Ndongixi 3:11 - O Mikanda Ikola

¹¹ Ima ioso Nzambi ua i bhange ni kuuabha bhu thembu iê; iú ua zangula o mundu uene, iú ua u te mu muẋima uâ, maji o muthu ua lémbua kuijiia o kikalakalu kioso kia bhange Nzambi, tundé ku dimatekenu katé ku dizubhilu.

Ndongixi 3:11 ပူးပေါင်းရင်းမြစ်များ

Dimatekenu 1:31

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Jobe 11:7

Ua fika eie u tena kuijiia ijinganu ioso ia jinjila ja Nzambi, mba u bhixila bhu ditala dia kutenena muene kala kia tenena Muteni-a-Ioso?

Jobe 37:23

Kua Muteni-a-Ioso ki tu tena ku mu bhiẋila; muene ukôla mu kutena kuê, maji-phe, mu kufundisa, o kidi kene mu ku ki lungulula.

Jobe 5:9

Muene u bhanga ima ia makota i bhonza ku ijiia, ni isunji iavulu ki i xikina ku i tanga.

Jisálamu 104:24

Eie, tata, u Jihova, ikalakalu ié kuvula kuahi! Iene ioso ua i bhange ni uhete, o mu ngongo muezala ni jimbongo jé!

Jisabhu 16:4

Jihova ima ioso ua i iudikila ni dizubhilu diê dia i tokala; katé ni mukua phulu, o bhuilu diê o kizuua kia jingongo.

Ndongixi 1:13

Ngixi-phe, o muẋima uami ngi u ta hanji ku unjimu, phala ngi tongolole, ngi solokote kiambote ni kuijiia kuoso, o ima ioso iene ku bhita kulu-dia-mundu. O ki nga iʼdi suí: Ngixi ikalakalu ioso iii o Nzambi ua i bhana anʼahu phala ngó ku a longela-mu.

Ndongixi 11:5

Kala eie ki ua kambe kuijiia o njila ia kitembu, mba kioso ki di bhanga o ifuba mu vumu dia muhatu uala mu mikutu iiadi, kiene ue ki ua kambe eie kuijiia o ikalakalu ia Nzambi, Mubhangi a ima ioso.

Ndongixi 7:13

Tongolola kiambote o kikalakalu kia Nzambi, u mone; nanhi u tena kuiukisa kiókio kia bhange muene ni kubhengalala?

Ndongixi 7:23

Ima iosuʼiii nga i tongolola ni unjimu ni kuijiia; eme ngʼedi ngixi: Hádia ngiza kuijiia; manhi-phe o kuijiia kuene hanji kua ngi kala dikanga.

Ndongixi 7:29

Talenu-phe, kuma o ki nga bongo ngoho mu kusota kuami, kiki: Kuila o Nzambi, muthu ua mu bhange ni kuiuka, maji o muene-phe ua di funhina ndumba dia ima iaiibha.

Ndongixi 8:17

kiene ki nga mono o ibhangelu ioso ia Nzambi, eme nga tale kuila o ibhangelu ioso bhoxiʼabha muthu ka tena ku i tongolola; né-mbe o muthu u kalakala muene kia vulu phala o ku ijiia, né ngó, ka tena ku i tongolola; o njimu né uila uixi ngi sota ku ijiia, ki kiene ue ki mu bhekesa o ku ijiia.

Matesu 11:27

Ima ioso a ngi bhana-iu kuala Tata iami. O Mona kana muthu ua mu ijiia, inda Tata ngó ua mu ijiia; Tata ue kana muthu ua mu ijiia, inda o Mona ngó ua mu ijiia, ni ió uoso Mona u sola ku mu idikiza-nê.

Matesu 13:22

A mu kuua mu minha, muenhú uívua maka, maji o luímbi lua mu ngongo-phe ni kusênduka kua jimbongo, kubhaka o maka mu a vundu, anga u tokoka kuima ibundu.

Marku 7:37

Anga a diuana dingi kiavulu, exi: Muene o ima ioso u i bhanga kiambote! U bhangesa kuila o mixilu evua, o mabubu a zuela!

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 11:33

O jimbongo ja Nzambi kuvula kuahi! Kuzonga kuahi o unjimu ua Nzambi, ni kuijiia kuê! Mukuahi u tena kulombolola o kaiula kê? Nanhi u tena kutongolola o ikutu iê?

Matendelelu 32:4

Muene Tadi dia Muenhu! Kima kioso kia bhanga kitenena! O uendelu uê uoso uatetuluka; Nzambi muene o Kidi, o mua muene ki muene mangonha; izuua ioso muene ngó uaiuka, o kutetuluka ue muene ngó.