Ndongixi 2:23 - O Mikanda Ikola

²³ Kuma o izuua iê ioso ia jindolo ngó, o ibhangelu iê ia malamba muene; katé ni mu usuku o muẋima ua muthu ki u nhoha. Èlé! kiki ue ukumbu ngoho!

Ndongixi 2:23 ပူးပေါင်းရင်းမြစ်များ

Dimatekenu 3:17

Anga u ambela Adá, uixi: Mukonda eie uevu dízui dia muhetuʼé, eie ua di ku muẋi u nga ku kidika, ngixi kana kudia-ku; mavu-phe a a te mázui mukonda diʼeie, u dia-ku ni lamba, izuua ioso ia muenhu ué;

Dimatekenu 47:9

Jakobo u ambela Falaó, uixi: Izuua ia mivu ia inhunginu iami, hama ia muvu ni makuinhi atatu; ia tolo, o iene ue ia hadi o izuua ia mivu ia muenhu uami, bhua sukile o mivu ia jitata jetu mu inhunginu iâ eme ki ngà bhiẋila-bhu.

Estere 6:1

Usuku uenhó muenexi u fula kilu: anga u tuma kuila a mu bhekele o divulu dia malunda, anga a kala mu tanga-mu bhu pholo ia muenexi.

Jobe 14:1

O muthu, a mu vuala ku monʼa muhatu, u bhanga ngó tu izuua, kene kunanga ku muenhu iú ua vula malamba.

Jobe 5:7

Maji ku muthu kuene ku tunda o ituxi, kala o jisoso ja túbhia ki ji tunda bhu jiko phala kutuka, ni kuia bhulu.

Jisálamu 127:2

Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

Jisálamu 32:4

Kuma lukuaku lué lua ngi nemena muanha ni usuku; mukutu uia ni kuxoueta kala mu muanha ua kixibhu. (Selah.)

Jisálamu 90:15

Tu tanese ku izuua ioso i ua tu talesa o hadi, ni mivu ioso i tua mono o jiphaxi.

Ndongixi 1:13

Ngixi-phe, o muẋima uami ngi u ta hanji ku unjimu, phala ngi tongolole, ngi solokote kiambote ni kuijiia kuoso, o ima ioso iene ku bhita kulu-dia-mundu. O ki nga iʼdi suí: Ngixi ikalakalu ioso iii o Nzambi ua i bhana anʼahu phala ngó ku a longela-mu.

Ndongixi 1:18

Mbata o mu kuvula o kuijiia, muala ue kubhuila kua nzugule; kuma o ió u vula o kuijiia, u vula ue ni ia kubhanga, o dilamba ue di mu vudila dingi.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 5:12

O kilu kia muthu u kalakala, ki touala muene nzué, né uadi bhua tolo, mba u dia bhua vulu. Maji o mvuama, mukua itadi ia vulu, o itadi iê ki i muehela kuzeka.

Ndongixi 5:17

Kia kexile ku muenhu u dia usuku izuua ioso, ni kutala hadi ia vulu ia ku di bhonda ni kukalakala, ni ndumba dia misusu iê koko, suke bhu kala ni bhabha u thathamana hanji, u kala ni njinda!

Ndongixi 8:16

O kioso ki nga te o muẋima uami mu kutongolola o kuijiia, ni ku tala kioso ki kala o ibhangelu iala mu ngongo, (mbata ku mundu ni mu muanha ni mu usuku o muthu kene dingi ni kilu mu mesu mê),

Daniiele 6:18

Sobha ua bokona mu dizêmba diê, anga usuku uoso u u bhita sé ngó kúdia kima, kʼehela ku mu xikila jimujika bhu pholo iê; o kilu mu mesu kia mu lenge.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.