monʼ ami Solomá phala nʼ a xikame ku kiandu kia Utuminu ua Jihova ku thandu dia Izalaiele.

II Malunda 11:21

Lebouamu anga u beta kuzola Mahaka, monʼa Abisalone, ahetuʼê oso a mukuá ni jisai, ndenge; mbata muene ua kexile ni kuinhi dia muhatu ni nake ni makuinhi asamanu a jisai; anga u vuala makuinhi aiadi ni nake dia anʼa mala ni makuinhi asamanu a anʼa ahetu.

Estere 5:11

Hamane anga u a tangela o fuma iê ia jimbongo jala naju, ni kusokoloka kuê kua kuvuala ana avulu, ni kijingo kioso kia mu bhana muenexi, ni ditala dia mu tula, jifixiiadi joso ndenge ni akua mbèle oso ku mbanza.

Estere 7:10

Kienhiki anga a nhenga Hamane ku mukambu ua iudika muene phala kunhenga Moledekai. O kia zubha ku ki bhanga, njinda ia muenexi ia sosoloka kiua.

Jobe 3:11

Eme ki ngi fuilaʼhi tundé mu divumu dia mamʼetu, o mu ku tunda mu mala ki ngi zubhidixilaʼhi kiá kúfua?

Jobe 3:16

Mba-phe hinu ngeju kuila kala muthu a mu seluka, ua suama; ki ngeju kala-ku dingi mu kulaia; mukuâ ni tuana tua bhingi kuila muanha nuka a u muene dingi.

Jisálamu 58:8

Kala huelendende, u jila ni kubotomoka, ene uâ a di bhange kiòmuene; ele kala mùselu a mu vuala, o muanha ka u mono dingi.

Jisabhu 17:6

Athu a kuka, kitundu kiâ o aláula; o kijingu kia ana-phe, o jitata.

Ndongixi 4:3

Maji o ua beta hanji o kulúnga bhu kaẋiʼabha, ió uoso kiluua ngó a mu vuala; mukonda o kuiibha kuoso kua mu bhanga o athu kulu-dia-mundu kunu, muene ka ku mono luua.

Ndongixi 6:4

Mukonda ua didi ngó kuiza, hádia u vutukila mua vundu, o kitombe kia-nda kuvungina muene o dijina diê.

Jelemiia 22:19

A-nda ku mu funda ufundilu ua bulu, a mu koka nʼa mu texi dikanga muene, kuema dia mielu ia Jeluzaleme.

Jelemiia 36:30

Kala kiki, Jihova uambe kiki kua Jehoiakí, sobha ia Juda: Jehoiakí ka kà kala ni iú u xikama bhu kiandu kia Davidi, o kimbi kiê a kà ki takuila bhu muanha ua dikumbi ni ku mbambi ia kiaúla kia usuku.

Jelemiia 8:2

Anga a i aneka ku muanha, ni ku mbeji ni ku ilombo ioso ia diulu, ia zolele ene, ia bhikila jinga, ia kaiela jinga, ia kexile mu kusota, ia a kexile ku i diundila: ka kà i ongeka, né ku i funda; ia kà xalela ngó mukua ni ditobe ku thanduʼa mavu.

Matesu 26:24

Monʼa Muthu iú uia mu kúfua, kala kia mu soneka mu Mikanda Ikôla. Muthu ió-phe kokolo diê, ua-nda kuthelekala Monʼa Muthu! Kimuua, muenhó se ka mu vualele!