Ndongixi 4:1 - O Mikanda Ikola

¹ Anga ngi lunguluka dingi, hé ngi tongolola o kubhondeleka ni kutatesa kuoso kuala mu kubhanga athu kulu-dia-mundu; anga ngi mona o masoxi ma ió oso a a tatesa, ni masoxi ma iá oso a kambe uoso u a konda o malamba; o kusuína kuala ku mbandu ia atatexi maji o ene-phe a a tatesa, a lémbua ngó uoso ua konda o malamba!

Ndongixi 4:1 ပူးပေါင်းရင်းမြစ်များ

Jobe 16:4

Eme uami ngeje kuzuela kala ki mua mu zuela enu, se o muenhu uenu ua kexile bhu kididi bhuala o muenhu uami? Inga, ngeje ku mi vudixila ndumba dia maka, anga ngi kubuakesa ue mútue uami mu ku mi bhanga kia ibha?

Jobe 35:9

Mukonda dia ku a bhondeleka kiavulu, athu a di kola, a di kola mu kusota uoso u a kudila bhu lukuaku lua enʼió ala ni kutena.

Jobe 6:29

Ngi fundisienu dingi luamukuá, nga mi diondo, ki ki kala kituxi, kana; ngi fundisienu, kuma mu mulonga iú o kidi kiami kiene kia-nda kutolola.

Jobe 9:24

Ngongo a i bhakula bhu maku a isuéia; o afundixiʼé Nzambi u a vunga o pholo; se ki muene-phe ua bhange kiki, tuila mukuaʼhi?

Jisálamu 12:5

Mukonda-phe dia ngadiama a mu tatesa, mukonda dia kukema kua phulungu a mu bondeleka, ngi balumuka kiá, eme Jihova; ngi mu bhaka bhua kondama a mu tobhesa kiki.

Jisálamu 142:4

Nga talesa bhu mbandu iami ia madilu, kana-bhu dilemba; ku ngi lengela ki ku moneka; kana muthu kia mu kuatela kima, né muenhu uami ua di boto.

Jisálamu 142:5

Nga dikola-phe ko kué, u Jihova, ngixi: Eie-muène u dilengelu diami; eie ngó u dibhandulukilu diami, kʼulu dia mundu kunu.

Jisálamu 42:3

Muanha ni usuku, kúdia kuami masoxi; mbe iá ala ku ngi ta môndo izuua ioso, exi: Nzambi ié ua ku kala kuebhi?

Jisálamu 42:9

Nga kʼàmbela Nzambi, ngixi: Eie u ditadi diami dia kipena, ua ngi jimbila-hi? Phala-hi ngiia ni kudila ni mukondo mukonda dia ubhika uala ku ngi bhikisa na-u o nguma?

Jisálamu 69:20

Malebhu a ngi tolola o muẋima moxi, kihongo kia ngi kuata kala kia kukata; nga tale uoso u ngi kuatela henda, maji ki bhuala muthu; o u ngi konda malamba, ki ngi mu mono.

Jisálamu 69:21

Kúdia kuami a ngi bhana ndululu; kia ngi kuata o dinhota, a ngi nuisa mvindangele.

Jisálamu 80:5

Eie ua a disa kúdia kua masoxi, ni kúnua kua kikote mu kikote!

Makatukilu 1:16

uixi: Kioso ki mu bhanga ufunu uenu ni ahatu a Jihebeleu, se ala bhu muanza, se monʼa diiala mu mu jibha, se monʼa muhatu a kale ni muenhu uê.

Makatukilu 1:22

Falaó anga u tuma mundu uê uoso, uixi: Uoso monʼa diiala a mu vuala mu mu takula mu honga ia Nilo, o mona muhatu mu mu bhaka ni muenhu.

Jisabhu 19:7

Ngadiama, ni phange jê joso ji mu zemba; ku tange dingi o makamba mê, ma mu sanduka muene! Muene uila u a sota ni maka oso-oso, ene-phe usudi u a kuatʼâ!

Jisabhu 28:3

Ngadiama ku ulamba, kia huha o jiphulungu, u difua ni mvula ia kibhungu i jibha jimbutu, mʼoxi hé muiza nzala.

Jisabhu 29:2

Athu aiuka kia a zangeleka mu kutumina ixi, mundu u sanguluka; maji o kisuéia-phe kia tambula o kutumina ngongo, mundu u kumba!

Ndongixi 3:16

Nga mono ue dingi kulu dia mundu kunu, kuila bhu kididi kia kufundisa bhene bhu kididi kia kuhâma dingi; o bhu kididi kia kubatuila milonga, kuhâma dingi kiavulu.

Ndongixi 5:8

Se u mona mu ixi o jingadiama a ji tatesa, o kusuína anga kukala bhu kididi kia kufundisa ni kubatuila o milonga, eie-phe kienhókio ku di uanekiu; mukonda muthu né uala ditala dionéne, sai-ku ue a mu tundu, o ió uâ sai-ku dingi a beta, a a tundu ue ene. Maji sai-ku Umoxi ngó ua tundu enhoso, ua-lu tumina mu ngongo ioso.

Ndongixi 7:7

Ni kidi kiene, o muthu ku mu bhikisa, ki bhekesa malaji katé ni ku jinjimu, maji o kutambula nduta kuzanga o muẋima moxi.

Ndongixi 8:9

Ima ioso ienhiʼii nga i mono kioso ki nga te o muẋima uami mu ku tongolola o ima ioso iene mu kubhanga athu mu ngongo; kuma sai ni kithangana, muthu u kala mu kutumina mukuá phala ngó ku mu sengulula.

