Ndongixi 3:20 - O Mikanda Ikola

²⁰ Ene oso muene aia kididi kimoxi; ene oso-phe, fufuta ngó; kienhiki ene oso muene a kà biluka fufutila.

Ndongixi 3:20 ပူးပေါင်းရင်းမြစ်များ

Dimatekenu 25:17

Iii iene izuua ia mivu ia muenhu ua Ijimaiele, hama ia muvu ni makuinhi atatu ni sambuadi; anga u batuka muenhu, ufua, hé a mu bhongoluela ku malembʼê.

Dimatekenu 25:8

Mbalahamu anga u batula muenhu, ufua kiá ku uadiakimi uavulu, ua kuka kiá, ua kukidila muene, mivu ia mu kumu; anga a mu bhongoluela ku malembʼê.

Dimatekenu 3:19

ku suualu ia pholo ié kuene ku ua kà dia o mbolo ié, katé ki ua kà vutuka ku mavu; mukonda kuene ku ua tundile; kuma eie uala u mavu, ku mavu kuene ku ua kà vutukila.

Jobe 14:10

Maji-phe, muthu ki a fua, anga u diua kiá muene … xi! muthu kuila ua tula muenhu, abha-phe u kala dingi kuebhi?

Jobe 14:14

Muthu nʼa fu, mbé ua kà kala dingi ni muenhu? Izuua ioso i nga mu lua ita ngeje ku kinga, katé kia ngi lungulula dingi lua mukuá.

Jobe 17:13

Se eme o mbila nga mu i tala kiá kala inzu iami, se hama iami, ngi i zala kiá mua vundu,

Jobe 30:24

Ku ndumba ia mavu ma jinzu ja budika, muthu kene mu ku zanguila-ku lukuaku? O mu kutata kuê u kamba kuzangula mbimbi ni kudikola ku mu kudila?

Jobe 34:15

xitu ioso ieje kúfua, muthu-phe ueje ku vutukila ku fufutila.

Jobe 7:9

Mukuâ ni dituta ki di kenguluka kiá hé di bhita, kiene ue ió uoso u tuluka kuʼalunga mu mbila, ki lelu dingi a tunda-mu.

Jisálamu 103:14

Mbata uejiia kioso kia tu sokejeka, u lembalala kuma tuala tu mavu.

Jisálamu 104:29

Ki u sueka pholo ié, a tata; ki ua a tambula o kubhuima, afua; kindala a biluka mavu.

Jisálamu 49:14

O mu ku a funda, a di kaiejela kala jimbudi jiia mu kibhanga; kalunga-ka-ngombe u a kombola mu bombo diê; kukia ngó mu kimene, kijingo kiâ kia bhitila kia ku athu aiuka; o mukutu ua uabhele iú sekumukina mu mbila, mukonda ki ua mono dingi kididi kia kukala.

Ndongixi 12:7

O fufuta ni i vutukila ku mavu kala ki ia kexile, o nzumbi anga i vutukila kua Nzambi ua i bhele.

Ndongixi 3:21

Nanhi muene u ki tanga kuila o jinzumbi ja anʼathu jiia bhulu, o ja iama jiia muʼalunga bhoxi mu mavu?

Ndongixi 6:6

Kuma né Kulu-dia-Mundu ua bhange-ku midi ia mivu mu luiadi lua muvimba, maji ua lémbua o kukemba ni mbote iê mba kudia-ku, manhi ene oso, kanda kuia kididi kimoxi?

Ndongixi 7:2

O kuia mʼonzo ia thambi kota, kuindi mʼonzo muala o fesa; mukonda o momo athu muene mua muena o dizubhilu diâ; athuʼoso a muenhu a ki ta muene ku miẋima iâ.

Ndongixi 9:10

Kioso kia kuiza bhu maku phala ku ki bhanga, bhanga-kiu muene katé bhuoso bhua suku o nguzu ié, mukonda o mu mbila mu ua-nda kuia, kana-mu dingi kikalakalu, mba ufunu, mba uhete, mba kuijiia kuoso-kuoso.

Daniiele 12:2

Ndumba ia athu ió aia ku kilu mu fufuta ia mavu ma ʼxi, a kà fukunuka, amoxi a kʼàia ku muenhu ki uàbhua, amukuá a kʼàia ku kididi kia phaxi, kuà kala o sonhi ni lusebu lu nangenena.

Dialuilu 27:13

O ki u zubha ku i mona, eie ue a ku bhongolola ku malembʼê, kala phange ié Alá kia mu bhongolola.