Ndongixi 2:17 - O Mikanda Ikola

¹⁷ Anga o muenhu iú u ngi iibhila, mukonda o ikalakalu ioso ku mundu i bheka ngó malamba! Kidi muene. Ioso muene kulu-diamundu kingoho ni ʼlamba dia muẋima!

Ndongixi 2:17 ပူးပေါင်းရင်းမြစ်များ

I Jisobha 19:4

Muene anga uia mu kikangalakata, uenda kizuua kimoxi, anga uiza, u xikama bhoxi dia muzimbru; anga u bhinga kúfua moxi diê, uixi: Kuabhu kiá, eie u Ngana! Katula o muenhu uami kindala, mukonda eme ki ngala kota, o jitata jami ndenge mu kuuabha.

Jobe 14:13

Tamanu ua ngi suekele mu mbila, ni u ngi sueka muene katé o njinda ié ki i somboka, anga u ngi xindila kizuua, hé u ngi lembalala kiua!

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 2:11

Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:22

Mbata kima kiahi kiene, muthu kia kala na-kiu dingi ku kikalakalu kiê, kioso kia bhanga kulu dia mundu kunu, ni ku di-buila-buila ngó o muẋima mu ima ioso ia mu kuenda ni kubhanga leluʼidi?

Ndongixi 3:16

Nga mono ue dingi kulu dia mundu kunu, kuila bhu kididi kia kufundisa bhene bhu kididi kia kuhâma dingi; o bhu kididi kia kubatuila milonga, kuhâma dingi kiavulu.

Ndongixi 4:2

Anga ki ngi bhekesa kuila, ngixi: Alunguʼâ ió afu kiá, kuindi iá ala hanji ni muenhu.

Ndongixi 4:3

Maji o ua beta hanji o kulúnga bhu kaẋiʼabha, ió uoso kiluua ngó a mu vuala; mukonda o kuiibha kuoso kua mu bhanga o athu kulu-dia-mundu kunu, muene ka ku mono luua.

Ndongixi 6:9

Kota o kutala ngó mesu, kuindi o kuenda ni muẋima ua di zangeleka ni luímbi, kuma kienʼiki ue ukumbu ngó ni kukaiela kitembu.

Izekiiele 3:14

Bhenhobho, Nzumbi ia Nzambi ia ngi zangumuna, ii ia ngʼambata; eme anga ngiia ni dilamba dia vulu mu kikenene kia! muenhu uami; maji o lukuaku lua Jihova lua kexile ni nguzu iavulu ku thandu diami.

Jona 4:3

Nga ku diondo-phe, u Jihova, ngi batule muenhu uami, mbata kota ngafu kulaia kiki, kana.

Jona 4:8

Anga ki bhita-phe kuila, kiatu muanha, Ngana Nzambi u tumikisa kitembu kionéne kia tema kia thunda, o misongo-songo ia muanha ua dikumbi anga i tula mu mútue ua Jona. Muene anga u ambuka ni kizuza kia muanha, hé uinda kúfua ni muẋima uê uoso, uixi: Kota ngafuʼami kiá, kukola muenhu kiki, kana.

Habakuke 1:3

Phalahi u ngi muesa o ufusa ni lusebu, anga u ngi bhangesa kutala ungulungumba? Kuma ku pholo kua ngi xikamena kibuika ni kubhondalala; sai ue a vulumuna jimvunda ni ku kuata kuzoka.

Dialuilu 11:15

Hé kiene ki u ngi bhanga, ngi jibhe kiá, nga ku diondo, se nga sange kiadi ku mesu mé; ki ngi kale ngó ni ku ngi tatesa kiki!