Izaía 5:7

Mbata o díbhia dia muvide ua Jihova dia Ilombo Ieta phe, o dibhata dia Izalaiele; o athu êne mu Juda, ene o phaphu iambote ia phaphe-mu; Jihova phe ua dielelele kuila ende ni kubhanga ima ia kuiuka, maji talesa hanji o ungumba uâ! Bhua kingile o kidi, o kuiuka, bheza ngó jingololo!

Izaía 51:23

Inda nga kà di tula bhu maku ma ió a ku tatesele, ambelele o muenhu ué, xi: Bhetama, tua-nda kubhita ku kunda dié; anga eie u ta dikunda dié kala mavu ma kudiata, kifua mbambe ni njila phala jingenji.

Izaía 59:7

Inama iâ i lenga mu ku bhanga phulu, a sakalela mu kubhubhisa manhinga ma muthu ua kambe kikuma; o ilunji iâ i funha ikuma mu ikuma; kubuika ni kubhondalala kuenhé mu njila jâ.

Jelemiia 16:7

Né-mbe ku a bhana kima bhu lamba, kia ku a konda malamba bhua bhiti o kalunga: mba ngó ku a nuisa ku nganza ia ku bhuisa mukondo kua tata mba kua mama ia uoso-uoso.

Kuditenda 1:16

Mukonda dia ima ienhiʼii, kiene eme ki nga-lu didila; kala kiki mesu mami, o mesu mami muene, ma kungulula ndumba ia kisoxi; mbata o Mutululuixi, ua tokalele o ku ngi ximbakatesa o muenhu uami, ua ngi sondoloka bhu mbandu iami; anʼami mua eza kukakuka, mukonda dia nguma ua ngi tundu o thulu.

Kuditenda 1:17

Ziione u kala mu kuzanza o maku mê, u mu bhetula ngó muẋima ka moneka; Jihova ua tuminʼê muene, kuila Jakobo a mu kitukile kuala iá oso ala mu jimbandu jê; Jelezaleme a mu kitula muene kala muthu ua kasana.

Kuditenda 1:2

Usuku uoso ua kudila kinhenge; o masoxi mê a kuata kunguluka jinga ngó mu pholo; o muʼaxaxi ka makamba mê ki muala ngó u mu konda dilamba; o makamba mê moso-lolo ma mu bhange ndunge; a biluka muene jinguma jê.

Kuditenda 1:9

Dixidilu diê dia mu kala ku izuatu iê, muene ka lembalele kuila o ku dizubhilu diê ua-nda kutala hadi; kiene-phe kia mu bhela o kibhalu kia kalunga kiki; ki bhuala u mu konda malamba. Eie, Jihova, ngi tale bhu nga tatela; mbata o nguma ua di te nzabala.

Amoji 3:10

Mukonda ku bhanga kia iuka a ki tokoka kala kiambe Jihova, o mu mazemba mâ a sueka-mu kusuína ni kusenguluka.

Amoji 3:9

Ima iii ivisenu-iu mu mazemba ma Ajidode, ni mu jinzu ja matala-matala mʼoxi ia Ijitu. Tangenu-kiu, kuamba: Bhongolokelenu ku mulundu ua Samádia, mu tale o ku di vunza kuónene kuala mu mbonge mumu ni usuéia kua ió a a phopheka muʼaxaxe kê.

Malakiia 2:13

Enu-phe mua te-ku dingi kiki: Mu izalesa ni masoxi o kalatódio ka Jihova, ni kukuata kudila ni kukema; ijiienukiu-phe, kuma muene ka kà xikina dingi kutala ku ujitu uenu, mba ujitu uenu uẋikina ku u tambula ni kusanguluka bhu maku menu.

Malakiia 3:18

Bhenhobho bhene bhu mua kà mona dingi o katungu ka muthu uaiuka, ni mukua ituxi ua bhukumuka; ni bhu kaxi ka ió ubheza Nzambi, ni iú ua ditunu ku mu bheza.

Malakiia 3:5

Bhenhobho, Jihova, uixi: Kienhókio nga kà mi zukama kiá, milonga ienu nga kʼèza mu ku i fundisa anga ngi kala ngi mbangi ia kubatula lusolo mu kubelesa aloji, ni akua ku ta jiphanda, ni iá a loka mu makutu, ni iá a kamba kufuta kitadi kia jingunza ja a a kalakalela, ni ió a bhingi kuila o mutudi, ni monʼa difundu, a a bhondeleka muene, ka xikina kubatula ni kuiuka o mulonga ua ngenji-a-thumba ua tundu dikanga, a lémbua ku ngi kuatela uôma, eme ngi Jihova dia Ilombo Ieta.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Matendelelu 28:33

Idima itunda mʼoxi ié, ni ima ioso kiá i u talela hadi, a i dia kuala povo iengi eie-muène kua ejiia ngó, anga a ku bhondelekʼé ngó kienhiki izuua ioso.

Matendelelu 28:48

Kala kiki, ni nzala, ni dinhota, ni tuẋi, ni kukala u ngadiama ia hatu, ima ioso i ku kamba, inda ua kà bhikila kiá o nguma ni nganga-sèse a-nda ku ku tumikisa-nê kuala Jihova Nzambi ié, muene anga u ku kuzula o kanga ia felu mu xingu, katé kiá ki u jima na-iu o mbutu.

Tiiaku 5:4

o futu ia jingunza ja kalakala mu mabhia menu, mua emina-iu. O mu kuditenda kuâ ivenu kia-lu dikola! O mitendu ia enhó a munu o mabhia menu, ia bokona mu matui ma Ngana Nzambi, Muteni-a-Ioso.

Afundixi 4:3

Bhenhobho anʼa Izalaiele anga a dikola kua Jihova, kuma Jabine muene u kala ni hâma ʼvua ia makalu a felu; anga u suína kiavulu ni kubhikisa anʼa Izalaiele mu makuinhi aiadi a muvu.