Ndongixi 5:13 - O Mikanda Ikola

¹³ O kima ue ki nga mono kia ibha dingi kiavulu kulu dia mundu, kienhiki; O muthu ku lunda o jimbongo phala kuzangiua kuê-muène.

Ndongixi 5:13 ပူးပေါင်းရင်းမြစ်များ

Dimatekenu 14:16

Anga u tambula dingi imbamba ioso, ni phangʼiê Lote ni imbamba iê, ni ahatu ni athu oso, ueza-nâ.

Dimatekenu 19:14

Lote-phe anga u tunda, u zuelesa jiholome jê, eji kusakana ni anʼê a ahatu, uixi: Balumukenu! mu tunde bhu kididi kienhiki; kuma Jihova ua-nda ku ki buikisa. Jiholome jê-phe a mu kiti kiôua kiala mu sabhula, kifua ualu ta kasekelu kê.

Dimatekenu 19:26

O muhatu a Lote-phe anga u sakuka kuema, hé u kituka philadi ia môngua.

Jobe 20:20

Mukonda dia luimbi luê ki lu kala ni mbambe, ka kà tena ku bhixila bhu ditala dia kubhulula o ima ioso iandala muene.

Jisabhu 1:19

Kiene-phe ki kala o jihoka ja ió oso a hamena nganhu iaxidi; kifua kiki kia ibha, ki jibha o muenhu ua muthu uoso uala na-kiu.

Jisabhu 1:32

Kuma o kubaluka kua jisemenhi, kene o kalunga kâ; o kubhanduluka kua ioua, kuene kua kà a buikisa.

Jisabhu 11:4

Jimbongo ki ji tena kubhandulula ngana iê bhu kumbi dia njinda; maji o kuiuka ku kudila muthu ku kalunga.

Jisabhu 23:4

Kana ku di huha kiavulu mu kusota ku kala u mvuama; kilunji kié kioso ku ki te mu kusoto ngó umvama inda katula-ku o muẋima.

Jisabhu 27:24

Mukonda o jimbongo ki jene kuxalelà-ku; manhi o kitundu kiene kuxalela kutunda muiji kuiza muiji?

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 5:14

O kikala u bhita ni uíndua uoso-uoso, jimbongo joso ji di bota; o mona a mu vuala, u lémbua kuxala-ku ni kima kioso-kioso bhu maku.

Ndongixi 8:9

Ima ioso ienhiʼii nga i mono kioso ki nga te o muẋima uami mu ku tongolola o ima ioso iene mu kubhanga athu mu ngongo; kuma sai ni kithangana, muthu u kala mu kutumina mukuá phala ngó ku mu sengulula.

Izaía 2:20

Mu kizuua kieneʼokio, o muthu ua kà takuila ku jiphukulu ni ku madima o iteka iê ia phalata ni iteka iê ia ulu, ia bhangele phala ene ku i diundila.

Sofoniia 1:18

O phalata iâ ni ulu uâ ki itena ku a kudila mu kizuua kia njinda ia Jihova; maji ku túbhia tua njinda iê ixi ioso iii ia kà jikata; mukonda, ni kidi kiene, Muene athu oso a tunga mu ngongo ua-nda ku a buikisa muʼanzanzʼumu né ngó muthu ka kà subhuka-ku.

Luka 16:19

Jezú hé ua ambela dingi, uixi: Kua kexile mukua-itadi, u zuata jinga izuatu i kusuka ni linhu ia fina, izuua ioso u kala mu kúdia kiambote muene, ni kubhanga fesa ja makota.

Luka 19:8

Bhenhobho Zakeu anga uimana bhu pholo ia Ngana, u mu ambela, uixi: Ngana, kaxaxe ka jimbongo jami, ngi ka bhana jingadiama. Se bhuala muthu nga mu-di mangonha, mu kubhana o lubhaku, ngi mu fute-kiu mu luuana.