Ndongixi 3:3 - O Mikanda Ikola

³ Sai thembu ia kujibha, ni thembu ia kusaka (kutumba); thembu ia kubula, ni thembu ia kutunga.

Ndongixi 3:3 ပူးပေါင်းရင်းမြစ်များ

Dimatekenu 9:6

O uoso u ẋamuna o manhinga ma muthu, muthu ni mukuâ a mu ẋamune ue o manhinga mê; kuma muthu a mu bhanga mu kidifuanganu kia Nzambi.

Izaía 44:26

Eme-muène ngi kuatesa o kizuelu kia selevende iami, ngi kumbidila ulongelu ua jiphunga jami; ngambela Jeluzaleme ngixi: Eie a kà ku tunga dingi; ngambela madiembu ma Juda, kuma: Enu a kà mi tunga lua mukua, eme ngi some dingi jingundu jâ.

Izaía 6:10

Mbata o muẋima ua mundu iú, uakolokota, mátui mâ, ma kokoloka kuívua; mesu mâ a ma jika; kuiengesa o kumona ni mesu, kuívua ni mátui, kuijiia ni muẋima, nʼalunguluke dingi, Eme ni ngʼa sake.

Jelemiia 1:10

Iala! lelu dienhidi, ngala ku ku imika ku thandu dia akua-jixi, ni ku thandu dia mautuminu, phala u thathumune, u lundumune, u buikise, ni u bhange jingundu; luamukuá ue, phala u tungise u kunise.

Jelemiia 31:28

Hé kia kà kala phe kiki: Mukua ni ki nga fulu kilu ku thandu diâ, phala kuvuza, phala kubula, ni kuvutula kuema, phala kumuanga, phala kutatesa, kiene ue ki nga-nda kufula o kilu ku thandu diâ, phala kutunga ni ku kuna, Jihova ua ki tange.

Jelemiia 33:6

Maji tala-ze, nganda ku bheka ku thandu diâ, kudisanza ni kuiluka anga ngʼa saka muene, anga ngʼa tukuluila jinzungule ja kutululuka ni ja kidi.

Jelemiia 45:4

Eie-phe u mu tangela kiki: Jihova uambe, uixi: Tala, kioso ki nga tungu, ngi ki bula; o kioso ki nga phaphe, ngi ki vuza; kienhiki muene mu ixi ioso muenhumu.

Izekiiele 13:14

Anga o kipena ki mua kunga o hàla ia kambe kulungisa ngi ki bula, nga kà ki lunduluila muene bhoxi, hé o madisesa mê a moneka ni a tukuluke, hé ki di-bhala kienhókio; enu-phe mua kʼaia muene nzaká mu kaxi kê, hé mua kà kʼijiia kuila eme ngi Ngana.

Ajeu 1:2

Kienhiki kia zuela Jihova dia Ifuẋi, uixi: Mundu iú a mu kuila exi: Thembu kiluua abhiẋila, o thembu ia tokala kutunga dingi o inzu ia Jihova.

Ajeu 1:4

Kifua thembu iii phala enu kukala mu jinzu jauabha, o inzu iii ni ixale ngundu?

Zakadiia 1:12

Bheneʼobho, o anju ia Jihova u vutula, uixi: Eie Jihova dia Ifuẋi, tata, katé bhebhi uà kamba ku kuatela henda ia Jeluzaleme ni jimbonge ja Juda, ji ua lungulukila ni kuthathamana Eie ua ji luualela mu makuinhi sambuadi a mivu osoʼâ?

Matendelelu 32:39

Mu ngi tala-phe kiá: Eme, Eme-muène ngó Nzambi; ki ngala dingi ni mukuetu, Eme ngi jibha, Eme ue ngi phaphumuna; Eme ngi kuama, Eme ngi saka; ki kuala u ngi ẋangumuka bhu lukuaku luami.

I Samuuele 2:25

Muthu se u ta kituxi kua mukuâ, Nzambi u mu fundisa; muthu-phe se u ta kituxi kua Jihova, u mu zuelela nanhi? Sumbala tatâ ua zuela kiki, maji ene kʼevu dízui dia tatʼâ, mukonda Jihova ua mesena kiá ku a jibha.

I Samuuele 2:6

Jihova muene u katula o muenhu, muene u bhana o muenhu; u tulula athu katé mu mbila, anga u balumuna athu kuʼalunga.