Ndongixi 2:22 - O Mikanda Ikola

²² Mbata kima kiahi kiene, muthu kia kala na-kiu dingi ku kikalakalu kiê, kioso kia bhanga kulu dia mundu kunu, ni ku di-buila-buila ngó o muẋima mu ima ioso ia mu kuenda ni kubhanga leluʼidi?

Ndongixi 2:22 ပူးပေါင်းရင်းမြစ်များ

Jisálamu 127:2

Kingoho ue o kudimeneka ku thonga, ni kuseiala usuku kudia kua ku di huha; kuma oso a a zolo kuala muene, a a bhela ku kilu.

Jisabhu 16:26

Muthu u kalakala, u kalakela mbote iê-muène, oko ki mu suinisa, o dikanu diê diia ni ku mu bhinga.

Ndongixi 1:3

O muthu u bhanduluka-ku ihi ku kikalakalu kiê kioso kia mu bhanga ni hadi kulu dia mundʼuku?

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 3:9

O mukalakadi-phe u katula-ku ihi ku kiókio kiene mu kukalakala?

Ndongixi 4:6

Kota o lukuaku luezala ni kutululuka ni kunhoha, kuindi o maku ene kiiadi kiâ ezala ni ndumba dia ikalakalu ni dilamba dia muenhu.

Ndongixi 4:8

Kuala muthu uala ngó ubhekèlele uê, kala dingi ni mukuá iadi, kidi muene, ka moneka mona mba ngó phange ia muhatu; maji muenhú, kia kuata o kukalakala, ka zumbuka, mba mesuʼê a mu suka mu kutala o jimbongo; mba ngó uila, uixi: Ki ngalʼiki, nga mu kalakalela nanhi, eme nga fulu o kubhana muenhu uami o jimbote joso ja u tokala? Kuma kienhiki ue kingoho ni nduezu mu kukalakala.

Ndongixi 5:17

Kia kexile ku muenhu u dia usuku izuua ioso, ni kutala hadi ia vulu ia ku di bhonda ni kukalakala, ni ndumba dia misusu iê koko, suke bhu kala ni bhabha u thathamana hanji, u kala ni njinda!

Ndongixi 8:15

Anga o kusanguluka ngi ku tula ditala dia di leka, mukonda kulu-dia-mundu kana-ku kima kia beta o kuiuka phala o muthu, kala o kúdia ni kúnua ni kutumbujuka ni ngalasa; mukonda ima ienhiʼii i mu kaiela mu ikalakalu iê ioso, mu izuua ioso ia muenhu uê, ia mu bhana Nzambi bhoxiʼaʼkumbi.

Matesu 16:26

Muthu u bhanduluka-hi, se ua nganhala ngongo ioso, nʼa te-mu o muenhu uê? Inga muthu u bhanahi mu ta uenji ua muenhu uê?

Matesu 6:11

Kúdia kuetu kua nzala ia kizuua ni kizuua, tu bhane-ku lelu.

Matesu 6:25

Kala kiki, ngi mi ambela: Kana kuvula hele ia muenhu uenu, mba mu dia-hi, mba mu nua-hi; né hanji o mukutu uenu mba mu zuata-hi. Kífua ni muenhu ni kúdia, muenhu ki kota? Ni mukutu ni izuatu, manhi mukutu ki kota?

Matesu 6:34

Uila kiki, ni kizuua kia mungu, kana ku ki kuatela hele. Mukonda o kizuua kia mungu kia di kalela ni hele íê. O hadi ia lelu ia soko ni kizuua kiê.

Luka 12:22

Jezú anga uambela jixibulu jê, uixi: Kala kiki, kiene ki nga mi ambelela kuila, ki mu kale ni hele ia muenhu uenu, muexi tu dia-hi? Né ia mukutu uenu, muixi tu zuata-hi?

Luka 12:29

Kala kiki, kana kutata ni kusota kioso ki mu dia, ni kioso ki mu nua. Kana kuvula uê ilunji.

I Kolindo 16:16

endenu ni ku a kaiela mu im ioso ia longa, kumoxi ni akuá oso a mu a kuatekesa mu kikalakalu kioso kia mu bhanga.

Filipe 4:6

Ki mu kale ni hele ia kima, ki mu ile bhidibhidi, maji ima ioso-phe iiza-ku, mu ila ni kusamba ni kudionda, kumoxi ni kusakidila, mu ende ni kubhinga kua Nzambi ioso i mua mesena.

I Timote 6:8

Kala kiki, se tua mono-phe kia kudia ni kia kudivunga, ima ienhiʼii i tu soke.

I Phetele 5:7

Héle ienu ioso xilenu-iu Nzambi, kuma muène ua mi kuatela muanu.