Ndongixi 2:18 - O Mikanda Ikola

¹⁸ Anga o ikalakalu iami ioso i nga bhange kulu-dia-mundu i ngi iibhila mukonda dia uxilu u nga-nda ku i xila o muthu uoso hádia ua-nda ku ngi bhingana.

Ndongixi 2:18 ပူးပေါင်းရင်းမြစ်များ

Jisálamu 17:14

Lukuaku lué lu ngi kudile, u Jihova, ku athu ió ejiia ngó ima ia mu ngongo mumu; kabasa ekuta mu mala ni makudia ma tundu ko kué, a kala ni umonhi ua kuxila anʼâ.

Jisálamu 39:6

Kidi muene, muthu kinzúnzumbia mu kunhunga kuê; u talê ngó hadi ni kututumba; u lunda nzungule ia jimbongo, maji kʼejiia uoso hinu u ji dia.

Jisálamu 49:10

Kikale ene oso muene mu aia; ni njimu i fuê; ni kiôua ni bulutu ene oso kiómuene, o jimbongo jâ a ji xila akuá.

Ndongixi 1:13

Ngixi-phe, o muẋima uami ngi u ta hanji ku unjimu, phala ngi tongolole, ngi solokote kiambote ni kuijiia kuoso, o ima ioso iene ku bhita kulu-dia-mundu. O ki nga iʼdi suí: Ngixi ikalakalu ioso iii o Nzambi ua i bhana anʼahu phala ngó ku a longela-mu.

Ndongixi 1:3

O muthu u bhanduluka-ku ihi ku kikalakalu kiê kioso kia mu bhanga ni hadi kulu dia mundʼuku?

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:21

Kuma sai muthu o kikalakalu kiê u ki bhanga ni unjimu uoso ni kuijiia kuoso ni uhete ua maku a sakalala, maji, o mungu, u ki xilé ngó muthu uengi ka kalakala-ku; ki kituka dikânda diê-muène kiá. Kidi muene. Kiki ue ukumbu ngoho ni nzungule ia dibhuilu!

Ndongixi 2:26

Kuma o muthu ua iuka, Nzambi u mu bhana o unjimu ni kuijiia, hé u mu tela-ku o kusanguluka; maji o mukua ituxi-phe, Nzambi u mu bhana kukalakala mbé a bhongolole, a lunjijiké ima ia-nda kubhana kua ió a muindi kuala Jihova. Maji kienhiki ue ukumbu ngoho ni ʼlamba dia muẋima.

Ndongixi 3:22

Eme nga ki mono muene, kuila kanaku kima kia beta o kuiuka, kala o muthu kusanguluka mu ikalakalu iê ioso, mukonda diene o dikânda diê, kulu dia mundu kunu, kuma hádia, nanhi dingi u mu vutula nʼa mone o ima ioso ia-nda ku mu bhingana kuema diê, kuila muene ua jimuka kiá?

Ndongixi 4:3

Maji o ua beta hanji o kulúnga bhu kaẋiʼabha, ió uoso kiluua ngó a mu vuala; mukonda o kuiibha kuoso kua mu bhanga o athu kulu-dia-mundu kunu, muene ka ku mono luua.

Ndongixi 5:18

Kima-phe kia mbote ki nga mono o kuiuka, kienhiki: O muthu kúdia ni kúnua ni kukemba ni mbote joso ji tunda mu kikalakalu kiê kioso kia talela hadi kulu dia mundu, mbote joso muene ku ji-dia mu imoxi imoxi, izuua ioso ia muenhu uê, ia mu bhana Nzambi iê; kuma iene o mbandu iê ia mu tokala ia mu xinda Nzambi, diene o dikânda diê ku muenhu iú.

Ndongixi 9:9

Kemba jinga ni muhatu ua kazola ké, mu izuua ioso ia muenhu ué, o izuua ia ku bhana Nzambi Kulu-dia-Mundu, o izuua ioso ia maukumbu mé; mukonda ienhiʼii iene o mbandu ié ia ku tokala ku muenhu iú, ni mu ikalakalu ié ioso i ua bhange Kulu-dia-Mundu.

Luka 12:20

Nzambi-phe ua mu ambela, uixi: U kiôua! Usuku ua lelu, a-ndu ku bhinga kiá o muenhu ué! O ima ioso-phe i ua lunduʼíi, ia-ndu kala ia nanhi?

I Kolindo 3:10

Mu kukalakala ni kiadi kia Nzambi, kioso kia ngi bhana, kuma ngi mutungi a hete, eme nga te disesa bhoxi, o mukuetu iú ua tungu ku thandu diê. Uoso-phe muthu u tunga, a di lange o utungilu uê.