Ndongixi 3:4 - O Mikanda Ikola

⁴ Sai thembu ia kudila ni thembu ia kuolela; thembu ia mukondo, ni thembu ia kutuka-tuka.

Ndongixi 3:4 ပူးပေါင်းရင်းမြစ်များ

Dimatekenu 21:6

Sala anga u amba, uixi: Nzambi ua ngi bhekela jingolela; oso ue a-nda ku kʼivua a-nda kuolela kumoxi nʼeme.

II Samuuele 6:16

Mu ku ki bhanga-phe, kioso kiala kubokona álaka ia Jihova mu mbânza ia Davidi, Mikala, monʼa Saúlo ua muhatu, u zongola bhu njanena, anga u mona muenexi Davidi uala mu tuka-tuka, uala mu kina bhu pholo ia Jihova: muene anga u mu tobhesa mu muẋima uê.

Jisálamu 30:11

Kudila-phe eie ua ngi katula-ku, mua ngʼiza kukina! ua ngi zula o kidiniaji, eie ua ngi kembesa ni ngalasa.

Jisálamu 30:5

Kuma o kutema kuê, ku nanga ngó kithangana; o kulenduka kuê ku bhixila bhu suka o muenhu ua muthu! Né-mbe mu usuku, ki ku vunda, tua didi masoxi, kusanguluka-phe kuiza ni kimene.

Makatukilu 15:20

Bhenhobho o Midiiana, polofeta, phange ia Alá ia muhatu, u kuata kangoma ka manzuela, u tuamena, ahatu oso a mu kaiela ni tungoma tuâ ni kukina.

Ndongixi 3:5

Sai thembu ia kumuanga matadi, ni thembu ia kubhongolola matadi; thembu ia ku di-bhubhala, ni thembu ia kusongoloka ku di-bhubhala.

Ndongixi 7:14

Mu izuua ia diláu, enda ni kúdia ku mbote i uala na-iu, o mu izuua ia uíndua-phe, ximbakata; kuma Nzambi muene ua bhange o mbote ni kuiibha, phala o muthu a lémbue kumona ioso ia-nda ku mu bhingana ku pholo.

Izaía 40:1

Athu ami a kondienu malamba, a kondienu malamba, kiene kiambe Nzambi ienu.

Izaía 40:2

Jeluzaleme mu tedienu maka ma mu kuatekesa muẋima moxi; mu tangedienu kuamba dinhengena dié diabhu-ku, kikuma kiê kiololoke kiá; o ituxi iê ioso, ua i tambuila kiá luiadi ku lukuaku lua Jihova.

Matesu 11:17

Tua mi xikila mimbu ia ubhanga, enu nguenu kukina! Tua mʼ imbila mimbu ia thambi, nguenu ku dila!

Matesu 9:15

Jezú anga u ambela, uixi: Kífua anʼ a sala ia ubhanga a tena kukala ni mukondo kiosuʼ iki ki ala ni nga-iala? Izuua iiʼ iiza-phe, nga-iala a-nda ku a tambula-nê; kiene kiua ki ejiia kujila.

Luka 1:58

Akua bhata ni jindandu jê, anga évua kuma Ngana ua mu vudixila o henda iê, anga ene oso a sanguluka-nê kumoxi.

Loma 12:15

Sangulukenu kumoxi ni iá a sanguluka, dilenu kumoxi ni iá a dila.

II Kolindo 7:10

Kuma o mukondo se a u uzala kuala Nzambi, u bhekela kudiela kubhangesa kubhuluka. O ku kima kala kiki, ki kuene dingi kuila tamanu ki nga ki bhangele. Maji o mukondo-phe ua mundu, u bhekela kufua.

Tiiaku 4:9

Kenananenu, mu di kuate mukondo, mu dile. Jingolela jenu ji biluke jingololo, o kutana kuenu kukale kudisuuata.