Ndongixi 2:26 - O Mikanda Ikola

²⁶ Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 2:26 ပူးပေါင်းရင်းမြစ်များ

Dimatekenu 7:1

Kienʼokio Ngana anga u ambela Noué, uixi: Iza eie ni dibhata dié dioso mu bokone mu álaka; kuma eie ngó nga ku mono kuiuka bhu pholo iami, mu muiji iú.

Jobe 32:8

Ni kidi muene, moxi dia muthu muala nzumbi, o nzumbi ia Muteni-a-Ioso iene i mu bhangesa o kutongoloka ni kuijiia.

Jobe 38:36

Nanhi uate o kuijiia koxi dia muẋima ua muthu, mba nanhi ua tena kubhana kilunji ni kutongoloka ku muthu?

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisabhu 13:22

Muthu uambote-phe, uxia undundu ku ana ni ku aláula; maji umvuama ua mukua-ituxi, uòlunde phala ni u xialela ku ió uaiuka.

Jisabhu 2:6

Kuma Jihova muene u bhana o unjimu; o mu kanu diê muene mu tunda o kuijiia, muene mu tunda o kilunji.

Jisabhu 28:8

Uoso u sokolola o jimbongo jê mu ku vualesa kitadi kia sobhesa, ni kubhunda-bhunda ngó akuâ, ua-nda ku ji bhongoluela ió uoso uene mu kala ni henda ia ngadiama.

Ndongixi 1:13

Ngixi-phe, o muẋima uami ngi u ta hanji ku unjimu, phala ngi tongolole, ngi solokote kiambote ni kuijiia kuoso, o ima ioso iene ku bhita kulu-dia-mundu. O ki nga iʼdi suí: Ngixi ikalakalu ioso iii o Nzambi ua i bhana anʼahu phala ngó ku a longela-mu.

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Ndongixi 2:25

Mbata se ki luene, nanhi u ngi tunda, hé u ngi somboka eme mu kúdia ni kúnua ni kukemba?

Ndongixi 3:10

Nga mono kuma, o Ngana, anʼathu ua a bhana ikalakalu iosuʼiii phala ngó dilamba diâ, mukonda o mu ikalakalu ienʼiii muene mua a talesela o hadi.

Luka 1:6

Kiiadi kiâ anga a kala athu aiuka bhu pholo ia Nzambi, athu a kuenda mu itumu ioso ni ijila ia Ngana, sé kima ki tokala ku a bazela.

Nzuá 16:24

Katé ni kiki, ki mu kexi mu kubhinga luua kima mu dijina diami. Bhingenu kiá nda mu tambule, o kutana kuenu ni kuvule kutenena.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.