Ndongixi 2:16 - O Mikanda Ikola

¹⁶ Mbata ki tu fike kuila o njimu a kà beta o ku mu lembalala, o kiôua ni ki kale ndenge; kuma ku izuua ia hádia, o ima ioso ka kà i lembalala dingi, kuila bhua bhiti kiá tu izuua. Ene oso a kà fua kiò-muene, kutale o njimu uejiia, uixi o kiôua kejiia kima.

Ndongixi 2:16 ပူးပေါင်းရင်းမြစ်များ

II Samuuele 3:33

Muenexi anga u ta mbûndu mukonda dia Abinele, uixi: Abinele, tata, kífua ufua ufuilu ua kiôua?

Jisálamu 103:16

Kitembue kʼila ki bhita-ku, kia lela, kia buila; ni kididi kia kexe ka kʼijiia dingi.

Jisálamu 49:10

Kikale ene oso muene mu aia; ni njimu i fuê; ni kiôua ni bulutu ene oso kiómuene, o jimbongo jâ a ji xila akuá.

Jisálamu 88:12

Madiuanu mé manhi a moneka dingi mua vunduʼomo? mba o kukumbidila kué mʼoxi ia kijimba kioso munhá?

Makatukilu 1:6

Ku izuua Zuze anga ufua, ni jiphange jê, ni muiji uoso-lolo uenʼió.

Makatukilu 1:8

Mu kukala-phe, ungana ua Ijitu a u hingi kuala muthu uengi kʼejiia Zuze.

Jisabhu 14:8

Muthu ua dimuka, unjimu uê o ku tongolola kiambote o njila iê; maji o usemenhi ua maioua-phe, o kunganala.

Ndongixi 1:11

Kuma o ima ia bhiti kiá athu kene ku i lembalala dingi; o ima ia kèza-ku ue, ka kà i lambalala dingi ku athu a kèza-ku, kuila o iene ia bhiti kiá.

Ndongixi 2:14

O njimu mesuʼê a mu kala mu mútue, o kiôua-phe uendela mua vundu; sumbala a di tungula maji nga tetuluka kuila o ima i bhita kua iú iene ue i bhitʼê kua ió.

Ndongixi 2:15

Anga ngi kiʼamba mu muẋima uami, ngixi: Kioso ki bhita na-kiu o kiôua, kiene ue kiʼanda kua kà bhita nʼeme; abha-phe eme nga sotelaʼhi ngó kuijiia kuosuʼku? Anga ngi kiʼamba muene mu muẋima uami ngixi, o kiki ue manhi ukumbu ngoho.

Ndongixi 6:8

Mukonda-phe, kima kiahi kia beta kota kiala na-kiu o njimu kiôua nʼa kale ndenge? Mba o ngadiama u kala ni kima kiahi se kejiia kuenda kiambote mu kaẋi ka athu a muenhu?

Ndongixi 7:2

O kuia mʼonzo ia thambi kota, kuindi mʼonzo muala o fesa; mukonda o momo athu muene mua muena o dizubhilu diâ; athuʼoso a muenhu a ki ta muene ku miẋima iâ.

Ndongixi 8:10

Nga mono ue akua phulu ku a funda mu jimbila ni kutululuka, anga bhu kala muene ni muthu uia bhu mbila jâ; maji o ió a bhanga jinga o jimbote mu mbonge, a tunda jinga bhu kididi kia kuiuka, ki bhuala ngó muthu ua a lembalala; kidi muene, imiʼii ue kingoho kiene.

Ndongixi 9:15

O muenhomo-phe mua tungule o ngijiue ia ngadiama, ua bhulula o sanzala ni kuijiia kuê. Sumbala o mukuetu muenhó kana-bhu ngó muthu ua kexi mu ku mu xinganeka.

Ndongixi 9:5

Kuma ió oso ala ni muenhu ejiia kuila a-nda kúfua, maji o ió afu kiá kʼejiia dingi kima kioso-kioso; né ue kisakidilu kia kima, ene kala nakiu dingi; kuma o dixinganekenu diâ, athu a di bhakuila ue kiá o kijimba.

Malakiia 3:16

Maji kienhiki-phe akua kuxila Jihova enda ni ku di kunda-kiu mudiâ muthu ni mukuá; Jihova anga ua a suua; ua evua; anga u ki soneka mu divulu kuma dilembalelu bhu pholo iê, kua iá akua uoma uê; iá ene mu kuxila Dijina diê.

Jihebeleu 9:27

Kala ue o athu kia a xindi kufua ngó lumoxi, o kia zubha o kufua, hé ku kala o ku a fundisa kuala Nzambi.