Ndongixi 2:5 - O Mikanda Ikola

⁵ Nga didimina jindombe ni mabakala a itulu; mixi i bhana o ibundu, kana-bhu ua kambe-mu mu mábhia eneʼá.

Ndongixi 2:5 ပူးပေါင်းရင်းမြစ်များ

Nehemiia 2:8

A ngi bhane ne mukanda ua Asafe, o kimbadi ua mu langa o míkáu ia sobha, phala a ngi bhane miẋi ia kuiudika na-iu o mabhitu ma dizemba dia sobha, ni kimbaka kia sanzala, ni ma inzo mu nga kà bokona. Sobha anga u ngi bhana-iu, kala kia ngi xindi o lukuaku lua mbote lua Nzambi lua ngi tudile ku thandu.

Mukumbi ua Mikumbi 4:12

Ua di bhanga kala kadíbhia ka itulu kʼoxitile, phangʼiami, tâta, bhànga diami! Ua di bhanga kala otho ia menha iòjike, uedi kala fiẋi iote kidimbu ia kambe ku i jikula.

Mukumbi ua Mikumbi 4:13

Tu thangu tué, tua di bhange díbhia dia mixi ia jilomá iala ni ibundu ia iuka kiambote; ni hena, ni nardu.

Mukumbi ua Mikumbi 4:16

Kithembue kia thunda, balumuka; zá eie u kithembue kia luiji; bhuselelenu mu kadíbhia kami phala dizumba diê, di-ie ni ku tukumuka, dile muene tungatatá!

Mukumbi ua Mikumbi 5:1

Nga bokona kiá mu kadíbhia kami, phangʼiami ia muhatu, bhànga diami! Nga munu uasu uami ua sumuna ni ima iami ia mazumba; nga katula kixila kiami, eme nga ki di ni uiki; o vinhu iami nga i nu ni lete. Dienu, nuenu, enu mu makamba mami! Enu nga mi zola kiavulu, nuenu muene kioso ki mua tena!

Mukumbi ua Mikumbi 6:2

Kazola kami ua kulumuka mu kadíbhia kê, mu mabakala mê ma balsamo ia uasu ua dizumba, mu kunhunga muʼaxaxi ka itulu ni ku kanza itulu iê ia jihonga.

Jelemiia 39:4

Anga ki bhita kuila, Zedekiia-phe, sobha ia Juda, kioso kia a mono, kumoxi ni makuenze mê moso ma ita, a lenge, anga a tunda ni usuku mu mbonge, a di tela njila ia kadíbhia ka sobha, bhu dibhitu diala bhu kaxi ka malumbu ma iadi, anga u tunda u di ta mu njila ia kiphenza.