Ndongixi 2:11 - O Mikanda Ikola

¹¹ Anga ngi bhetuka o mesu mu kutala ima ioso ia kalakala o maku mami, ni kikalakalu kioso ue ki nga bhange kia tundu mu kukalakala kuami, o ki nga iede sui, mu nga bhiti ni dibhuilu diê, nga i mono kuila ioso ku mundu mbé ukumbu ngó ni ʼlamba dia muẋima, kuma ioso bhoxiʼabha ki iala ni kubhanduluka kua kima.

Ndongixi 2:11 ပူးပေါင်းရင်းမြစ်များ

Dimatekenu 1:31

Nzambi anga u mona ima ioso ia iudika, kuma ia uabha muene kiavulu. Anga ku kala ngoloxi ni kimene, kizuua kia kasamanu.

Jisálamu 89:47

Xinganeka o thembu iami, kuma ki i nange kúbhua; Eie, kífua anʼa athu ua a bhangela o kuseluka ngoho?

Makatukilu 39:43

Mozé kia tale o kikalakalu kioso, ua mono kuma a ki kalakala muene; kioso kia tumu Jihova, kiene muene kia bhange. Bhenhobho Mozé anga u a benzela.

Ndongixi 1:14

Nga tonginina ku ikalakalu ioso iene kubhanga athu kulu-dia-mundu, nga i mono kuila ioso muene kingoho ni lamba dia muẋima.

Ndongixi 1:17

Anga ngiia, ngixi: O muẋima uami ngi u te hanji mu kutongolola o unjimu ni kuijiia kiambote o Ulaji ni Uôua; o ki nga iedi sui, nga tetuluka, ngixi: Mbé iene iosuʼiii ue dilamba ngó ku muenhu.

Ndongixi 1:3

O muthu u bhanduluka-ku ihi ku kikalakalu kiê kioso kia mu bhanga ni hadi kulu dia mundʼuku?

Ndongixi 3:9

O mukalakadi-phe u katula-ku ihi ku kiókio kiene mu kukalakala?

Ndongixi 5:10

Uoso u zola o kitadi, o kitadi ki mungu ki mu kuma dingi. O uoso u uabhela jinzungule, ki mungu dingi a ibhila kadienge, kuma kienhiki ue ukumbu ngoho.

Ndongixi 5:16

Kienhiki ue kima kia ibha kiavulu muene, ki katesa ku muẋima, kuila o muthu kioso kiezʼê, hádia ue kiene muene kia kà vutukʼê; o ku kalakalela-phe ngó o kitembu, kua kalakala, kia mu bhandululaʼhi?

Habakuke 2:13

Abha, ki kiejila kua Jihova dia Ifuẋi, kia kuila o mundu ukalakala ngó phala túbhia, o ifuẋi iʼathu na iokojoke mu kingoho?

I Timote 6:6

Kuma kia kidi kiene, o kuxila Nzambi-phe ni kutululuka kuê, nganhu muene ia dikota, kabasa muthu ua tena kusanguluka ni kioso kiala na-kiu.