Ndongixi 4:10 - O Mikanda Ikola

¹⁰ Mbata se bhu kala muthu u di bhala, mukuá u mu balumuna; maji ió uala ubheka uê, kokôlo diê! Kuma se ua di bhale, ki bhua-ndo kala mukuá u mu balumuna.

Ndongixi 4:10 ပူးပေါင်းရင်းမြစ်များ

Dimatekenu 4:8

Kaini anga u zuela ni phangʼê Abele, uixi: Tuie ku mukáu. O kioso kiala kiiadi kiâ mu mukáu, anga ki bhita-phe kuila Kaini u lungulukila Abele, phangʼiê, hé u mu jibha.

II Samuuele 11:27

O kia bhiti izuua ia kudila o thambi, Davidi u tuma ku mu takana, u mu bheka mʼonzo iê, anga u kala mukajiʼê, hé u mu vualela mona ua diiala. Kima kiki-phe, kia bhange Davidi, Jihova kia mu iibhila.

II Samuuele 14:6

Ngi kahatu ké-phe, nga xedi ni anʼaiadi a mala, anga a dikuata mvunda ene ubheka uâ mu mukáu, ki bhuala u a muangununa, iú-phe u ta kituezu kua mukuâ, hé u mu jibha.

Makatukilu 32:21

Mozé anga u ibhula Alá, uixi: Mundu iú ua ku bhange kiebhi, phala eie ku a bhekela ku thandu diâ, kituxi kia dikota kala kiki?

Ndongixi 4:11

Se kiiadi ue a zeka bhuamoxi, a ditemesa ni munza mudiâ; maji o muthu umoxi-phe u di temesa kiebhi?

Ndongixi 4:9

Kota o ku kala kiiadi, muthu umoxi ndenge; kuma o kiiadi a beta kubhanduluka mu ikalakalu iâ.

Ngalásia 6:1

Enu jiphange jami, né-mbe bhu kala muthu u di jimba, nʼ a mu kuate mu kituxi, enu muala mu nzumbi, muthu ió mu mu kuatekesa phala ku mu bheka dingi bhu kididi. Maji mu ki bhanga-phe ni muẋima uabatama. Muila ue ni ku di langa enuʼenu, phala enu ue ka mi diangule.

I Tesalonika 4:18

Uila kiki, di kondienu o malamba mudienu ni maka enʼiâ.

I Tesalonika 5:11

Uila kiki, di longese jingienu mudienu, ni kudikuatekesa, mu di sokejeke kumoxi, kala ki muene kubhanga jinga kiá katé kindala.

I Samuuele 23:16

Jónata, monʼa Saúlu, anga u balumuka, uiza kua Davidi mu ditutu bhu Holesa, u mu suinisa muẋima mua Nzambi,