Ndongixi 2:7 - O Mikanda Ikola

⁷ Nga sumbu abhika a mala ni abhika a ahetu; nga kexile ue ni abhika a a vualela kiá ku bhata diami; nga vuile ue ndumba dia jingombe ni jimbudi, ene oso a ngi diangelele mu Jeluzaleme ndenge.

Ndongixi 2:7 ပူးပေါင်းရင်းမြစ်များ

Dimatekenu 13:2

Mbalamu muene anga ukala monhi ia dikota ia ibhaku, ni phalata, ni ulu.

Dimatekenu 14:14

Bhenhobho Mbalamu kia zubha ku kʼivua kuila phangʼiê a mu kutu, ia aii-nê, u manekesa makuenze mê, a a vualela mu dibhata diê, hama jitatu ja muthu ni makuinhi nake, u a kaiela katé ku Dane.

Dimatekenu 15:3

Mbalamu anga uzuela dingi, uixi: Tala-ze, Ngana, eme kua ngi bhana mbutu; kikale-phe o mamvuala, mubhika a mu vualela mu bhata diami, muene u ngi lundula o dibhata.

I Jisobha 4:23

kuinhi dia ngombe ia sevado, makuinhi aiadi a ngombe ji tunda mu kúdia ku iangu, hâma ia mbudi, kua di te jingulungu, jimbâmbi, jisexi, ni jihanga.

II Jisobha 3:4

Kieneʼokio Meza, sobha ia akua Mouabhi, ua kexile muvi a ibhaku, ua kexile mu kufuta hamʼa midi ia tumbudi ni hama ia ilumbe kumoxi ni kindemba kiê, kua sobha ia Izalaiele.

II Malunda 26:10

Ua tungile ue jinzu ja matala mu kikangalakata anga u kandesa-mu ndunga ja vulu; kuma ua kexile ni ibhaku ia vulu, kutale mu makôlo uixi mu manhana; o idimakaji ni akuni a mivide ua a uanena mu milundu ni mu mikáu ia uabha o kudima; mukonda muene ua uabhelele o kudima.

Ejidala 2:55

Ni anʼa abhika a Solomá, anʼa Sotai, ni anʼa Sofetele, ni anʼa Pheluda,

Ejidala 2:58

Akua mbèle oso a tokala mu tembulu, ni anʼa a abhika a Solomá, a tena hama jitatu ni makuinhiʼvua ni kiiadi.

Nehemiia 7:57

anʼa akua mbèle ia Solomá: anʼa Sotai, anʼa Sofelete, anʼa Pelida,

Jobe 1:3

O ibhaku, ua vuile sambuadi dia midi ia jimbudi, midi jitatu ja jikamelu, hama jitanu ja makaza a jingombe ni hama jitanu ja jibulu ja akaji; akalakadi ku bhata a kexile ndumba ku thonga iê; mukonda dia kiki, muene iu ua betele kota ku unéne ene oso ku thunda ndenge.

Jobe 42:12

Kienhiki, Ngana ua beta kuzediuisa kikexilu kia Jobe kia sukidila, o kia dianga ndenge; mukonda ua kexile ni kuinhi dia midi ni kiuana ia jimbudi, ni midi jisamanu ja jikamelu, ni midi ia makaza a jingombe, ni midi ia jibulu ja akaji.

Luka 12:45

Mubhika ió-phe, kià kela ku muẋima uê: Ngana iami ua kokoloka mù kuiza, anga u kuata kubeta abhika ni akuâ, a mala ni abhikʼa ahatu, ni kùdia ni kùnua ni kudodiua;