Ndongixi 3:8 - O Mikanda Ikola

⁸ Sai ithangana ia kuzola ni ithangana ia kuzemba; ithangana ia ita, ni ithangana ia uembu.

Ndongixi 3:8 ပူးပေါင်းရင်းမြစ်များ

I Jisobha 5:4

O kiki-phe, Jihova ua ngi bhana kutululuka, mu jimbandu joso ki mua ngi kala dingi nguma ni nganga-sèse, o dibhebhu ni kibuika ue, lémbue.

II Jisobha 9:22

Anga ki bhita, kiki: Kioso sobha Jolá kia mono Jehu, u mu ibhula uixi: Kuma kua tululuké, Jehu? Muene-phe, uixi: Kutululuka kuahi, se o undumbu ua mamʼenu Jezabele hanji ua jiji kiki ni mauanga mê ma vulu?

II Malunda 19:2

O Jehu, monʼa Hanani, mukua lumono, hé u tunda mu ku mu tumbidila, uambela sobha Jozafate, uixi: Eie ueji ku kuatekesa muthu ua ibha, ni kuzola ió a zembe Jihova? Kiene njinda ia dikota ia Jihova ki iejila ku thandu dié.

Jisálamu 101:3

Ki ngi kala ni kima kia ufusa ku mesu mami; imbamba i bhanga ió adianguka, nguami na-iu! Né i sota ku ngi naminina, ngi i kukumuna.

Jisálamu 105:25

U a lungulula o muẋima phala mundu uê a u zembe, a kala ni kudimuka kua kutununa o jiselevende jê.

Jisálamu 139:21

Manhi ngi kamba ku a zemba, a ku zembe eie u Jihova? kífua ki kamba ku ngi iibhila kia ku bhukumukina eie Ngana?

Jisabhu 13:5

Muthu uaiuka, maka ma makutu u di zemba-nâ; mukua-phulu-phe ukuma, mbata u di bhekela sonhi.

Izekiiele 16:8

Eme-phe, mu kubhita bhu mbandu ié, nga ku mono, tala, o ki nga kuidi suí, nga ku mono kuila ua bhixila mu kithangana kia ku ku ta iambu; anga ngʼoleka o muxiku ua thanga iami ku thandu dié, hé ngi vunga o tuẋi ié; kienhókio nga ku lokela, eme nga bokona mu kikutu ni eie, kiene kiambe Jihova Nzambi; eie kiá ua kituka u uami.

Luka 14:26

Se muthu uiza kókuami, anga u kamba ku beta ku ngi zola eme, o tatʼâ ni mamʼâ, ni mukajiʼê, ni anʼê, ni jiphange jê ja mala ni ja ahatu ni a kale ndenge, katé ni muenhu uê-muène, ka tena kukala xibulu iami.

Efezo 3:19

ni kuijiia o henda ia Kristu ia tundu o kuijiia kuoso, ni mu kale ni kuizala ni kuizala kuoso kua Nzambi.

Efezo 5:25

Enu ue mu mala, Zolenu ahatu enu kala Kristu kia zola o Ngeleja, iú ua di bhakula bhu kididi kiê.

Tito 2:4

phala o jindenge jâ ja ahatu, a a sase ni kuzola jinga anumeʼâ, ni kuzola anʼâ.

Josuué 11:23

Kienhiki-phe, Josuué oxi ioso iii ua i tambula; kia bhiti muene kala kioso kia tangele Jihova kua Mozé; Josuué iu ua i bhana anʼa Izalaiele mu ubhinganu, ku jimbambe-jimbambe, ni ku miji-miji. Oxi hé i zumbuka kiua o ku dílua ita.

Dijingunuinu 2:2

Nga ku ijiia ima i uene kubhanga. Nga ku ijiia ue o kukalakala kué ni kukolokota kué ku uene na-ku. Ngejiia ue kuma akua phulu kutena ku a ehela, o ió a dʼixana jipoxolo, manhi ene ki jipoxolo, eie ua a lola, ua a mono makutu.