Ndongixi 5:6 - O Mikanda Ikola

⁶ Dikanu dié ku di ehele ni di bhangesa mukutu ué ku ta kituxi, mba uamba bhu pholo ia anju, uixi: Kuku kutondala; Kuma phalaʼhi u thathamesa Ngana Nzambi, mukonda dia dizuí diéeie, anga ki mu bhekela o kusengulula o kikalakalu kia maku mé-eie?

Ndongixi 5:6 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

Jisabhu 23:17

Muẋima ué ki u kale ni dixinga dia akua ituxi; inda kumbi dioso dia kambamba suua ngó kuxila Jihova.

Ndongixi 10:12

O njimu, ku maka a tunda mu dikanu diê, kuala kubhanduluka, maji o kiôua mizumbu iê iene i mu dia.

Ndongixi 3:14

Mbate nga kʼijiia kuila, ima ioso i bhanga Nzambi, i xalelà-ku kiá; ka tena dingi kubandekeza-ku kima, ka tena dingi ue ku katula-ku kima. O Nzambi ima ioso u i bhanga kienhiki phala a mu kuate jinge uoma.

Ijila 4:2

Ambela anʼa Izalaiele, kuma: Se muthu u ta kituxi ni kutondala kua ku kamba ku kʼijiia, ka ki bhange kiluelu mu ima ioso ia kidika Jihova kuila kana ku i bhanga, muene anga u bhanga-bhu kima kimoxi.

Ijila 4:22

Se bhu kala kilamba u ta kituxi kia kutondala, ka ki bhange kiluelu, maji u bhanga kima kia kidika Jihova kuma kana ku ki bhanga, iú uala ni kuêla;

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Malakiia 3:1

Talesa-ze, ngi tumikisa o mukunji uami ku ngi iudikila o njila bhu pholo iami; anga mu tukumuka Ngana ua tula mu Tembulu iê; ió, enu muala ku mu sota, o mukunji ua kikutu muene ku mu inda. Tala-ze, Muene iù uiza kiá, kiene kiambe Jihova dia Ifuẋi.

Dialuilu 15:25

Nganga anga ua bhangela kiluuluilu kia kubhuisa ikuma, kilômbo kioso kia anʼa Izalaiele, anga a a loloka; kuma a ki bhange ni kutondala, ki kia kubhanga luelu, ia a bheka ujitu ua, sata ia kuoha ni tubhia kua Jihova, ni sata iâ ia kituxi bhu pholo ia Jihova, mukonda dia kutondala kuâ.

I Kolindo 11:10

Uila kiki, mukonda dia ji-anju, muhatu ua tokala kuvunga jinga o mutue uê ni mveu, phala kulondekesa kuila muene ala ku mu tumina kuala o diiala.

I Timote 5:21

Nga ku tendelela ku mesu ma Nzambi, ni ma Jezú Kristu, ni ma jianju jangene, kuila mu ioso i u bhanga jinga, ima iii u i kumbidila muene sè hèle mba kubhanga kima ni kathômbo ka muthu.

Jihebeleu 1:14

O kiki-phe, ji-anju kima kiahi bhu pholo iê? Ene oso ala jinzumbi ji sedivila, a a tumu ku sedivisu mukonda dia ibhinganu ia tokala o kubhuluka.

Tiiaku 1:26

Sai muthu ua di fika kukala mubhezi a Nzambi? Se u kamba kuijiia o kukuika o dimi diê, o kubheza kuê kua ngoho, iu ua mu di nganalʼê muène mu muẋima uê.

Tiiaku 3:2

Kuma etu-ene oso, tuene mu tondajala mu ima iavulu. Uoso u kamba kudibhukana mu kuzuela, ió muene muthu uatenena, ua soko-bho o kukuika mukutu uê uoso.

II Nzuá 1:8

Di langienu, ki mu jimbidise o ima ioso i mua kalakala kiá, phala mu tambule kubhanduluka kua soko, kua tenena.