Ndongixi 5:10 - O Mikanda Ikola

¹⁰ Uoso u zola o kitadi, o kitadi ki mungu ki mu kuma dingi. O uoso u uabhela jinzungule, ki mungu dingi a ibhila kadienge, kuma kienhiki ue ukumbu ngoho.

Ndongixi 5:10 ပူးပေါင်းရင်းမြစ်များ

Jisálamu 52:1

Ua kakela-hi ni ufe anga uia ni ku di thatha, u dizonda dia kimi? Maji o kulenduka kua Nzambi ku kué, ku nangenena.

Jisálamu 52:7

Diene-ze o diiala dia ditunu Nzambiʼidi, mù kala kimbaka kiê; iu ua di fiiala o jimbongo jê kuvula, hé u di fikidila mu usuéia uê.

Jisálamu 62:10

Kana ku di fiiala ungúngu, mba u kala mu ku ta thathe ni jimbongo ja kubhûnda; ku fike kuila u di bhanga ni uii; jimbongo se ji di vuala, ku ji dielele; katula-ku muene o muẋima ué.

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 1:8

Ima ioso ienhiʼii i bhuidisa kinéne, kana muthu-phe u tena ku i jimbulula. O mesu ka zumbuka mu kumona, o mátui ue kʼezala ni kuívua.

Ndongixi 2:10

Iene ioso iandalele o mesuʼami, ki nga a fudisa na-iu; o muẋima uami ki ngi u bhangesa kufula kusanguluka kuoso-kuoso; maji inda muẋima uami ua sanguluka jinga mu ikalakalu iami ioso, mukonda diene o dikânda diami, mu ikalakalu iami ioso i nga bhange kuludia-mundu kunu.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 3:19

Mukonda kioso ki bhita ku anʼathu, kiene ue ki bhitʼé ku iama; ima ioso i bhita kiòmuene kua ene oso; o ki fua iú, kiene ue ki fué ió; ene oso o muenhu uene umoxi. Ukota ua muthu-phe ku iama ki u moneka; kuma ene oso muene kingoho.

Ndongixi 4:16

O mundu uê ua kexile mu kutumina, ki u xikina ku u tanga; o ió ue, hádia a kʼèza-ku, ka kà tena kusanguluka ni muene. Kuma ue, ni kidi kiene, iene iosuʼiii kingoho ni lamba ngó dia muẋima.

Ndongixi 4:4

Inda nga mono ue kuma o kukalakala kuoso ni kusakalala o maku mu ibhangelu, kuene ku bhekela ku muthu o luimbi lua mukuá uoso a zukama-nê. Kuma kienhiki ue kingoho ni lamba dia muẋima.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 5:9

Ki tunda mu mavu ki bhandulula ene oso; katé ni sobha u dielela mu mábhia ku mukáu.

Ndongixi 6:7

Muthu o kikalakalu kiê kioso kia kalakala, u kalakalela o dikanu diê, maji o luimbi lua muthu-phe ki luene mbambe.

Matesu 6:19

Kana ku di lundila jimbongo mu ngongo, mua bhingi tubamba ni fuluja i jikinisa, o miii i kanda, i nhana.

Matesu 6:24

Kana muthu u tena kubhikila ngana jiiadi. Mukonda bhu kala ni iú u mu zemba, o iú u mu zola; mba iú a di tuma, o iú a di bhonza. Enu ue ki mu tena kubhikila Nzambi ni Mamunu (kilundu kia jimbongo).

Luka 12:15

Uambela enhoso, uixi: Ividilenu kiambote! Alukenu, mu di lange ku luímbi, mukonda o muenhu ua muthu ki u tundu mu umvuama uê ua kuvula o jimbongo.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.