Ndongixi 6:12 - O Mikanda Ikola

¹² Mbata nanhi uejiia o kima kiambote ku muenhu iú, phala o muthu, mu izuua iê ioso ia ukumbu uê, ia bhingi kuila u i zubha mukuâ ni kilembeketa? Mbata o muthu kiela ua bhiti kiá, nanhi dingi ua kà mu tangela ima ianda kua kèza-ku Kulu-dia-Mundu?

Ndongixi 6:12 ပူးပေါင်းရင်းမြစ်များ

I Malunda 29:15

Mukonda etu tu jinzuángiza bhu pholo iê, tuala tu jingenji kala o jitata jetu joso; o izuua ietu iedi kala izúzumbia kulu dia mundu, kanaku kima kiengi ki tua dielela.

Jobe 14:2

A mu vuala mukua ni kitulu mi iangu, kuma kathangana ngó ua kukuta; u lenga lusolo kala kizúzumbia, kene mu kunanga kithangana kiavulu.

Jobe 14:21

O anʼê a kà kala ni kijingu sé muene ku kʼijiia dingi, mba a tunuka, hé a sebuluka sé muene ku ki tongolola dingi.

Jobe 8:9

Mukonda etu tu anʼa mazá, ki tuijiia kima; mbata o izuua ietu mu ngongo mukuá ni kizúzumbia ngó.

Jisálamu 102:11

Izuua iami kifua kizuzúmbia kia ngoloxi, kialebhela kiá kuié; eme-muène nga kukuta kala iangu.

Jisálamu 109:23

Nga soko ni kizúzumbi kia ngoloxi, kia lebhela kiá kuié; ngi takujuka ngó kala dihoho diia mu tudila dikanga.

Jisálamu 144:4

Kuma muthu muha, mukuâ ni kima kia ngoho; izuua iê i bhita kala kinzúnzumbia.

Jisálamu 16:5

Jihova muene u kala undundu uami, muene kimanga kiami; kubhanduluka kuami ku tunda bhu maku ma muene.

Jisálamu 17:15

Eme-phe nginda ngi mona pholo ié ni kulúnga; muẋima u ngi zela, hinu ki ngi phaphumuka, mu kutala o kidifanganu kié.

Jisálamu 4:6

Sai athu avulu ala kuila: Tu sanga kuebhi o kibhuku? Jihova phe tu bhetukile ngó o pholo ié, kubenha kué ku tu tule.

Jisálamu 47:4

Muene ua tu solela o undundu uetu, o ixi iauabha ia bhana Jakobo, muthu uê ua mu zola. (Selah.)

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Ndongixi 10:14

Né-mbe o kiôua u vudisa ndumba dia maka, muthu-phe kʼejiia kioso kia-nda ku mu bhita; nanhi ua kà mu tangela phala ku muʼijidisa o ima ioso ia-nda ku mu bhingana kuila muene ua bhiti kiá?

Ndongixi 12:13

Ku ioso i uene mu kuívua, zubhilu diê dienhidi: Xila Nzambi, u aluke o ijila iê, mukonda kiene kia fuama athu oso ku ki bhanga.

Ndongixi 2:24

Manhi ki kima kiambote muene o muthu kúdia ni kúnua, o muenhu uê ni u kembe mu mbote ia kikalakalu kiê? O kienhiki ue nga ki mono kuila ki tunda ku lukuaku lua Nzambi.

Ndongixi 2:3

Nga kenga mu muẋima uami kioso ki ngi di-ta mu kúnua vinhu, (maji ni kutumina o muẋima uami ni kilunji), ni kiki kioso ki ngi di-bhakula ku ulaji katé ki ngi mona kioso kia fuama anʼathu kubhanga kulu-dia-mundu, mu kithangana kioso kia izuua iâ ia butuʼiii ia muenhu uâ.

Ndongixi 3:22

Eme nga ki mono muene, kuila kanaku kima kia beta o kuiuka, kala o muthu kusanguluka mu ikalakalu iê ioso, mukonda diene o dikânda diê, kulu dia mundu kunu, kuma hádia, nanhi dingi u mu vutula nʼa mone o ima ioso ia-nda ku mu bhingana kuema diê, kuila muene ua jimuka kiá?

Ndongixi 6:11

Kia kidi kiene, kuma o ima ue ia vulu i vudisa o ukumbu ku muthu, maji-phe o muthu ku ima iii u katula-ku ihi kia beta o kuuabha?

Ndongixi 7:15

Ima iosuʼiii nga i mono mu kithangana kia izuua ia muenhu uami: kuila sai-ku muthu ua iuka, o kuiuka kuê ku mu dia anga u fuila mu kuiuka kué, ni muthu ua ibha u laia muene izuua ia vulu mu ku ibha kuê, sumbala muene uaiibha kidi.

Ndongixi 8:13

Maji o mukua phulu u lémbua ku kala kiambote, o muene ue o izuua iê ki ia-nda ku vula; uila ngó kala kizúzumbia, mukonda ua lémbua o ku kala ni uoma ua Nzambi.

Ndongixi 8:7

Mukonda kejiia kioso ki a-nda ku mu bhita; o kioso ue ki kia-nda ku mu bhita, nanhi muene ua kà muʼijidisa na-kiu?

Ndongixi 9:6

Katé ue ni henda iâ, ni kizembu kiâ, ni luimbi luâ, ima ioso ienhiʼii ia kexe na-iu ia jimbila ue kiá; o ku mivu iii ene kala-ku dingi ni mbandu iâ ku ima ioso i bhanga athu Kulu-dia-Mundu.

Ndongixi 9:9

Kemba jinga ni muhatu ua kazola ké, mu izuua ioso ia muenhu ué, o izuua ia ku bhana Nzambi Kulu-dia-Mundu, o izuua ioso ia maukumbu mé; mukonda ienhiʼii iene o mbandu ié ia ku tokala ku muenhu iú, ni mu ikalakalu ié ioso i ua bhange Kulu-dia-Mundu.

Mikeia 6:8

Muene ka kuambela kiá, eie u muthu ua-kimi, kioso kia uabha, kia fuama, kia solo Ngana kuma kiene ki u bhanga, kuila ubhanga jinga kuiuka ni kubatula mu kidi, uzola kubhanga o mbote, ukala jinga mu kuenda bhu pholo ia Nzambi ié ni ku di tululula?

Tiiaku 4:14

Sumbala anuenu kioso kʼiza-ku mungu ku mienhu ienu, ki mua kʼijiia! Mukonda o muenhu uenu ua soko kiebi? Muala mu mbundu, i moneka ngó kathangana kofèle, kindala-phe ia jimuka ku mesu!