Ndongixi 2:19 - O Mikanda Ikola

¹⁹ Kuma nanhi ua kʼijiia se u kala njimu mba u kala kiôua kia hatu? Maji-phe o muenhú muene-muène ua kà i lundula, ia kà kituka iê-muène, o ima ioso i nga kalakala ni unjimu uoso kulu-dia-mundu; kiki ue kingoho muene.

Ndongixi 2:19 ပူးပေါင်းရင်းမြစ်များ

I Jisobha 11:43

Anga Salomá u zeka ku mukànda ua mavu kumoxi ni jitata jê, anga a mu funda mu sanzala ia tatʼa Davidi; anga monʼê ua diiala Lobouamu, u hinga ungana bhu kididi kiê.

I Jisobha 12:13

Anga sobha u vutuila kifuxi ni kuthathamana kuoso, mukonda ua xile phangu ia mu bhele o ikulakaji.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:20

Kienhiki kia ngi bhekesa kuambela o muẋima uami, ngixi: Jimba-ku! Kana kudielela ku ikalakalu ioso i nga bhange kulu-dia-mundu. Anga ngi suína muene kubhangesa kuila o muẋima uami ki u kale ni kudielela kua kima kulu-diamundu.

Ndongixi 3:22

Eme nga ki mono muene, kuila kanaku kima kia beta o kuiuka, kala o muthu kusanguluka mu ikalakalu iê ioso, mukonda diene o dikânda diê, kulu dia mundu kunu, kuma hádia, nanhi dingi u mu vutula nʼa mone o ima ioso ia-nda ku mu bhingana kuema diê, kuila muene ua jimuka kiá?

Ndongixi 9:13

Nga mono ue ku mundu kiuila, o kuijiia kima kia dikota.

Luka 16:8

Ngana iê anga u ximana o kimbadi kia mangonha, mukonda dia kudimuka kuê. Mbata anʼa mu ngongo a beta o kudimuka mu kikexilu kiâ, anʼ a mukengeji ndenge.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

Tiiaku 1:17

Kuma o ujitu uambote u tu tambula, ni uhete uauabha, u tunda ku duilu. Ima ioso íii i tuluka kua Nzambi, Tata ua bhanga o mikengeji ia diulu. O muène kene ni kualuluka, kuma mua muène ki muene mú kala nè ngó kizenji kia kualuluka.

Tiiaku 3:17

Maji o unjimu-phe u tunda bhulu, u dianga kuzela, anga u tululuka, u lenduka, u bhekela ukamba. Uene u vula kukuatela henda, u bhekela kubhongolola ibundu ia ibhangelu iambote. Ki u moneka katungu, mba u kala ni mangonha.