Ndongixi 5:8 - O Mikanda Ikola

⁸ Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Ndongixi 5:8 ပူးပေါင်းရင်းမြစ်များ

II Malunda 26:10

Ua tungile ue jinzu ja matala mu kikangalakata anga u kandesa-mu ndunga ja vulu; kuma ua kexile ni ibhaku ia vulu, kutale mu makôlo uixi mu manhana; o idimakaji ni akuni a mivide ua a uanena mu milundu ni mu mikáu ia uabha o kudima; mukonda muene ua uabhelele o kudima.

Jobe 24:23

O Nzambi kia a bhana kunhoha, ene-phe a dielela kiá ngó kienhókio; o mesu ma Nzambi phe ia a talela mu jinjila jâ.

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 55:9

A muange, Ngana, u juualese madimi mâ; kuma mu mbongeʼumu nga mono-mo kusuína kuavulu, ni ku di kuata-kuata jimvunda.

Jisálamu 82:1

Nzambi u balumuka hé uimana bhu kionge kiê kikola; muene u fundisa milonga muʼaxaxi ka jinzambi.

Jisálamu 83:18

Phala a kʼijiie kuma eie ngó uavu o dijina dié dia Jihova, ku moneka luiadi; eie-muène ngó Suke-ku mu ngongo ioso.

Jisálamu 95:3

Kuma o Jihova, kota dia Nzambi, Ngana ia dokota ua tundu o jinzambi joso.

Jisabhu 22:16

Uoso u bhondeleka o ngadiama, phala ku di bhanga muene, ni uoso u bhakuila o mvama, ki bhuala phata, hinu u biluka ngadiama.

Jisabhu 24:12

O ki uila uixi: Manhì diâ! manhi ió mukua kutala o miẋima, kanda ku ki bhanga konda? Ió mukua kulonda o muenhu ué, ka-nda ku kʼijiia? manhi muene muthu kioso ki a bhanga ki kiene kia mu vutuila?

Jisabhu 8:17

Nga zola oso a ngi zola, a di meneka mu ku ngi sota a ngi sanga muene.

Ndongixi 3:16

Nga mono ue dingi kulu dia mundu kunu, kuila bhu kididi kia kufundisa bhene bhu kididi kia kuhâma dingi; o bhu kididi kia kubatuila milonga, kuhâma dingi kiavulu.

Ndongixi 4:1

Anga ngi lunguluka dingi, hé ngi tongolola o kubhondeleka ni kutatesa kuoso kuala mu kubhanga athu kulu-dia-mundu; anga ngi mona o masoxi ma ió oso a a tatesa, ni masoxi ma iá oso a kambe uoso u a konda o malamba; o kusuína kuala ku mbandu ia atatexi maji o ene-phe a a tatesa, a lémbua ngó uoso ua konda o malamba!

Ndongixi 5:9

Ki tunda mu mavu ki bhandulula ene oso; katé ni sobha u dielela mu mábhia ku mukáu.

Ndongixi 7:7

Ni kidi kiene, o muthu ku mu bhikisa, ki bhekesa malaji katé ni ku jinjimu, maji o kutambula nduta kuzanga o muẋima moxi.

Ndongixi 8:9

Ima ioso ienhiʼii nga i mono kioso ki nga te o muẋima uami mu ku tongolola o ima ioso iene mu kubhanga athu mu ngongo; kuma sai ni kithangana, muthu u kala mu kutumina mukuá phala ngó ku mu sengulula.

Izaía 10:12

Mukonda dia kienhiki, kia kà bhita-phe kuila: Kioso Jihova kia kà zubha o kikalakalu kiê kioso ku mulundu ua Ziione, ni mu Jeluzaleme, kiene ki nga kà futa o kibundu kia muẋima ua di-zangeleka ua sobha ia Asídia, ni ku di mona o kukula kinène ku mesu mê muene-muène.

Izaía 3:15

Jihova, Nzambi ia Ifuẋi, uixi; Ihi ia mi kuata, enu mua mu kuenda ni kutatesa o mundu uami, ni kututujula o pholo ia jingadiama?

Izaía 37:36

Bhenhobho anju ia Jihova ua tundu, iu ua nemeka mu kilômbo kia Asídia, hama ni makuinhi-nake a jimidi ni midi jitanu ja makuenze; o kuila muene a balumuka mu kimenemene, talesa, iimbi mu iimbi kiá!

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 57:15

Kuma Munéne ua dileka, ua jinga kinéne, ua tunga kididi kinangenena, uene ni dijina dia kuila Ukôla, uambe kiki: Nga tunga bhulu, bhu kididi kikôla; nga tunga ue ni uoso mukua muẋima ua toloka, ua batama, phala kuphaphumuna muẋima ua oso a batama, ni kuphaphumuna muẋima ua oso a toloka.

Izekiiele 18:18

O tatʼâ kuma ua bhange ungulungumba, ua nhana jimbongo ja mukuá, iú ua bhange kiókio ki ki fuama ku ki bhanga mu kaxi ka mundu ue-muène, muene-ku ufua mu kikuma kiê.

Amoji 5:12

Mukonda eme nga kʼijiia muene kuila itondalu ienu ia ndumba, ituxi ia mi kala jinzungule; muthu ua iuka, enu mu mu tatesa; ku milonga, mu tambula nduta; a bhindama kia kuendela, eie ua a jikila dibhitu mu pholo.

Amoji 6:12

O tubalu tu tena kulenga mu kaxi ka matadi? Inga ku matadi a tena ku dima-ku ni jingombe? Enu-phe o kubatula milonga mua ku kitula kima kia lulu. Ibundu ia kuiuka ni kufundisa mu kidi, mua i kitula ibundu ia kingululu.

Mikeia 2:9

Ahatu a akua muiji uami, enu mu a kaiesa mu jinzu jâ ja zolele kiavulu, mua kexi mu kusangulukila jinga; o diximanu di nga kexile kutambula-phe ku tuana tuâ, enu mua di katula-ku.

Zakadiia 8:6

Jihova dia Ilombo Ieta uambe, kiki: Se o kiki kia kà kala kisunji ku mesu ma iá a subhuka ku muiji uenhú, mu izuua ienhoio, kia kà kala ue kisunji ku mesu mami? Kiene kia tange Jihova dia Ilombo Ieta.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Luka 1:32

Muène uandu kala kota dia muthu, a kà mu ixana Monʼa Nzambi ia Diulu. O Ngana Nzambi ua kà mu bhanga Sobha, kala kia kexile tatʼâ Davidi mu xahulu.

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Luka 1:76

Eie-phe kamona, a-nda ku kuixana Polofeta ia Nzambi ia Diulu. Kuma ua kà tuamenena bhu pholo ia Ngana mu ku mu iudikila jinjila jê;

Jipoxolo 12:23

Mu kithanganʼokio, anju ia Ngana i mu kuama, mukonda ua kambe kujingisa Nzambi; anga u diua ku mabhuka, u zubhidisa.

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Tiiaku 2:13

Mukonda o Nzambi kia kà fundisa, ka kà lendukila athu ió a kambele kukala ni henda ia akuâ. Maji o kukuatela henda kua somboka o kufundisa.

I Phetele 4:12

Enu akuetu makambʼami a kazola, ki mu di uane o polova ia dikota ia-lù bhita muʼaxaxi kenu, ieza ku mi lola, ki mu ki fike kuma mua-lù bhita ni kisunji.

I Nzuá 3:13

Ki mu di uane-kiu, enu phange jami, se mundu ua mi zembe.