Ndongixi 2:12 - O Mikanda Ikola

¹² Anga ngi lungulukila ue o kutongolola ki kala o kuijiia, ni ulaji, ni uôua; kuma o muthu uoso hádia u kaiela kua sobha, ua kà bhanga kima kiahi? Ua kà bhangʼé muene ioso kiá ia bhanga jinga akuá.

Ndongixi 2:12 ပူးပေါင်းရင်းမြစ်များ

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 3:15

O ima i tu mona lelu, ia kexi-ku kiá, o ima ia kèza-ku ue ia kexi-ku ue kiá. O Ngana Nzambi-phe uà kʼèbhula katé ni ima ioso ia bhiti kiá.

Ndongixi 7:25

Anga ngi lunguluka dingi, hé ngi sola ni muẋima uami o kuijiia, ni kutongolola, ni kusota o unjimu, ni kilunji, ni kuijiia o kudianguka kua kubhanga ia iibha, ni ulaji ua kutulumba, eme nga mono kuila o kubhanga kiaiibha ulaji uene, o kubela uôua.